airplanebooksbriefcase business cogs cross election entertainment fish house law lockmedicalpeopleselfservices socialtax
Close

Qanoq ikiortariaqarpit?

Maannakkut atuuttut

Coronavirus/COVID-19

Suliffissamut innersuunneqarneq

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Arlaannik pissuteqartumik suliffiit annaasimagukku imaluunniit ilinniagaqareernerpit kingorna suliffissaaleqisimaguit, suliffissaaleqisutut nalunaarsorneqarsimanissat isumagissavat. Taamatut nalunaarsugaaguit pisinnaatitaaffeqarlutillu pisussaaffeqartitaassaatit. Pisussaaffivit ilagissavaat suliffeqarnermut piareersimasussaatitaanissat. Ilaatigut tamanna ima isumaqarpoq suliffissamut innersuunneqarsinnaasutit.

Suliffissaq innersuunneqarfiusoq tassaavoq utaqqiisaagallartumik atorfik suliffissarsiuussisarfimmit innersuussaq. Taanna assersuutigalugu meeqqerivimmiusinnaavoq, utoqqaat illuanni imaluunniit allarluinnarmi. Suliffik innersuunneqarfiusoq aqqutigalugu sulisitsisunut attaveqarsinnaalissaatit tassuunakkullu aalaakkaasumik suliffittaarnissannut periarfissatit pitsaanerulersillugit.

Suliffissamut innersuunneqartussanngoruit suliffissarsiuussisarfiup toqqaannartumik imaluunniit oqarasuaatikkut attaveqarfigissavaatit.
Piumasaqaatit
Suliffissamik suugaluartumiluunniit sulisinnaassaatit, imaanngippat:
    • Peqqissutsikkut ajornartorsiuteqarlutit
    • Meeqqerinissakkut ajornartorsiuteqarlutit
    • Inuttut allatigut ajornartorsiuteqarlutit
Peqqissutsikkut ajornartorsiuteqarnerit pissutigalugu suliffissatut innersuussami sulisinnaanngikkuit, piginnaanngorsaqqinnermik ingerlataqarnissamik neqeroorfigineqassaatit.

Suliffissatut innersuussamik pissutissaqarnak akuersiumanngikkuit, aningaasatigut ikiorserneqarnissamut pisinnaatitaanerit sapaatit-akunnerini sisamani annaassavat. Tamanna mattunneqarallarnermik taaneqartarpoq. Sapaatit-akunneri sisamat pineqartut qaangiuppata, sulinngikkallarnermi ikiorsiissutinik nutaamik naatsorsuisoqassaaq. Imaappoq ikiorsiissutissat ikinnerulissapput pissutigalugu sapaatit-akunnerini kingullerni sisamani isertitaqarnikuunnginnavit.

Pinerluuteqarsimannginnermut aamma meeqqanik pinerluuteqarsimannginnermut uppernarsaatit
Atorfiit ilaat, assersuutigalugu meeqqerivimmi ikiortitut sulissagaanni, pinerluuteqarsimannginnermut aamma meeqqanik pinerluuteqarsimannginnermut uppernarsaatit piumasaqaataasarput. Suliffissarsiuussisarfimmi immersuiffissamik pissarsisinnaavutit politiinullu taanna tunniutissavat, tunniutereerukkulu pinerluuteqarsimannginnermut uppernarsaat pissarsiarissavat. Iluaqutaassaaq suliffissarsiuussisarfimmut suliffissaaleqisutut nalunaarsorneqarumallutit saaffiginneqqaarninni immersuiffissaq pissarsiarereerukku.
Aningaasaqarneq
Piffimmi sulinerpit nalaani aningaasarsiaqassaatit. Aningaasarsiaqartuartillutillu sulinngikkallarnermi ikiorsiissutinik qaavatigut pissarsisinnaanngilatit.

Pisortanit ikiorsiissutinik pisartagaqaruit taakku naatsorsorneqartuassapput pisariaqartitannik naliliinerit tunngavigalugit.
Allaaserisat attuumassutillit

Inatsisit

Toqqoruk/Anillatsiguk