airplanebooksbriefcase business cogs cross election entertainment fish house law lockmedicalpeopleselfservices socialtax

Erninermut atatillugu aningaasarsiaqarneq

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Kalaallit Nunaanni suliffissaqartitsineq pisortanit aamma namminersortunit ingerlatsivigineqarpoq. Namminersortutut aamma pisortat ingerlassaanni sulinermi atugassarititaasut inatsisit aqqutigalugit maleruagassiorneqarnikuupput. Pisortani atorfilinnut atorfeqarnermi atugassarititaasut, inunnut ataasiakkaanut atuuttut aamma matumani isumaqatigiissutit malillugit maleruagassiorneqarnikuupput. Kinguliini allassimasut pisortani atorfilinnut taamaallaat atuupput.

Pisortani sulisuuguit ernininnut atatillugu sulinngiffeqarninni aningaasarsiaqarsinnaatitaavutit. Isumaqatigiissutivit aalajangissavaa:
• Erininnut atatillugu aningaasarsiaqarsinnaatitaanersutit
• Ernininnut atatillugu sulinngiffeqarninni qanoq sivisutigisumik aningaasarsiaqarsinnaatitaanersutit

Tamatumunnga peqatigitillugu eqqumaffigissavat:
• Sulisitsisunnut nalunaarnissamut pisussaatitaanerit
• Erninermut atatillugu sulinngiffeqarnerup nalaani meeqqat napparsimmavimmut unitsinneqassagaluarpat malittarisassat immikkut ittut
• Aningaasarsinnginnerpit nalaani sapaatit akunnerini erninermut atatillugu sulinngiffeqarninni ullormusianik qinnuteqarsinnaanersutit
Erninermut atatillugu sulinngiffeqarnerup sivisussusaa
Meerartaaruit ernininnut atatillugu sulinngiffeqarsinnaatitaavutit. Marluullusi angajoqqaatut sapaatit akunnerini katillugit 37-ni sulinngiffeqarsinnaatitaavusi:
• Anaanaasoq erniffissatut naatsorsuutigineqartoq sapaatit akunnerinik marlunnik sioqqullugu naartunerminut atatillugu sulinngiffeqarsinnaatitaavoq
• Anaanaasortaaq ernereernermi kingorna sapaatit akunnerini 15-ini erninerminut atatillugu sulinngiffeqarsinnaatitaavoq
• Ataataasoq meeqqap inunngoreerneraniit sapaatit akunnerini 3-ni meerartaarnerminut atatillugu sulinngiffeqarsinnaatitaavoq. Sapaatit akunnerini 3-ni sulinngiffeqartoqassaaq meeqqap inunngorneraniit sapaatit akunnerini 15-it siulliit iluanni
• Taakkua saniatigut sapaatit akunnerini 17-ini angajoqqaatut sulinngiffeqarsinnaatitaavusi, taakku ilussinni agguataassavasi. Sapaatit akunnerini 17-ini angajoqqaatut sulinngiffeqarfissat ingerlanneqassapput anaanaasup sapaatit akunnerini 15-ini erninerminut atatillugu sulinngiffeqarneranut ilassutitut. Angajoqqaatut sulinngiffeqarfissat ataatsikkut ingerlassinnaanngilasi

Marluliaatitaarussi sulinngiffeqarnissassi sivitsorneqarnissaanut pisinnaatitaavusi:
• Anaanaasoq isumaqatigiissutini apeqqutaatillugu sapaatit akunnerinut 15-inut taarsiullugu sapaatit akunnerini 19-ini erninerminut atatillugu sulinngiffeqarsinnaatitaavoq
• Sapaatit akunnerinut 17-inut taarsiullugu angajoqqaatut sapaatit akunnerini 21-ni sulinngiffeqarsinnaatitaavusi

Isumaqatigiissutivit aalajangissavaa ernereernermi sulinngiffeqarnerup nalaani qanoq sivisutigisumik aningaasarsiaqarsinnaatitaanerit. Isumaqatigiissutit sorliit malillugit atorfeqarnerit nalunngikkukku, takussutissiami ataaniittumi allattorsimasut aqqutigalugit paasisinnaavat:
• Sapaatit akunnerini qassini aningaasarsiaqaatigalugu angajoqqaatut sulinngiffeqarsinnaatitaanerlusi
• Sapaatit akunnerini qassini katillugit erninermut atatillugu sulinngiffeqarsinnaatitaanerlusi

Aningaasarsiaqaatigalugu aamma aningaasarsiaqaatiginagu erninermi sulinngiffeqarneq pillugu takussutissiaq takuuk
Nalunaarnissamut pisussaaffeqarneq
Angajoqqaatut pisussaavusi, meerartaarnissassinnut atatillugu sulinngiffeqalinnginnissinni piffissaagallartillugu sulisitsisussinnut nalunaarnissamut:
• Anaanaasoq pisussaavoq, naartunini pillugu sulisitsisuminut nalunaarutigissallugu. Taamaaliussaaq kingusinnerpaamik meerartaarnissamut naatsorsuutigisaq sapaatit akunnerinik 13-inik sioqqutsilluni
• Anaanaasoq aamma pisussaavoq, sulisitsisuminut nalunaarutigissallugu qaqugu sulileqqinnissani naatsorsuutiginerlugu. Taamaaliussaaq ernereernermigut kingusinnerpaamik sapaatit akunnerisa 12-it qaangiunneranni
• Ataataasoq pisussaavoq, meerartaarnerminut atatillugu imaluunniit angajoqqaatut sulinngiffeqalertussaanini pillugu. Taamaaliussaaq kingusinnerpaamik sulinngiffeqarfissatut naatsorsuutigisani sapaatit akunnerinik 4-nik sioqqutsilluni, aamma meeqqap inunngoreerneranit kingusinnerpaamik sapaatit akunneri 12-it qaangiutsinnagit
Meeraq napparsimmavimmut unitsinneqarpat
Meerartaarninnut atatillugu sulinngiffeqarnerpit nalaani meeqqat napparsimmavimmut unitsinneqarpat, sulinngiffeqarnerit sivitsorneqassaaq. Meeqqavit napparsimmavimmi ullut uninngaffigisaasa amerlaqataannik sulinngiffeqarnerit sivitsorneqassaaq – sivisunerpaamilli sapaatit akunnerini 13-ini.

Meeqqavit uninnganerani aningaasarsiaqarsinnaatitaavutit.

Sulinngiffeqarnerit sivitsorniarukku meeqqavit napparsimmavimmut unitsinneqarsimanera pillugu sulisitsisut nalunaarfigissavat. Taamatuttaaq meeqqavit napparsimmavimmit angerlartinneqarnera pillugu nalunaartussaatitaavutit.

Ernereernerup kingorna sapaatit akunneri 15-it siulliit erninermut atatillugu sulinngiffeqarsinnaatitaaneq atorunnaassanngilaq meeraq toqungalluni inunngorsimappat, meeravissianngortinneqarpat imaluunniit angerlarsimaffiup avataanut inissinneqarpat.
Meerartaarnermi ullormusiat
Meerartaarninnut atatillugu ullormusiaqarnissamik pisortanut qinnuteqarsinnaavutit. Taamaallaat ullormusiaqarsinnaavutit meerartaarninnut atatillugu sapaatit akunnerini aningaasarsiaqarfiginngisanni.

Erninermi sulinngiffeqarneq aamma meerartaarnermi ullormusiat pillugit paasissutissat uani atuarsinnaavatit
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl
Aningaasaqarnermut Naalakkersuisoqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: oed@nanoq.gl
Nittartagaq: www.naalakkersuisut.gl