airplanebooksbriefcase business cogs cross election entertainment fish house law lockmedicalpeopleselfservices socialtax

Soraarnerussutisiaqarnermut aaqqiissutit

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Kalaallit Nunaanni suliffissaqartitsineq pisortanit aamma namminersortunit ingerlatsivigineqarpoq. Namminersortutut aamma pisortat ingerlassaanni sulinermi atugassarititaasut inatsisit aqqutigalugit maleruagassiorneqarnikuupput. Pisortani atorfilinnut atorfeqarnermi atugassarititaasut, inunnut ataasiakkaanut atuuttut aamma matumani isumaqatigiissutit malillugit maleruagassiorneqarnikuupput. Kinguliini allassimasut pisortani atorfilinnut taamaallaat atuupput.

Innuttaasut tamarmik 65-inik ukioqaleraangamik utoqqalinersiuteqalernissamut pisinnaatitaapput.

Pisortani atorfeqaruit taakku saniatigut sulinerit aqqutigalugu akissarsinerit tamaasa soraarnerussutisiassannik isertitaqartarputit.

Tamatuma kingunerisaanik soraarnerussutisiaqaleruit, nalinginnaasumik utoqqalinersiutit aamma illit soraarnerussutisiaqarfittut katersiffinnit aningaasanik pisartagaqalissaatit, illit atorfeqarnivit ingerlanerani illit aamma sulisitsisuit ikisarsimasai tunngavigalugit.
Soraarnerussutisiaqarnermut aaqqiissuteqarnerit
Pisortat ingerlassaanni pingaarnertut soraarnerussutisiaqarnermik aaqqissuussat pingasut pigineqarput:
• Tjenestemandit soraarnerussutisiaat
• Qaammammusiallit soraarnerussutisiaat
• SIK-mut ilaasortat – akunnermusiallit aamma qaammammusiallit soraarnerussutisiaat

Soraarnerussutisiaqarnermut aaqqissuussineq sorleq ilinnut atuunnersoq, isumaqatigiissut sorleq atorlugu atorfeqarsimaninnit aallaaveqassaaq.
Soraarnerussutisianut tapiissutigisartakkat
Illit tjenestemandiunngikkuit soraarnerussutisiaqarfittut katersiffinnut qaammatit tamaasa sulisitsisut ikisisassaaq. Matuma saniatigut illit nammineerlutit nalinginnaasumik soraarnerussutisianut tapiissutinik aamma akiliisassaatit. Nalinginnaasumik sulisitsisuit soraarnerussutisianut tapiissutit tamakkiisut 2/3-lianik akiliisarpoq illit nammineq 1/3-iilii akiliillutit.

Tapiissutit annertussusiat illit akissarsiannit naatsorsorneqartarpoq. Tamatuma kingunerisaanik akissarsiatit annertuneruleraluttuinnartillugit, soraarnerussutisiassatit annertusiartuinnartarput.

Illit soraarnerussutisianut tapiissutitit eqqortuunersut misissorsinnaavatit, akissarsialerivik aamma sulisoqarnermut allaffimmut imaluunniit illit kattuffinnut saaffiginnillutit.
Soraarnerussutisiaqarfiit
Nalinginnaasumik illit isumaqatigiissutitut atukkavit aalajangertarpaa, soraarnerussutisiaqarfik sorleq ilaasortaaffigissanerit. Isumaqatigiissutilli ataasiakkaat soraarnerussutisiaqarfiup ilinnit nammineq toqqarneqarnissaa periarfissiissutigisarpaat. Soraarninngoruit tamatuma malitsigisaanik soraarnerussutisiassannik ikioraaffigisavit illit soraarnerussutisiassatit tunniuttassavai.
Soraarsitaaneq
Suliffinnit soraarsitaassaguit sulinermit soraarnermut patsisaasoq apeqqutaalluni illit soraarnerussutisiassavit annertussusissaannut sunniuteqarsinnaavoq. Assersuutigalugu illit peqqissutsit patsisigalugu sulinerit isumagisinnaajunnaarlugu, illit napparsimanerit patsisigalugu illit inuussutissarsiorsinnaanivit qanoq appartiginera aallaavigalugu soraarnerussutisiassatit naatsorsorneqarsinnaapput.

Pissutsit taama ittut suliassaqarfimmut tunngatillugu sulisartut kattuffiata ilaasortaaffivit soraarnerussutisiaqarfimmut isumaqatigiissutaani atuarneqarsinnaapput.
Allaaserisat attuumassutillit
Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl
Aningaasaqarnermut Naalakkersuisoqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: oed@nanoq.gl
Nittartagaq: www.naalakkersuisut.gl