Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Meeqqap ulloq napparsimaffia siulleq – Sulinnginneq

Meeqqat mikinerujartortillutik napparsimasarnerat akulikittarpoq, taamaasillutillu imminnut paarinissartik ajornarnerutittarlugu. Qitornat napparsimaguni ulluunerani paaqqinnittarfimmiissinnaanngilaq imaluunniit atuariartorsinnaanngilaq. Tamatumunnga taarsiullugu qitornat paarsisussarsiortariaqarpat. Qitornannik paarsisinnaasumik qanittumi ikinnguteqarnallu ilaqutaqanngikkuit illit nammineq paarisariaqarpat. Taamaattorli tamanna suliffimmut aningaasaqarnermullu ataqatigiissikkuminaassinnaavoq.

Taamaattumik qitornavit ullormi napparsimaffiani siullermi aningaasarsiannut annaasaqaataanngitsumik tamakkiisumik ilaannakortumilluunniit sulinngissinnaatitaavutit.

Piumasaqaatit
Meeqqap mikisup ullormi siullermi napparsimaffiani aningaasarsiaqarluni sulinngissinnaanermi tamanna:

  • Meeqqamut pitsaanerusussaq eqqarsaatigalugu pisariaqartinneqassaaq
  • Meeraq ilinni najugaqartuussaaq
  • Pisoq suliffimmit akuerineqarsimassaaq

Meeraq ilinni najugaqarpat taassuma nammineq meeraviginissaa piumasaqaataanngilaq. Pingaarnerpaaq tassaavoq meeqqamut pitsaanerusussaq aammalu meeqqamut illit attuumassuteqarnissat.

Meeqqap ullormi napparsimaffiani siullermi taamaallaat aningaasarsiaqarlutit sulinngissinnaavutit. Tamanna isumaqarpoq qitornat ulloq ataaseq sinnerlugu suli napparsimappat toqqagassatit tassaapput
  • allamut paaritinnissaa
  • imaluunniit aningaasarsiaqarnak sulinnginnissannik qinnuteqarnissaq

Qitornat assersuutigalugu sapaammi napparsimalerpat qitornallu ataasinngornerup ullaavani suli napparsimappat qitornavit ullup napparsimaffiani siullermi sulinngittoorsinnaanngilatit, tassa qitornavit ulloq napparsimaffia siulleq sapaataammat.

Akuerineqarneq
Aningaasarsiaqarlutit sulinngittuulinnginnerni sulisitsisunnit akuerineqaqqaassaatit. Taamaattumik qitornat napparsimalerpat:
  • Suliffinnut attaveqassaatit qitornavillu napparsimanera nalunaarutigalugu
  • Aamma napparsimaneq pillugu nalunaarnissamut maleruaqqusat suliffinni atuuttut malissavatit

Tamatuma kingorna sulisitsisuit nalilissavaa meeqqap ullormi napparsimaffiani siullermi piumasaqaatit naammassineqarsimanersut.

Piumasaqaatit naammassineqanngitsut sulisitsisunnit nalilerneqarpat – tamatumani assersuutigalugu peqqutaasinnaallutik meeqqat ukioqqortulluni imminut paarisinnaanera imaluunniit sulinissat suliffinni pisariaqartinneqarluni – itigartinneqarsinnaavutit. Taamaattoqartillugu
  • suliartussaatit
  • imaluunniit aningaasarsiaqarnak sulinnginnissannik qinnuteqassallutit

Malugiuk
Meeqqamut pitsaanerusussaq eqqarsaatigalugu meeraq paariniarlugu angerlarsimaannarniaruit makku eqqumaffigissavatit:
  • Meeqqap ukiui
  • Nappaataa

Meeraq ukioqqortusiartortillugu angerlarsimallutit paarinissaanut piumasaqaatit annertusigaluttuinnassapput.

Meeqqap ullormi napparsimaffiani siullermi aningaasarsiaqarlutit sulinngittoorsinnaanngilatit. Akerlianik periarfissinneqarsinnaavutit aaqqissuussarlu atornerlunneqarpat atorunnaarsinneqarsinnaalluni.

Naammagittaalliuteqarneq
Isumaqaruit meeqqap ullormi napparsimaffiani siullermi aningaasarsiaqarlutit sulinnginnissannik sulisitsisumit tunngavissaqanngitsumik itigartitaallutit peqatigiiffinnut saaffiginnissaatit. Tamatuma kingorna suliaq ilinnut tunngasoq peqatigiiffivit sulisitsisunnik oqaloqatigiissutigissavaa.

 

Aningaasaqarnermut Sulisoqarnermullu Aqutsisoqarfik (ASA)
Aqqusinersuaq 5
Postboks 1039
3900 Nuuk

Oqarasuaat: (+299) 34 50 00
Fax: (+299) 32 44 48
E-mail: asa@nanoq.gl
Aningaasaqarnermut Naalakkersuisoqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: oed@nanoq.gl
Nittartagaq: www.naalakkersuisut.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.