Kattuffiit isumaqatigiissuteqarfigineqarsimasut

Kalaallit Nunaanni suliffissaqartitsineq pisortanit aamma namminersortunit ingerlatsivigineqarpoq. Namminersortutut aamma pisortat ingerlassaanni sulinermi atugassarititaasut inatsisit aqqutigalugit maleruagassiorneqarnikuupput. Pisortani atorfilinnut atorfeqarnermi atugassarititaasut, inunnut ataasiakkaanut atuuttut aamma matumani isumaqatigiissutit malillugit maleruagassiorneqarnikuupput.

Isumaqatigiissut tassaavoq sulisitsisup ataatsip imaluunniit amerlasuut aamma sulinermik inuussutissarsiutillit amerlasuut akornanni isumaqatigiissutaat.

Sulisartut kattuffiisa assigiinngitsut Kalaallillu Nunaanni Namminersorlutik Oqartussat akornanni isumaqatigiissutit isumaqatigiinniutigineqartarput. Ataatsimoortumik pisortat isumaqatigiissutaat matumani pineqarput – kommunini Namminersorlutillu Oqartussani sulisunut atuupput, maleruagassallu makku aalajanersarneqarlutik:

• Akissarsiat minnerpaaffissaat
• Tapit
• Sulisitsisup sulisullu soraarnerussutisiassaanut tapiissutaat
• Sapaatip akunneranut piffissaq suliffiusussaq
• Qaangiuttoornermut akissarsiat
• Soraarniarluni siumut nalunaareernissamut piffissaliussaq

Isumaqatigiissut inatsisinut aporaatsinneqarsinnaanngilaq, atorfillilli atugaatigut pitsanngorsaasinnaavoq.

Suliffinni sulisutut sinniisut, sulisartut kattuffiat attavigineratigut isumaqatigiissut ilinnut tunngasut pissarsiarisinnaavat, imaluunniit Naalakkersuisuts nittartagaani (danskisut allassimasumut ingerlaqqippoq - danskisut allassimasuani isumaqatigiissutit amerlanerummata) nassarisinnaavat.

Kalaallit Nunaanni kattuffiit arlalissuupput. Isumaqatigiissutit assigiinngitsut malillugit nalinginnaasumik kikkut atorfeqarnersut uani atuarsinnaavat. Takussutissaq tamakkiisoq link qulaani takuneqarsinnaasukkut atuarneqarsinnaavoq.

Sulisartut kattuffianni ilaasortaanissat piumasaqaataanngilaq – aamma illit suliassaqarfiit eqqarsaatigalugu pisariaqanngilaq – taamaattoq suliassaqarfimmi kattuffiup isumaqatigiinniutigisaani ilaatinneqassaatit.

 

Ilinniagaqarluarsimasut (AC)
Ilinniagaqarluarsimasut qitiusumik suleqatigiiffiat (Akademikernes Centralorganisation, AC) sulisut ilinniagaqarluarsimasut aqutsisutut akisussaaffeqanngitsut, ilinniagaqarluasimasut suleqatigiiffiata suliarisartagaani bacheloritut imaluunniit kandidatitut soraarummeersimasut peqatigiiffigaat. tassaasut:

• Illussanik titartaasartut
• Tarnip pissusiinik ilisimasallit
• Ilinniarfeqarfinni ilinniartitsisut
• Ingeniørit
• Ilinniarnertuunngorniarfinni ilinniartitsisut

AK
Tjenestemandit kattuffiat (Atorfillit Kattuffiat, AK) tassaavoq ukununngaartoq:

• Tjenestemandit akissarsiat inissisimaffianni 34-miittut aamma ataaniittut
• Tjenestemandimut assingusumik atorfillit
• Inunnik isumaginninnermut siunnersortit aamma sullissisut
• Ilinniagaqarluarsimanermik tunuliaqutaqarnani siunnersortit
• Majoriami atorfillit

ASG
Kalaallit Nunaanni Ilinniagaqarluarsimasut kattuffiat (ASG) tassaavoq ukununngaartoq:

• Tjenestemandinut akissarsiat inissisimaffianni 35-miittut aamma qulaaniittut
• Pisortaqarfinni aqutsisut/pisortat

DJØF
Danmarks Jurist- og Økonomforbund (DJØF) tassaavoq, ilinniagaqarluarsimasut sulisorisat DJØF-ip suliaqarfiini bacheloritut imaluunniit kandidatitut soraarummeersimasut aqutsinermik akisussaanngitsut kattuffiat. Tassaavoq ukununngaartoq:

• Inatsisilerituut
• Aningaasaqarnermik ilisimasallit

Naalagaaffimmi allaffimmiut (HK stat)
HK stat tassaavoq allaffimmiut tikisitanut peqatigiiffik.

IMAK
Kalaallit Nunaanni ilinniartitsisut kattuffiat (IMAK) tassaavoq ukununngaartoq:

• Ilinniartitsisut
• Meeqqat atuarfiannut toqqaannartumik attuumassuteqartumik sulisuusut allat

NPK (siusinnerusukkut PIP-mik taaneqartartoq)
Nunatsinni Perorsaasut Kattuffiat (NPK) tassaavoq ukununngaartoq:

• Perorsaasut
• Perorsaanermut suliffeqarfinni aqutsisut

PPK
PPK tassaavoq peqqinnissami sulisunoortoq, peqqinnissaqarfimmi suliassaqarfiup iluani ilinniagaqarsimasunut, tassa imaappoq:

• Pillorissaasut
• Timimik sungiusaasut
• Peqqissaasut
• Peqqissaasut ikiortaat
• Ernisussiortut
• Igaffimmi ningiut
• Uumassusilinnik misissuisartut aamma nakorsaatilerisut
• Immikkoortortani ningiut/ittut

SIK
Sulinermik Inuussutissarsiuteqartut Kattuffiat (SIK) tassaavoq SIK-p suliaqarfiini ilinniagaqarsimasut aqutsinermut akisussaanngitsut sulisut kattuffiat. Tassa imaappoq:

• Niuerneq aamma allaffik
• Peqqissaanermi ikiorti
• Peqqissaanermi ikiortit ikiortaat
• Meeqqerisut, inunnik isumaginninnermi ikiortit aamma taakku ikiortaat
• Pedelit, illuutinik nakkutilliisut aamma kiassaateqarfinni aqutsisut
• Ulluunerani paaqqinnittartut
• Oqalutsit
• Inuussutissalerinermik suliallit
• Ornittakkani atorfillit
• Angajoqqaarsiat
• Ilinniartut aamma atuartut
• Nakorsat allattaat
• Ajoqit aamma pattattut
• Imarsiortut akunnermusiallit
• Nunaqarfinni peqqissaaveqarfinni sulisut
• Napparsimmavinni annaassiniartartut

SIK aamma tassaavoq ukununngaartoq:

• Ilinniagaqarsimasut aamma ilinniagaqarsimanngitsut akunnermusiallit
• Ilinniagaqarsimasut aamma ilinniagaqarsimanngitsut qaammammusiallit
• Aqutsisutut atorfillit ilaat

SSK
Sulisunik Siulersuisut Kattuffiat (SSK) tassaavoq sulinermik aqutsisunoortoq.

Teknisk Landsforbund
Teknisk Landsforbund tassaavoq Teknisk Landsforbundip suliaqarfiini ilinniagaqarsimasut aqutsinermut akisussaanngitsut sulisut kattuffiat. Tassa imaappoq:

• Teknikerit
• Illussanik ilusilersuisartut

TP
Dansk Journalistforbund (TP) tassaavoq ukununngaartoq:

• Tusagassiortut
• Ingerlatsinermut teknikerit
• Paasissutissiinermik suliallit