airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Tjenestemandi tassaavoq pisortaqarfinni atorfeqartinneqartoq atorfimmik immikkut pisariaqartutut nalilerneqartumik isumaginnittoq. Soorlu tassaasinnaapput:
• Politiini sulisut
• Pisortatut atorfiit ilaat

Tjenestemanditut atorfiit qanoq amerlatigisut pisortani pigineqassanersut Namminersorlutik Oqartussat kommunillu aalajangertarpaat. Tamatuma kingunerisaanik atorfiit ilaat tjenestemanditut atorfigineqartussanngortinneqartarput.

Tjenestemanditut atorfiit ilaat ukiuni aalajangersimasumik sivisussusilinni atorfigineqartarput, tamannalu isumaqarpoq atorfik piffissami killiliinnarmi atuutissasoq.

Tjenestemandinngortunik atorfinitsitsisoqassaarpoq, taamaattoq tjenestemandioreeruit tjenestemandiunerit pisortani attatiinnarlugu atorfininnissamut periarfissaqarpoq.
Pisinnaatitaanerit
Tjenestemanditut atorfiit inuiaqatigiit eqqarsaatigalugit immikkut pisariaqaatilittut nalilerneqartut isumagisaraat. Taamaattumik tjenestemandit aallaaviatigut soraarninngortinnatik soraarsinneqarsinnaanngillat, makku pissutaanngippata:
• Peqqiissuseq
• Atorfiup atorunnaarsinneqarnera
• Ukiuni aalajangersimasumik amerlassusilerlugit atorfinitsinneqarneq naappat
• Inuttut nammineq kissaateqartoqarpat
Pisussaaffiit
Tjenestemandit sulisitsisuminnit pissarsiarineqarsinnaanissaminnut pisussaatitaapput, atorfimmilu pissutsit allanngorneri akuersaartariaqarpai, assersuutigalugu atorfimmini sumiiffimmi.

Tjenestemanditut atorfiliuguit suliumajunnaaqqusaanngilatit.
Atorfininnermi atugassarititaasut allanngorneri
Tjenestemandit atorfinitsitaanerini atugassarititaasut inatsisitigut iluarsisaammata, tjenestemandinut assigiinngitsunut atuuttut assigiinngitsuusinnaapput. Tjenestemandinut inatsit allannguut sunniuteqarnerpaaq kingulleq pivoq 2003-mi. Taamaattumik taanna sioqqullugu imaluunniit kingorna tjenestemanditut atorfinissimanerlutit eqqummaariffigisariaqarpat.
Allaaserisat attuumassutillit