airplanebooksbriefcase business cogs cross election entertainment fish house law lockmedicalpeopleselfservices socialtax

Isumannaallisaaneq pisussaaffiillu

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Kalaallit Nunaanni suliffissaqartitsineq pisortanit aamma namminersortunit ingerlatsivigineqarpoq. Namminersortutut aamma pisortat ingerlassaanni sulinermi atugassarititaasut inatsisit aqqutigalugit maleruagassiorneqarnikuupput. Pisortani atorfilinnut atorfeqarnermi atugassarititaasut, inunnut ataasiakkaanut atuuttut aamma matumani isumaqatigiissutit malillugit maleruagassiorneqarnikuupput.

Suliffiup sulisunut isumannaatsuutinnissaa peqqinnartuutinnissaalu, pisortat suliffeqarfiisa tamarmik sulissutigissavaat. Tamatuma qanoq anguneqarnissaanut suliffeqarfiup qanoq angitiginera apeqqutaavoq.

Suliffeqarfigisap sulisullu akornanni isumaqatigiissuteqarnikkut, isumannaallisaanermik suliaqartut suliaat avatangiisinut apeqqutinut aamma tunngatinneqarsinnaapput.
Suliffeqarfiup angissusia
Ataatsimit qulingiluanut sulisullit
Suliffeqarfiit ataatsimit qulingiluanut sulisullit suliffeqarfiup isumannaatsuunissamut peqqissutsimullu suliai makku nammineq attaveqarfiginerisigut ingerlanneqassapput:
  • Sulisitsisoq
  • Sulinermik aqutsisuusinnaasut
  • Sulisut allat

Qulinik taakkuluunniit sinnerlugit sulisullit
Suliffeqarfiit qulinik taakkuluunniit sinnerlugit sulisullit suliffeqarfiup isumannaatsuunissamut peqqissutsimullu suliai aaqqissuunneqassapput:
  • Sulisut immikkoortortaqarfinni tamani suliffimmiluunniit aqutsivigisami isumannaallisaanermut sinniisumik toqqaassapput sulisut aallartitassaannik. Inuk toqqarneqartoq isumannaallisaanermut sinniisutullu atuussinnaavoq
  • Immikkoortortani suliassaqarfinniluunniit tamani sulinermik aqutsisoq isumannaallisaanermut sinniisoq peqatigalugu isumannaallisaasoqatigiinnik pilersitsissapput

Isumannaallisaasoqatigiit suliffeqarfiup sulisunut tamanut isumannaatsuullunilu peqqinnartuunissaa akisussaaffigaat.

20-nik taakkuluunniit sinnerlugit sulisullit
Suliffeqarfinni 20-nik taakkuluunniit sinnerlugit sulisulinni isumannaallisaanermut ataatsimiititaliortoqassaaq. Isumannaallisaasoqatigiit amerlassusaat apeqqutaatillugit ataatsimiititaliaq katitigaassaaq:
  • Suliffeqarfimmi isumannaallisaasoqatigiinnik ataatsinik marlunnilluunniit peqarpat, taakkunani ilaasortat suliffeqarfiullu aqutsisua tassaassapput isumannaallisaanermut ataatsimiititaliaq
  • Isumannaallisaasoqatigiit marluk sinnerpatigit, isumannaallisaanermut sinniisut sulinermillu aqutsisut tamarmik akunnerminni ilaasortanik marlunnik toqqaassapput, taakku suliffeqarfiup aqutsisua peqatigalugu tassaassallutik isumannaallisaanermut ataatsimiititaliaq

Isumannaallisaanermut ataatsimiititaliaq suliffeqarfimmi isumannaallisaanermik peqqissutsimullu sulianut atatillugu pilersaarusiussaaq, aqutsissaaq, siunnersuissaaq, ilisimatitsissuteqartassaaq nakkutilliillunilu.
Pisussaaffiit
Sulisitsisup pisussaaffii
Suliffeqarfiup isumannaatsuutinneqarnissaanut piffissaqartariaqarlunilu isumalluutissaqartariaqarpoq. Taamaattumik sulisitsisup pisussaaffigivaa:
  • Isumannaallisaasoqatigiit aamma isumannaallisaanermut ataatsimiititaliami ilaasortat isumannaallisaanermi suliassaminnik isumaginninnissamut piffissaqartinneqarnissaat isumagissallugu
  • Isumannaallisaanermut ataatsimiititaliami ilaasortanut aamma isumannaallisaasoqatigiinnut isumannaallisaanermut tunngatillugu apeqqutit pineqartillugit ilisimasaqalersissallugit imaluunniit ilinniartissallugit
  • Isumannaallisaanermut sinniisut assersuutigalugu isumannaallisaanermut tunngatillugu pikkorissarlutik suliaqarneranni aningaasartuutaasunik akiliuteqassalluni
  • Sulisut suliaannut atatillugu ulorianarsinnaasunik napparsimalersitsisinnaasunillu ilisimasaqalernissaat

Sulinermi aqutsisup pisussaaffii
Sulinermi aqutsisoq suliassaqarfimmi aalajangersimasumi suliaqarnermi aqutsisuussaaq nakkutilliissallunilu. Taamaattumik sulinermi aqutsisup pisussaaffigaa:
  • Suliassaqarfiup iluani pissutsit tamakkiisumik illersorneqarsinnaasumik isumannaatsuunissaat peqqinnartuunissaallu peqataaffigissallugu
  • Isumannaallisaanerup peqqissutsillu siuarsarneqarnissaa pillugu suliniutissatut aalajangiunneqartut siunertamut naleqquttumik ingerlanneqarnersut misissortassallugit

Sulisut pisussaaffii
Suliffik isumannaatsuutinniarlugu sulisut pisussaaffigivaat:
  • Suliassaqarfiup iluani pissutsit tamakkiisumik illersorneqarsinnaasumik isumannaatsuunissaat peqqinnartuunissaallu peqataaffigissallugu
  • Isumannaallisaanerup peqqissutsillu siuarsarneqarnissaa pillugu suliniutissatut aalajangiunneqartut siunertamut naleqquttumik ingerlanneqarnersut misissorneqartarnissaat peqataaffigissallugu
  • Isumannaatsuunissamut peqqissutsimulluunniit ajoqutaasinnaasut pillugit isumannaallisaasoqatigiit, sulinermi aqutsisoq imaluunniit sulisitsisoq ilisimatissalllugit

Malugiuk
Suliffimmi ataatsimi sulisut tamarmik suleqatigiillutik sulisut tamarmik isumannaatsumik peqqinnartumillu sulinerminni atugassaqartinneqarnissaat isumagisussaavaat. Aamma suliffeqarfik aalajangersimasoq tamarmik suliffiginngikkaluarunikkuluunniit.
Isumannaallisaanermut sinniisunik illersuineq
Isumannaallisaanermut sinniisuusut sulinerminni suliffeqarfimmi aqutsineq isumaqatiginagu nalunaarsinnaapput. Taamaattumik isumannaallisaanermut sinniisuusut malittarisassat pingaarnerit naapertorlugit sinniisutut inissisimasut illersorneqartarnerini atuuttut aamma taakkununnga atuutsinneqarput, taamaammallu tunngavissaqarani imaaliallaannaq soraarsinneqarsinnaanngillat.
Siunnersuineq ilitsersuinerlu
Aqutsisut, isumannaallisaanermut sinniisut, isumannaallisaanermut aallartitat, isumannaallisaasoqatigiit aamma isumannaallisaanermut ataatsimiititaliami ilaasortat, isumannaallisaanermut peqqinnissamullu tunngatillugu, Sullivinnik Nakkutilliisoqarfimmut imaaliallaannaq apeqquteqarsinnaallutillu ilitsersorumaneqarsinnaapput.
Allaaserisat attuumassutillit
Sulisilluni Ajoqusernerit pillugit Sullissivik
Aqqusinersuaq 8, 9. sal
Postboks 156
3900 Nuuk

Oqarasuaat: 34 27 90 7 56 56 00
E-mail: cfa@ask.dk

Ammasarfii:
Ulluinnarni 10.00 - 12.00
Aningaasaqarnermut Naalakkersuisoqarfik
Imaneq 4
Postboks 1037
3900 Nuuk

Oqarasuaat: (+299) 34 50 00
E-mail: oed@nanoq.gl
Nittartagaq: www.naalakkersuisut.gl