NemID isissutitut atorunnaarpoq. Imminut sullississutit atorniarukkit, MitID-it pigisat isertaatitut atussavat.

Anartarfiit imaarneqartarnissaannik imaarneqartarunnaarnissaannillu nalunaarneq

Maana nalunaarit

Kommunerisannuinnaq aalajangersimasunik paasissutissaqarpoq.

Akuttussuseq
Kommuneqarfik Sermersuumi aaqqissuussineq sorleq atorumallugu nalunaarnikuunerit apeqqutaatillugu anartarfiit annittakkat sapaatip akunneranut marloriarluni pingasoriarluniluunniit imaarneqartarput. Sapaatip akunnerata ulluinni aalajangersimasuni imaarsisoqartarpoq. Kommunip sortaani najugaqarnerit aallaaviussaaq. Pisariaqartitsinerit malillugu immikkut ittumik imaarsinerit akiliuteqarlutit pisinnaavatit.

Akigititat
Akigititat akinut allattorsimaffimmi ataaniittumi nassaarisinnaavatit.

Akit allattorsimaffiat 2021

Septiktank-inut immikkut ittumik atatillugu

Tank-ip immertakkap imaartinnissaanut maleruagassat Kommuneqarfik Sermersuup sumi najugaqarnerit aallaaviussaaq
  • Nuuk: Tank-ip immertakkap imaartinnissaa pillugu nammineerlutit najukkanni sanaartortitsisartumut isumaqatigiissuteqassaatit. Tank-ip immertakkap imaartinneranut sanaartortitsisumut toqqaannartumik akiliuteqartassaatit
  • Qeqertarsuatsiaat, Tasiilaq, Sermiligaaq, Isortoq, Kulusuk, Tiniteqilaaq aamma Kuummiut: Kommunip imaarsinermut aaqqissuussineranut ilanngullutit nalunaassaatit. Taama iliorsinnaavutit najukkanni innuttaasunut sullissivimmut saaffiginillutit. Qaammatit pingasukkaartumik kommunimut akiliuteqartassaatit
  • Paamiut aamma Arsuk: Tank-ip immertakkap imaartinnissaa pillugu nammineerlutit kommunimut imaluunniit najukkanni sanaartortitsisartumut isumaqatigiissuteqassaatit. Tank-ip imaartakkap imaartinneranut kommunimut imaluunniit sanaartortitsisumut toqqaannartumik akiliuteqartassaatit
  • Kapisillit aamma Ittoqqortoormiit: Tank-imik immertakkamik ikkussinissaq taakkunani ajornarpoq

Anartarfilerineq tassaavoq pisortat aaqqissuutamik ingerlataasa ilaat, Eqqagassalerinermut ilaasoq. Eqqagassalerineq tassaalluni eqqagassaatitsinnik qanoq isumaginnittarnersugut, tassa pinngortitap eriaginissaa inoqatittalu peqqissuunissaat eqqarsaatigalugit.

Anartarfilerineq tassaavoq, anartarfiit imikullu suugaluilluunniit anartarfinneersut iginneqartarnerat.

Kikkulluunniit aaqqissuussaasumik anartarfeqarnermik peqataasut anartarfiisa imaarneqartarnissaat kommunip akisussaaffigivaa, illilli akisussaaffigivat aaqqissuussaasumik anartarfeqarnissat nalunaarutigissallugu imaarneqartarunnaarnissaanilluunniit nalunaartussaaneq.

Kuutsittagaanngitsumik anartarfeqaruit aaqqissuussaasumillu anartarfilerinikkut ilaarusullutit, anartarfik atugassat kommunimit akuerisaassaaq. Illit nammineq taamaattumik anartarfeqarnissat akisussaaffigissavat. Aammattaaq illit illumik piginnittutut attartortutul­luunniit, anartarfimmik anitsisussat anitsiartornerminni isersinnaanissaat akisussaaffigissagit.

Anartarfiit puuinut igitassanik allanik igitsisoqassanngilaq.

Kuutsittagaanngitsumik anartarfinnut igitsinerit tamaasa nutaamik puuliisoqartassaaq.

Illit kommunerisanniit akiligassannik nassinneqartassaatit.

Imaarneqartarnissaannik imaarneqartarunnaarnissaannillu nalunaarneq allannguinerlu
Anartarfiit imaarneqartarnissaannik imaarneqartarunnaarnissaannilluunniit nalunaarutiginiarukku imaluunniit allannguisitsiniaruit assersuutigalugu imaarsititsisarnerit amerlassusaannik immersugassaq immersussavat.

NemID-mik peqaruit, immersugassaq toqqaannartumik attaveqaatitigoortumik immersorsinnaavat nassiullugulu.

NemID-mik peqanngikkuit, immersukkat sumiiffinni innuttaasunut sullissivimmut imaluunniit nunaqarfiup allaffianut tunniutissavat.

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.