Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Nuunnissamik kissaateqarluni qinnuteqarneq

INI-p inissiaq attartortittagaa tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai, assersuutigalugu nuunnissamik kissaateqarnernik isumaginninneq.

INI-p inissiaataani attartortittakkami najugaqaruit kommunimilu tassani inissiamik allamik tunineqarnissat kissaatigalugu, nuunnissamik kissaateqartutut utaqqisut allattorsimaffiannut allatsissinnaavutit. Tamanna pisussanngorsinnaavoq assersuutigalugu:
• Meerartaaruit
• Avikkuit
• Illit meeqqat angerlarsimaffissinnit nuuppat
• Illoqarfimmut nunaqarfimmulluunniit allamut nuunnissat kissaatigigukku
• Illoqarfiup ilaani allami najugaqarnissat kissaatigigukku

Suliffimmut atatillugu inissiami najugaqaruit, nuunnissamik aamma kissaateqarsinnaavutit.

 

Ineqarnermut akiliutissamik akiitsoqanngikkuit imaluunniit INI-mut allanik akiitsoqarnak, taamaallaat nuunnissamik kissaateqartutut allattorsimaffimmiit inissiamik tunineqarsinnaavutit.

 

Nuunnissamik kissaateqarnissaq pillugu qinnuteqarniaruit, immersuiffissaq Nuunnissamik kissaateqarnermik qinnuteqarneq immersussavat.

Nuunnissamik kissaateqarnermik qinnuteqarneq

Qinnuteqaat najukkanni INI-p allaffeqarfianut tunniulluguluunniit nassiutissavat.

 

Nuunnissamik kissaateqartutut utaqqisut allattorsimaffianniinneq ukiumut 100 koruuninik akeqarpoq.

Utaqqisut allattorsimaffiata qanoq takitigineranut apeqqutaavoq, inuit ilittulli inissiap assinganik angeqqataanillu qassit qinnuteqarsimanersut. Illit inissiamik attartortittakkamik kissaatigisat pillugu suussutsit amerlanerujartortillugit aamma inissisimaffiinut tunngasut nalinginnaasumik utaqqinissaq sivisunerugaluttuinnartarpoq.

Inissiamik neqerooruteqarnermik itigartitsinissannut aamma nuunnissamik kissaateqartut akornanniiginnarnissamut periarfissaqarputit, inissiamik kissaatigisannik neqeroorfigineqarnissavit tungaanut.

 

INI-p nittartagaani (ini.gl) aamma allaffeqarfiini inissiat inuttaqanngitsut allagarsiunneqartarput.
Inissiaq qinnuteqarfigisinnaavat “Inissiat attattorneqanngitsut – qinnuteqarnissamut immersugassaq” immersorlugu, taannalu ini.gl-imi immersugassat akornanni nassaarisinnaavat.

Inissiamut attartorneqanngitsumut piukkunneqarumaguit, inoqatigiiullusi akissarsiassi allagartaat qaammatit pingasunut kingulliit ilanngutissavasi.

Maluginiaqqussavarput, qinnuteqarsinnaajumagussi utaqqisut allattorsimaffiani utaqqisuussagassi. Inissiamut qinnuteqartut amerlaneruppata, utaqqisuni allattorsimaffimmi inissisimaneq malillugu, inissiaq attartortilerneqassaaq.

Qularnaveeqqut akilersorsinnaavarsi, isertitasi malillugit ineqarnermut tapiissuteqarsinnaagussi.
Inissiaq attaveqarnikkut takuneqarsinnaavoq.

 

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.