Digitalimik allagarsiavit allanit atuarneqarnissaannut akuersissummik tunniusserusukkuit, pisinnaatitsissummik tunniussinissannut pingaaruteqarpoq, pisinnaatitsissummik tunisavit ilinnut tatiginartuunissaa. Pineqartoq ilaqutarisinnaavat qanigisat ikinngutigilluakkalluunniit.
Pineqartup digitalimik allagarsiavit takusinnaanissaannut pisinnaatitsissummik pissarsissaguni e-Bokseqartariaqarpoq, atuaasinnaanermullu pisinnaatitsissut e-Boks aqqutigalugu pissalluni.
Allanut atuaasinnaanermut pisinnaatitsissummik tunniussinissannut ataaniipput periuserisinnaasatit:
- e-Boks aqqutigalugu allanut pisinnaatitsissummik tunniussineq
Digitalimik allagarsiannik allat atuaasinnaanerannut pisinnaatitsissummik tunniussiniaruit, tamanna e-Boks aqqutigalugu aaqqissinnaavoq.
Taamaaliornissannut ’e-Boks ima atorneqartarpoq’ iserfigalugu paasisaqarnerugit.
- Innuttaasunut sullissivimmi immersuineq
Atuaasinnaanermut pisinnaatitsissummik tunniussiniaruit, pisinnaatitsissummik tuniniakkat peqatigalugu innuttaasunut sullissivimmukarlusi immersugassamik immersuisinnaavusi. Immersugassamik tunniussinermi kinaassutsimut uppernarsaatit atuuttut uppernarsaatitut atorneqassapput.
Uppernarsaatit atuuttut
Pisinnaatitsissummik tunniussinissannut imaluunniit pisussaajunnaarsinneqarnissannut qinnuteqarnissannut ataani allassimasut allaat kinaassutsimut uppernarsaatitut atorsinnaavatit:
- EU/EØS-mi, Kalaallit Nunaanni Savalimmiuniluunniit biilersinnaanermut uppernarsaat
- Pineqartup nunaannit pisortaqarfiit passi tunniussaat
- Danmarkimi illersornissaqarfimmit kinaassutsimut uppernarsaat tunniuneqarsimasoq
- NATO-passi
- Danmarkimi politeeqarfimmiit kinaassutsimut uppernarsaat tunniunneqarsimasoq
- Nunamiinnissamut akuersissut imaluunniit korti Danmarkimit tunniunneqarsimasoq
- Danmarkimi aningaaseriviit kinaassutsimut uppernarsaatiliaat
- Kinaassutsimut uppernarsaat inuup pineqartup nunaannit pisortaqarfiit pineqartumut tunniussimasaa, taannalu aamma nunanut-Schengeninut iserniarnermi uppernarsaatitut atorneqarsinnaavoq
Qulaani pineqartut ilaat innuttaasunut sullissivinni takutissinnaanngikkukku, ataani allassimasut marlunngorlugit aamma atorsinnaavatit. Taakkunannga minnerpaamik ataatsimi inuttut normut takuneqarsinnaassaaq:
- Najugaqarnermut uppernarsaat
- Kuisinnermut atertaarnermulluunniit uppernarsaat
- Akileraartarnermut Aqutsisoqarfimmit Inaarummik naatsorsuutit siumoortumillu nalunaarsukkat
- Pisortaqarfinnit ikiorsiissutinik pissarsisimanermut uppernarsaat, taakkua annerpaamik qaammatinik pingasunik pisoqaatigissapput