Pisortani Digitalimik Allakkerinermit pisussaajunnaarsinneqarnissamut qinnuteqarit

Kalaallit Nunaanni najugallit 15-ileereersimasut pisortaqarfinnit digitalimik allagarsisartissaapput. Innuttaasutut digitalimik allagarsianik pisussaajunnaarsinneqarusukkuit, taava nunaqarfinni kommunimi sullissisut ornillugit qinnuteqaasiorsinnaavutit, imaluunniit maana nittartakkatigut toortagaq sungaartoq toorlugu qinnuteqarsinnaavutit.

Pisortani Digitalimik Allakkerinermit pisussaajunnaarsinneqarusukkuit piumasaqaatit ataani allassimasut ilaat naammassisinnaasariaqarpat:

• Januaarip aallaqqaataa 1950 sioqqullugu inunngorsimaneq
• Timikkut qarasakkulluunniit pisinnaassutsitigut pisinnaannginneruneq
• Qarasaasianut allanilluunniit elektroniskiusunik atuilluni internetimut attaveqarsinnaannginneq
• Kalaallit Nunaanni najugaqarunnaarneq
• Oqaatsitsigut ajornartorsiuteqarneq
• MitID-mik pissarsisinnaannginneq, assersuutigalugu nunatta avataaniissimaneq peqqutigalugu
• Sumiiffimmi internetimut attaveqaatitaqanngitsumi najugaqarneq

Pisortani Digitalimik Allakkerinermit pisussaajunnaarsinneqarusukkuit, qinnuteqarneq digitalimik ingerlassinnaavat ilaquttanit allamilluunniit MitID atorlugu atsiorsinnaasumit ikiorneqarsinnaaguit.

Una toorlugu Pisortani Digitalimik Allakkerinermit pisussaajunnaarsinneqarnissannut qinnuteqarsinnaavutit

Pisortani Digitalimik Allakkerinermit pisussaajunnaarsinneqarnissamut qinnuteqariaatsit marluupput:

1. Pisinnaajunnaarsinneqarnissamut qinnuteqaat immersugassaq aniseriarlugu, angerlarsimaffimmi immersoriarlugulu innuttaasunut sullissivimmut tunniunneqarsinnaavoq
2. Pisinnaajunnaarsinneqarnissamut qinnuteqaat immersugassaq innuttaasunut sullissivimmut ornigunnikkut immersorneqarsinnaavoq tunniunneqarsinnaallunilu

Uppernarsaatit atuuttut
Pisinnaatitsissummik tunniussinissannut imaluunniit pisussaajunnaarsinneqarnissannut qinnuteqarnissannut ataani allassimasut allaat kinaassutsimut uppernarsaatitut atorsinnaavatit:

• EU/EØS-mi, Kalaallit Nunaanni Savalimmiuniluunniit biilersinnaanermut uppernarsaat
• Pineqartup nunaannit pisortaqarfiit passi tunniussaat
• Danmarkimi illersornissaqarfimmit kinaassutsimut uppernarsaat tunniuneqarsimasoq
• NATO-passi
• Danmarkimi politeeqarfimmiit kinaassutsimut uppernarsaat tunniunneqarsimasoq
• Nunamiinnissamut akuersissut imaluunniit korti Danmarkimit tunniunneqarsimasoq
• Danmarkimi aningaaseriviit kinaassutsimut uppernarsaatiliaat
• Kinaassutsimut uppernarsaat inuup pineqartup nunaannit pisortaqarfiit pineqartumut tunniussimasaa, taannalu aamma nunanut-Schengeninut iserniarnermi uppernarsaatitut atorneqarsinnaavoq

Qulaani pineqartut ilaat innuttaasunut sullissivinni takutissinnaanngikkukku, ataani allassimasut marlunngorlugit aamma atorsinnaavatit. Taakkunannga minnerpaamik ataatsimi inuttut normut takuneqarsinnaassaaq:

• Najugaqarnermut uppernarsaat
• Kuisinnermut atertaarnermulluunniit uppernarsaat
• Akileraartarnermut Aqutsisoqarfimmit Inaarummik naatsorsuutit siumoortumillu nalunaarsukkat

Pisortaqarfinnit ikiorsiissutinik pissarsisimanermut uppernarsaat, taakkua annerpaamik qaammatinik pingasunik pisoqaatigissapput.

Pisortani Digitalimik Allakkerinermit pisussaajunnaarsinneqarnissamut immersugassaq Kommunerisannut tunniutereerukku piffissaq sivitsunngitsoq akissutisissaatit.

Qinnuteqaatit akuerineqarsimappat, taava pisortanit digitalimik allagarsisarunnaarlutit allakkanik tigussaasunik nassinneqartalissaatit.

Qinnuteqaatit itigartitsissutigineqarsimappat, taava kommunerisannit allakkamik nassuiaatitalimmik nassinneqassaatit.

Kommunit aalajangiussaat allanngortinneqarsinnaanngilaq. Aalajangiussaq pillugu maalaaruteqartoqarsinnaanngilaq, takuuk Pisortani Digitalimik Allakkerinermut ilanngunnermit inunnik pisussaajunnaartitsineq pillugu Namminersorlutik Oqartussat nalunaarutaat nr. 34 23. september 2020-meersumi §§ 5 imm. 5.