Nalunaarasuartaateqarnermi Aqutsisoqarfik – Nalinginnaasumik paasissutissiineq naammagittaalliuuteqarnerlu
Attaveqaateqarneq Nalunaarasuartaateqarnermi Aqutsisoqafimmit attaveqaateqarnikkut neqerooruteqartut pillugit naammagittaalliuutinik suliaqartartuusumit inatsisitigut aqunneqarpoq.
Nalunaarasuartaateqarnermi Aqutsisoqarfimmit naammagittaalliuut suliarineqalersinnagu attaveqaateqarnikkut neqerooruteqartumit isummerfigineqaqqaassaaq. Taamaammat attaveqarnikkut neqerooruteqartup aalajangigaa naammagittaalliuutiginiarukku attaveqarnikkut neqerooruteqartumut saaffiginneqqaarallassaatit.
Attaveqaateqarnikkut neqerooruteqartup aalajangigaa Nalunaarasuartaateqarnermi Aqutsisoqarfimmut naammagittaalliuutigineqarsinnaavoq. Tele Greenland-ip Attaveqarnikkulluunniit neqerooruteqartup allap aalajangigaa naammagittaalliuutigisinnaavat. Aalajangiinerit makkununnga tunngasuusinnaapput:
- Akiligassat
- Atuinermik nakkutilliinerit pissusissamisuunngitsut
- Isumaqatigiissummi atugassiissutit nassuiaatitaat
Naammagittaalliuuteqarniaruit:
- Allakkatigut qinnuteqarsinnaavutit
- E-mail-ikkut qinnuteqarsinnaavutit
- Fax-ikkut qinnuteqarsinnaavutit
- Oqarasuaatikkut qinnuteqarsinnaavutit
- Imaluunniit ornigullutit qinnuteqarsinnaavutit
Makku ilanngullugit nassiukkukkit Nalunaarasuartaateqarnermi Aqutsisoqarfiup naammagittaalliuutinnik suliaqarneranut iluaqutaassaaq:
- Aalajangiinerup allakkiarinera
- Allagaatit attaveqaateqarnikkut neqerooruteqartumeersut allat
Suliareqqitassanngortitsineq
Nalunaarasuartaateqarnermi Aqutsisoqarfiup aalajangigai allanngortinneqarsinnaanngillat pisortaqarfinnullu allanut naammagittaalliuutigineqarsinnaanatik. Nalunaarasuartaateqarnermi Aqutsisoqarfiup aalajangigai eqqartuussivitsigut suliassanngortinneqarsinnaapput.
Malugiuk
Nalunaarasuartaateqarnermi Aqutsisoqarfiup nittartagaani www.nanoq.gl/telestyrelsen paasissutissat annertunerusut atuarsinnaavatit.