Appimut kodimik atuutilersitsissummik pissarsigit

Atuisutut ID-t kodilu atuutilersitsissut atorlugu MitID appi atuutilersissinnaavat imaluunniit atuutilerseqqissinnaavat. Taanna MitID appimut siullermut, nutaamut saniatigullu pigisamut atuuppoq. Kodi atuutilersitsissut qaangiussimappat, taava nutaamik pissaatit. Kodi atuutilersitsissut appi illit MitID-nnut mobilinnullu atassuserneqartarpoq.

Kodimik atuutilersitsissummik pissarseriaatsit marluupput:

• MitID.dk-mut iserluni kodimik atuutilersitsissummik pissarsineq
• Innuttaasunut sullissivik aqqutigalugu kodimik atuutilersitsissummik pissarsineq

MitID.dk-mut iseriarlutik kodimik atuutilersitsissummik pissarsisinnaavutit.

Sillimaniarneq eqqarsaatigalugu MitID profilinnut iserninnit akunneq qaangiukkaangat aatsaat paasissutissaatitit allanngortissinnaavatit.

1. MitID.dk -mut iserit
2. Profilip nalaani kinaassutsimt uppernarsaatit takuniarlugit Se tooruk
3. "Tilføj identifikationsmiddel"-ip nalaani Tilføj tooruk
4. Anmod om adgang tooruk
5. Log ud tooruk

Akunneq ataaseq utaqqigit – isersinnaaleruit nalunaarfigineqassaatit

1. Akunneq qaangiguppat MitID-mut iseqqigit
2. Profilip nalaani kinaassutsimt uppernarsaatit takuniarlugit Se tooruk
3. "Tilføj identifikationsmiddel"-ip nalaani Tilføj tooruk
4. Toqqarneqarsinnaasuni MitID app toqqaruk
5. Qupperneq"Aktivér din MitID app"-imik qulequtalik ammassaaq.
6. Quppernermi kodi atuutilersitsissut nuissaaq. Pisariaqartikkukku arlaannut allassinnaavat. Kodi atuutilersitsissut appimuut ataasiinnarmut atuutilersitsisinnaavoq.

Kodimik atuutilersitsissummik pissarsereeruit, MitID appi kodi atuutilersitsissut atorlugu atuutilersissavat.

MitID.dk-mut isersinnaanngikkuit, taava Innuttaasunut Sullissivimmut saaffiginninnikkut MitID appimut kodimik atuutilersitsissummik tunineqarsinnaavutit. Kinaassutsimut uppernarsaatitut atorneqarsinnaasut atoqqaarlugit Innuttaasunut Sullissivimmit kodimik atuutilersitsissummik tunineqarsinnaavutit.
Immikkoortumi ”MitID Innuttaasunut Sullissivimmi” kinaassutsimut uppernarsaatit sorliit atorsinnaanerlugit paasisaqarnerusinnaavutit.
Kodimik atuutilersitsissummik pissarsereeruit, MitID appi kodi atuutilersitsissut atorlugu atuutilersissavat.

MitID appi mobilinnut tabletinnulluunniit ikkussimagukku, atulersinnaaniarlugu kodi atuutilersitsissut atoqqaartariaqarpat.

1. MitID appi ammaruk
2. Appi atuutilersinniarlugu quppernermi siullermi "Med MitID app kan du nemt og sikkert godkende digitalt" tooruk
3. Atuisutut ID-t kodilu atuutilersitsissut allakkit
   
4. Næste tooruk
5. SMS-ikkut utaqqiisaarutaasumik PIN-kodinnattaat allaguk
6. PIN-koderiniakkat arfinilinnik naqinnilik toortaruk Næste-lu toorlugu (MitID appeqaruit arlalinnik, piumaguit MitID appinut assigiinngitsunik kodeqarsinnaavutit)
7. PIN-koderiniakkat toortaqqissavat Næste-lu toorlugu
8. Piumaguit kiinnamut ilisarinnissut assavilluunniit ipaanik atuaat ikkussinnaavat
   
9. Indstil notifikationer tooruk

a. Nalunaarutinik pissarsisarusukkuit Tillad tooruk

b. Nalunaarutinik pissarsisarusunngikkuit Tillad ikke tooruk. MitID-mit nalunaarutinik pissarsisalerusukkuit MitID.dk aqqutigalugu allanngortitsisinnaajuaannarputit