MitID app-it oqarasuaammut/tabletimut allamut kopeeruk

MitID app-it oqarasuaammut tabletimulluunniit allamut kopeerusukkukku MitID app-imi pioreersumi QR-kode scannerlugu taamaaliorsinnaavutit. MitID app-imi atuuffik taanna atorlugu MitID app nutaaq pisariitsumik sukkasuumillu atuutilersissinnaavat assersuutigalugu nutaamik oqarasuaatitaaruit tabletitaarlutilluunniit.

Aallaqqaammut Apple App Store-kkut imaluunnuut Google Play-ikkut MitID app oqarasuaatinnut/tablet-innut ikkussivigiumasannut aarialugu ikkuguk. Katillugit MitID app-it ataatsikkut pingasut atuuttut atorsinnaavatit.

1. Oqarasuaatitoqqanni tabletitoqqanniluunniit MitID app ammaruk. Skærmivit qulaani periarfissat ammakkit
2. ”Aktivér” toqqaruk
3. ”Kopier dit MitID til en ny app” toqqaruk
4. Paasissutissat atuakkit toorlugulu “Kom i gang”
5. PIN-kodet allaguk imaluunniit biometri atoruk (inussat ipaasai, Touch ID imaluunniit Face ID
6. Isumannaallisaatitut MitID app kopeertinnagu akunneq ataaseq utaqqissaatit. Allassimasoq ”Aap, kopeerusuppata” nalunaaqutseruk toorlugulu ”Kopeerineq allartiguk”
7. Utaqqineq aallartippoq. Igalaasaq utaqqisitsisoq millisinniarukku ”OK” tuussavat. Utaqqitillutit MitID app-i matusinnaavat. Utaqqineq naammassippat app-imit nalunaarfigineqassaatit
8. Akunnerup ataatsip kingorna: Skærmimi ”Vis QR-kode og kopier MitID til ny app”-imiittoq ‘’ tuussavat
9. QR-kode oqarasuaatitaarniik/tabletsitaarniik scannigassat nuisinneqassaaq. QR-kode minutsini pingasuni atuutissaaq
10. Oqarasuaatitaanni tabletitaanniluunniit MitID app ammaruk
11. Skærmimi ”Aktiver dit MitID”-mi ”Kom i gang” tooruk
12. ”Kopier fra anden MitID app” toqqassavat. Taava tuussavat “Tullia”
13. Toqqagassaq ”QR-koden er vist på den gamle app” nalunaaqutseruk toorlugulu ‘Scan QR-kode’
14. Oqarasuaatit/tabletsit app-itoqqami QR-kodep saavanut inissillugu QR-kode scanneruk MitID app-i oqarasuaativit assiliissutaa atorlugu QR-kodemik scanneritinniarlugu oqarasuaatip skærmia ilinnut sammitiguk
15. Kinaassutsit uppernarsarniarlugu atuisutut ID allaguk. Kingorna tuussavat “Næste”
16. Utaqqiisaasumik PIN-kode SMS-ikkut tigusat allaguk
17. Skærmimi ‘Vælg din personlige PIN-kode’-mi ”Næste” tooruk
18. Nammineq inuttut PIN-kodet pilersiguk. ”Næste” tooruk. PIN-kodet uteqqiguk toorlugulu ”Næste”
19. Biometri atorlugu akuersisassanerlutit toqqaaffigiuk
20. MitID app-imit notofikationeqartarnissat akueriuk
21. App-i taanna atuutilerpoq atoriaannanngorlunilu. “OK” tooruk.

Oqarasuaatitoqqanni/tabletsitoqqanni MitID app-i suli atuuppoq. Atorunnaarusukkukku peersinnaavat imaluunniit MitID atorsinnaajuaannarumallugu MitID app-itaannut taartissatut toqqorlugu.

MitID aamma NemLog-in pillugit inatsisip Kalaallit Nunaannut atuutilernissaanut peqqussut