Imminut sullississutinut iserniaruit NemID suli isissutissatut atussavat.

MitID Innuttaasunik sullissivimmi

Kommunerisannuinnaq aalajangersimasunik paasissutissaqarpoq.

Aningaaserivik aqqutigalugu MitID-mik pisaarnissamut utaqqerusunngikkuit, imaluunniit MitID pillugu allamut saaffiginninnissamut utaqqerusunngikkuit, taava innuttaasunik sullissiviliarsinnaavutit kommunerisat MitID-mik atuutilersitsinissaminut piareersimappat.

Kommunerisat qulaani toqqaruk takusinnaavat MitID-mik atuutilersitsinissaminut piareersimanersoq.

Kingullermik nutarterneqarpoq 01-08-2022

Innuttaasunik sullissivimmi MitID-mik ikiortinniaruit kinaassutsit uppernarsarsinnaasariaqarpat. MitID qaffasissumik kinaassutsivit uppernarsarsinnaanissaanut piumasaqaateqarpoq, taamaaliortoqarporlu kinaassutsivit tillinniarfigineqarsinnaanera pinngitsoortinniarlugu.

Innuttaasunik sullissivimmi MitID-mik ikiortinniaruit ima iliussaatit:

  1. Kinaassutsimut uppernarsaat atuuttoq nassaruk
  2. Apeqqutit ilinnut tunngassuteqartut akissuteqarfigikkit
  3. nummik kinaanerit pillugu uppernarsaasinnaasumik ilagisaqarit


Kinaassutsimut uppernarsaat assitalik takutissavat

Innuttaasunik sullissivimmut ornigunninni kinaassutsimut uppernarsaatit ataani allaqqasut nassarlugillu takutissinnaasariaqarpatit:

  • Passi Kalaallit Nunaannit Danmarkimiillu tunniunneqarsimasoq
  • Passi nunani allani Kalaallit Nunaanniunngitsoq pisortani oqartussaqarfimmit tunniunneqarsimasoq
  • Passi chipitalik nunani allani Kalaallit Nunaanniunngitsoq pisortani oqartussaqarfimmit tunniunneqarsimasoq
  • Ingerlatitsisinnaanermut allagartaq Kalaallit Nunaannit Danmarkimiilluunniit tunniunneqarsimasoq
  • Ingerlatitsisinnaanermut allagartaq digitaliusoq Danmarkimi tunniunneqarsimasoq (kørekort-app)
  • Ingerlatitsisinnaanermut allagartaq nunani allani Kalaallit Nunaanniunngitsoq pisortani oqartussaqarfimmit tunniunneqarsimasoq
  • Kinaassutsimut uppernarsaat assitalik nunani allani Kalaallit Nunaanniunngitsoq pisortani oqartussaqarfimmit tunniunneqarsimasoq
  • Kinaassutsimut uppernarsaat korti chipitalik assitaqartoq nunani allani Kalaallit Nunaanniunngitsoq pisortani oqartussaqarfimmit tunniunneqarsimasoq
  • Najugaqarsinnaanermut akuersissut assitalik Danmarkimit tunniunneqarsimasoq (najugaqarsinnaanermut korti)

Malugiuk:
Kinaassutsimut uppernarsaat atuutissammat. Assersuutigalugu passi imaluunniit ingerlatitsisinnaanermut allagartaq atuuttoq.

Kinaassutsimut uppernarsaammik assitalimmik peqanngikkuit kinaassutsimut uppernarsaatit ataani allaqqasut akornanni marluk nassarlugillu takutissinnaasariaqarpatit:

  • Atip allagartaa
  • Kuisinnermut allagartaq
  • Inunngornermut allagartaq
  • Najugaqarnermut uppernarsaat Kalaallit Nunaanni atuuttoq

Kinaassutsimut uppernarsaatitut atorniakkat inuttut normunik allaqqasoqanngippat uppernarsaammik inuttut normunik allaqqasortalik nassassavattaaq.

Kinaassutsinnik uppernarsaasinnaasoq tassaassaaq innuttaasunik sullissivimmukartillutit ilagisassat illiuninnillu uppernarsaasinnaasoq.

Uppernarsaasinnaasoq 18-ileereersimassaaq MitID-millu sivikinnerpaamik ulluni qulini peqareersimassalluni. Uppernarsaasinnaasoq kinaassutsimut uppernarsaammik atuuttumik peqassaaq (qallunaat passiannik imaluunniit qallunaat kalaallilluunniit ingerlatitsisinnaanermut allagartaanik peqarluni) aamma MitID-ni nassassallugu. Uppernarsaasinnaasoq ullut 120-t iluini amerlanerpaamik inunnut pingasunut uppernarsaasinnaatitaavoq.

MitID-mi paasissutissat ilinnut tunngasut iluarsiniarneri isumannaallisaaneq peqqutigalugu akunnermik ataatsimik sivisussuseqarsinnaavoq

MitID-mi paasissutissat ilinnut tunngasut iluarsitinniarukkit allanngortitsinissavit tungaanut akunnermik ataatsimik parnaaqqatinneqassaaq.
Isumannaallisaaneq eqqarsaatigalugu MitID-mi paasissutissat mianernartut ilinnut tunngasut allanngortinniarlugit allanngortinnginnerini iserfigisinnaanissaannut noqqaassuteqassaatit.

Iserfigisinnaanissaannut noqqaassuteqarninniit akunneq ataaseq qaangiuppat aatsaat paasissutissat allanngortissinnaalissavatit. Isersinnaaleqqikkuit nalunaarutisissaatit.
Isersinnaatitaaneq akunnerni 24-ni atuutissaaq tassanilu atuisutut ID-t, mobilivit normua, e-mailit, nalunaarutisisarnissat, isissutissatut kodet allanngortissinnaallugillu kinaassutsimut uppernarsaatit nutaat ilanngussinnaavatit. Paasissutissat allat allanngortinnissaannut periarfissaqarfigereerpatit.

Uannga allanneqarpoq: Digitalimik Sullissinermut Aqutsisoqarfik

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.