NemID isissutitut atorunnaarpoq. Imminut sullississutit atorniarukkit, MitID-it pigisat isertaatitut atussavat.

MitID

Malugiuk: NemID tigummiinnarnissaa pingaaruteqarpoq, naak aningaaserivikkut MitID-taarsimagaluartutit.

MitID kinaassutsimut ilinarnaataavoq elektroniskeq, taassumalu NemID taarserpaa.

Innuttaasut NemID-llit aningaaserivitsik MitID.dk-luunniit aqqutigalugu MitID-taarsinnaalerput.

NemID-qanngikkuit MitID-taarnissannut kommunerisanni Innuttaasunik Sullissivik MitID-mut tunngatillugu kiffartuussisinnaalernissaa utaqqisariaqarpat.

Innuttaasunik Sullissivik aqqutigalugu MitID  iserfigalugu takusinnaavat kommunerisat MitID-mut sullissivissaminik piareersimanersoq.


Apeqqutigineqartartut tulleriaarlugit takusinnaavat NemID-llit qanoq iliorlutik MitID-taarsinnaanersut


Sullissivik.gl aqqutigalugu tulleriaagassat sukumiinerusumik atuarsinnaavatit. Assersuutigalugu atuarsinnaavat passeqanngikkuit imaluunniit kalaallit danskilluunniit aningaaseriviannik peqanngikkuit qanoq iliorsinnaanerlutit.

Malugiuk
MitID-taaraluarlutit NemID-vit pigiinnarnissaa pingaaruteqarpoq.
Periarfissat ilaanni NemID imminut kiffartuussivinni assigiinngitsuni atorneqartartussaavoq.

Kommunini Innutaasunik Sullissivinni innuttaasut NemID-llit MitID-mut nuunnissaannik MitID.dk aqqutigalugu ikiorneqarsinnaapput. NemID-qanngikkuilli sumiiffigisanni Innuttaasunik Sullissiviit MitID-mik tunniussisinnaalerpata aatsaat ikiorneqarsinnaalissaatit.
Innuttaasunik Sullissivik aqqutigalugu MitID iserfigalugu takusinnaavat kommunerisat MitID-mut sullissivissaminik piareersimanersoq.

  1. Nembankinni ilitsersuut atorlugu MitID-mik pisaarit
  2. Ikiorneqarnissannik pisariaqartitsiguit sullissivik.gl -imi MitID-taarnissamut ilitsersuutit videot takuneqarsinnaapput
  3. Netbanki aqqutigalugu MitID-taarnissat iluatsinngikkukku MitID.dk aqqutigalugu MitID-taarsinnaavutit. MitID.dk aqqutigalugu MitID-taarit iserfigeriarlugu atuaqqissinnaavutit.
  4. MitID.dk aqqutigalugu MitID-taarniarnerit iluatsissimanngippat kommunimi innuttaasunut sullissivimmut saaffiginnillutit MitID.dk aqqutigalugu MitID-taarnissannut ikiorneqarsinnaavutit
  5. MitID-mik pisaarniarsarininni aningaaseriverisat ikiuussinnaanersoq misilillugu aperigaluarsinnaaavat
  • iPhonet minnerpaamik iOS 12-eqassaaq Androideqaruit minnerpaamik version 7-eqassaaq
  • Danskit, kalaallit savalimmiulluunniit passiannik chipitalimmik passeqassaatit. Passit chipeqaruni ilisarnaat una ersissaaq:
  1. Passeqanngikkuit Kommunerisanni Innuttaasunut Sullissivik imaluunniit nunaqarfinni innuttaasunut sullissisut aqqutigalugit NemID-mi paasissutissat ilinnut attuumassusillit nutarteqqaartariaqarpatit
  2. Kinaassutsinnut uppernarsaatit nutartereerukkit MitID.dk aqqutigalugu MitID-taarsinnaanngussaatit. MitID.dk aqqutigalugu MitID-taarit iserfigeriarlugu atuaqqigit
  3. Kommunerisanni Innuttaasunut Sullissivik MitID.dk aqqutigalugu MitID-taarnissamik ikiuussinnaavoq
  4. MitID-mik pisaarniarsarininni aningaaseriverisat ikiuussinnaanersoq misilillugu aperigaluarsinnaaavat

Mitid.dk atorlugu MitID-taarnissamut ilitsersuutit marluk suliarineqarnikuupput.

Sullissivik.gl-ip nittartagaani ilitsersuutit aalasuliat takuneqarsinnaapput

  1. Kommunini Innuttaasunik Sullissivinni amerlanerni innuttaasunut PC-qarpoq atorneqarsinnaasunik
  2. MitID-mik pisaarniarsarininni aningaaseriverisat ikiuussinnaanersoq misilillugu aperigaluarsinnaaavat
  3. Eqqaamallugu kinaassutsimut uppernarsaat

Uannga allanneqarpoq: Digitalimik Sullissinermut Aqutsisoqarfik

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl
Nittartagaq: digitalimik.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.