MitID

Malugiuk: NemID tigummiinnarnissaa pingaaruteqarpoq, naak aningaaserivikkut MitID-taarsimagaluartutit.

MitID tassaavoq kinaassutsimut uppernarsaat eletroniskiusoq nutaaq, piffissap ingerlanerani NemID-p taartissaa.

Danmarkimi MitID 2021-mi ukiaanerani atuutilersinneqassaaq, kisianni suli MitID pillugu Kalaallit Nunaanni inatsiseqanngilaq. Inatsit aatsaat Inatsisartut ukiaanerani ataatsimiinnersuaanni suliarineqassaaq.
Inatsit atuutilissappat, MitID pillugu suliaq Kalaallit Nunaanni aallartisarneqalersinnaassaaq.

Innuttaasut danskit aningaaseriviannik aningaaseriveqartut 2021-mi ukiakkut MitID-taaqqullugit qinnuigineqassapput.
Kalaallit Nunaanni aningaaseriviit ataasiakkaat sullitatik MitID-taaqqullugit qinnuigaat, Danmarkimi atuutilernera ilutigalugu. MitID-ssat aningaaserivinniit pisimagukku NemID-vit pigiinnarnissaa pingaaruteqarpoq.

Suliugallartoq kisiat MitID atorlugu netbankinnut isersinnaavutit, sullissivik.gl-imili imminut sullissaguit NemID suli atugallassavat.

Digitalikkut isumannaannermi piumasaqaatit nutaat
NemID-miit MitID-mut ikaarsaarneq tassaavoq ineriartornerup nalinginnaasumik ingerlanera.
Digitalimik aaqqiissutit piffissap ingerlanerani aaqqiissutinik nutaanik taarserneqartarput. Taassumap peqqutigaa ataavaartumik aaqqiissutit isumannaatsuunissaat digitalikkullu ineriartorneq malinneqarnissaa.

MitID piumasaqaatit nutaat digitaliusut nunat akornganni atuuttut malippai. Taamaattumik siunissami innuttaasut toqqissisimallutik kinaassutsimut uppernarsaatertik digitaliusoq atorlugu internetsersinnaassapput.

MitID Danmarkimi ukiaanerani 2021-mi atuutilissaaq. Kalaallit Nunaanni aningaseriviit ilaasa piffissamik pilersaarut taanna malippaat, taamaattumillu sullitatik qinnuigalugit MitID-taaqqullugit. Taamatut aamma innuttaasut danskit aningaaseriviinik aningaaseriveqartut ukiap ingerlanerani MitID-mut nooqqullugit qinnuigineqassapput. 2021-mi ukiaanerani MitID-taarsimaguit NemID-vit tigummiinnarnissaa pingaartuuvoq, NemID suli sullisivik.gl-imi imminut sullinnermut atortassagakku.

Malugiuk
Kalaallit Nunaanni MitID pillugu suli inatsiseqanngilaq. Inatsit aatsaat Inatsisartut ukiaanerani ataatsimiinnersuanni suliarineqassaaq. Inatsit atuutilissappat, MitID pillugu suliaq Kalaallit Nunaanni aallartisarneqalersinnaassaaq.

Aningaaseriviit MitID-taaqqussappatit taamaaliorsinnaavutit, aningaaseriviit ilitsersuutai malillugit.
Sullissivik.gl-illi MitID-mut nuunnissaata tungaanut aamma utaqqisinnaavutit, NemID-p MitID-llu ataatsikkut pigerusunngikkukkit.

MitID aningaaserivikkoorlugu pisimagukku sukumiinerusumillu apeqqutissaqaruit, aningaaseriviit attaveqarfigissavat.

Malugiuk
Naak danskit aningaaseriviisa aamma aningaaseriviit Kalaallit Nunaanniittut ilaasa sullitatik ukiaanerani 2021-mi MitID-taaqqullugit qinnuigereeraluaraat, suli Kalaallit Nunaanni innuttaasunut sullissivinni ikiorneqarsinnaanngilatit.

Sukumiinerusumik atuarusukkuit una tooruk MitID pillugu (Paasissutissat qallunaatuuinnaapput)

Aningaaserivinniit nalunaarfigineqarsimaguit 2021-mi ukiap ingerlanerani MitID-mut nooqqullutit, taava NemID tigummiinnassavat.

Imaanngilaq MitID-taaraanni NemID atorunnaartoq. Ikaarsaariarfeqassaaq taakku tamarmik marluullutik atorneqarfigisassaannik. Ikaarsaariarnerup nalaani imminut sullinnermi aaqqiissummut NemID atorneqarsinnaavoq, aaqqiissulluunniit MitID-mut nuussimasagaluarpat. Kisianni MitID atorneqarsinnaassanngilaq aaqqiissut NemID-ginnarmik atuiguni.
NemID aatsaat 2022-mi atorunnaassaaq. Ulloq atorunnaarfissaa pisortatigoortumik nalunaarutigineqarpat saqqummiunneqarumaarpoq.

Aningaaseriviit MitID-mut nooqqusimappatit 2021-mi, taava MitID taamaallaat netbankinnut atorsinnaassavat. NemID aaqqiissutinut allanut digitalikkut kinaassutsimut uppernarsaammik atuiffissanut atussavat.

Taamaattumik suli sivisulaartumik NemID aamma MitID tigummigallassavatit:

  • NemID: sullissivik.gl-imi imminut sullilluni aaqqiissutinik atuinermut
  • MitID: Illit netbankinnut isernissannut

Uannga allanneqarpoq: Digitalimik Sullissinermut Aqutsisoqarfik

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl
Nittartagaq: digitalimik.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.