MitID

MitID elektronikkikkut kinaassutsimut uppernarsaataavoq NemID-mut taartaasussaq.

Kalaallit Nunaanni MitID-mik pissarsiniartillutit alloriarfissat malitassatit tassaapput:

1. Alloriarfissaq 1: NemID-nni kinaassutsimut paasissutissat ilinnut tunngasut nutartikkit
   MitID-mik piniartillutit NemID-nni kinaassutsimut paasissutissat ilinnut tunngasut nutarteqqaarnissaat isumageqqaassavat.
   NemID appinni passivit scannerneratigut imaluunniit passit nassarlugu najukkanni innuttaasunik sullissiviliarlutit nutarterisinnaavutit.
   
   
2. Alloriarfissaq 2: Netbankikkut imaluunniit mitid.dk-kkut MitID pissarsiariuk
   Netbankikkut MitID pissarsiarisinnaalerpat. Mitid.dk aqqutigalugu pisaarsinnaavutit.

Alloriarfissat sullissivik.gl-ikkut paasisaqarfiginerorusukkukkit paasissutissat atuarsinnaavatit. Assersuutigalugu passeqanngikkuit qanoq iliortariaqarnersutit imaluunniit Kalaallit Nunaanni imaluunniit Danmarkimi aningaaseriveqanngikkuit qanoq iliortariaqarnersutit paasissutissat atuarsinnaavatit.

Malugiuk:
MitID pissarsiarereerukku pingaaruteqarpoq NemID pigiinnassallugu. Sullissivik.gl-ikkut imminut sullinnissamut aaqqiissutit atuinnarniartillugit NemID suli atugassarivat. Maannakkorpiaq najukkanni Innuttaasunik sullissivik MitID-mik tunniussisinnaananilu MitID pillugu ilitsersuisinnaanngilaq. Tamanna allanngorpat quppernermi matumani nalunaarutigineqarumaarpoq.

NemID-mit MitID-mut ikaarsaarneq tassaavoq ineriartornerup nalinginnaasumik ingerlanera.
Digitalimik aaqqiissutit piffissap ingerlanerani aaqqiissutinik nutaanik taarserneqartarput. Taassumap peqqutigivaa ataavaartumik aaqqiissutit isumannaatsuunissaat digitalikkullu interiartorneq malinneqarnissaa.

MitID piumasaqaatit nutaat digitaliusut nunat akornganni atuuttut malippai. Taamaattumik siunissami innuttaasut toqqissisimallutik kinaassutsimut uppernarsaatertik digitaliusoq atorlugu internetsersinnaassapput.

Malugiuk
MitID-taarsimaguit NemID-t pigiinnarnissaa pingaartuuvoq, tassami sullissivik.gl-imi imminut sullinnermut atortassagakku.

MitID-taaraanni imaanngilaq illit NemID-t ingerlaannartumik atorunnaassasoq. Aaqqiinerit taakku marluk tamarmik atorallalaassavatit.

Kalaallit Nunaanni massakkorpiaq MitID kisiat atorlugu illit netbankinnut isersinnaavutit.
Pisortani imminut sullinnermi aaqqiinernut suli NemID-t atussavat,assersuutigalugu sullissivik.gl-imi imminut sullinniarninni.
Taamaattumik suli sivisujaartumik NemID aamma MitID pigissavatit.

MitID-mut atatillugu ikiorserneqassaguit, aningaaserivinniikiorserneqarsinnaavutit.

Danmarkimi MitID ikiorsiivik (support) aamma MitID pillugu ikiorsinnaavaatsit:

Una link tooruk MitID support paasisaqarfiginerorusukkukku
(Paasissutissat danskisuinnaq allaqqapput)

MitID aamma NemLog-in pillugu inatsisip Kalaallit Nunaannut atuutilersinneqarnissaa pillugu Peqqussut nr. 2090 23. novembari 2021-meersoq