ID-mut paasissutissatit nutartikkit

ID-mut paasissutissatit illit NemID-nnut atapput, illillu NemID-nni kinaassutsinnut uppernarsaaqataallutik.

MitID-mik pisaartinnak NemID-mi ID-mut paasissutissatit nutarnernissaat pisariaqarsinnaavoq. NemID appip taassuminnga qinnuigissavaatit.

Kalaallit Nunaanni MitID innuttaasunut tamanut 13-ileereersimasunut 2022-p ingerlanerani pissarsiarineqarsinnaalissasoq naatsorsuutigineqarpoq.

MitID-taartinnak NemID-mi kinaassutsinnut uppernarsaatitit nutarternissai pisariaqarsinnaavoq.

MitID-mut piumasaqaatit NemID-mut piumasaqaatinit annertunerupput,, NemID-p 2010-mi atuutilernerata kingornatigut isumannaanneq allanngorsimaqimmat. MitID nunat assigiinngitsut akornganni isumannaannissamut piumasaqaatinut nutaanerpaanut naleqquppoq.

Malugiuk
NemID-t aamma NemID appit pisarnertorluinnaq atorsinnaavatit, kinaassutsimut paasissutissatit nutartinngikkaluarukkilluunniit.

NemID appimi kinaassutsimut paasissutissat nutarterneqarnissaat pillugu nalunaarfigineqarsinnaavutit.

NemID appip ID-mut paasissutissatit nutarteqqusimanngippagit, innuttaasunik sullissivimmut ornigullutit ID-mut paasissutissatit nutarteriartorsinnaavatit.

Kinaassutsimut paasissutissatit nutarterniarlugit uku atussavatit:

• NemID appi App Store-mi imaluunniit Google Play Butik-imi illit smartphonikkut aasinnasat.
  Malugiuk: Aallartitsinnak smartphoninni NemID appi kingullermik nutartikkamut App Storemiimaluunniit Google Play-imi nutarterneqarsimasoq isumagissagakku.
  
  
• Danskisut passit chipitalik, tassa passi 1. januaari 2012-ip kingornatigut tunniunneqarsimasoq.
  Passit scannerukku appip qulakkiissavaa Naalagaaffiup Politiivisa atortorissaarutaanni passi atuuttuunersoq.
  
  
• Smartphonit chipimik atuaasinnaasoq.
  Oqarasuaatit Androidiusut aamma iPhonit 7-imiit qummut amerlanersaat taamaapput.
  Passimi chipi allatut scannissallugu ajornarpoq.

Malugiuk
Tamaallaat passi danskiusoq Naalagaaffiup Politiivisa atortorissaarutaanni qulakkeerneqarsinnaasoq atorsinnaavat.

NemID appimi nalunaarutisisinnaavutit kinaassutsimut paasissutissavit nutarternissaat pillugu, NemID-t qanoq inerlugu suliaanersoq apeqqutaalluni.

Kinaassutsimut paasissutissat ima nutarterneqassapput:

1. NemID appi ammaruk
2. "Opdater her" tooruk
3. Passit piareersimatiguk
4. Inunnut paasissutissat pillugit politikki atuaruk akueralugulu
5. NemID atorlugu iserit
6. Smartphonit atorlugu passit scanneruk. Appi alloriarfimmi tassani ilitsersuutissavaatit
   Appimut iseruit kinaassutsimullu paasissutissat nutarterlugit, taava MitID-taarnissannut piareerputit.

Malugiuk:
Aamma innuttaasunik sullissivimmut ornigullutit ID-mut paasissutissatit nutarteriartorsinnaavatit.

Danskit Digitalimik Sullissinermut Aqutsisoqarfiata ilinnut tunngasut kinaassutsimut paasissutissat taamaallaat ID-mut paasissutissat nutarternerinut aamma kinaassutsimut qularnaarinerup ingerlannerannut uppernarsaatitut toqqortarisarpai.

Illit kinaassutsinnut paasissutissat nutarterneqareeraangata, NemID databasemit peerneqartarput. Taamaattoq passivit normua, PID-normu (qarasaasiap ID-a) pigineqassapput, ukiut 5 qaangiukkaangata piiarneqartussat.

Kinaassutsimut paasissutissat tassaapput paasissutissat innuttaasunik kinaassusersisut.

Kinaassutsinnik uppernarsaatit nutarterniarlugit ikiortariaqaruit kommuninni innutaasunut sullissivimmut saaffiginnissinnaavutit. Taamaaliornininni kinaassutsinnik uppernarsaat atuuttoq nassassavat.

Kinaassutsinnik uppernarsaat assitalik nassarsinnaavat. Imaluunniit kinaassutsimik uppernarsaatit assitaqanngitsut marluk nassarsinnaavatit. Taakkunannga minnerpaamik ataaseq Inuup-normuanik paasissutissanik imaqassaaq.

Kinaassutsimik uppernarsaatit assitallit ataani allattuiffimmi akuerisaapput:

• Naalagaaffimmi biilernermut allagartaq nunami EU/EØS-imi ilaasortaasumi, Kalaallit Nunaanni imaluunniit Savalimmiuni tunniunneqartoq
• Nunami angerlarsimaffigisami pas-i tunniunneqartoq
• Kinaassutsimik uppernarsaat politiinit tunniunneqartoq (DK-miit)
• Najugaqarnissamut akuersissut/najugaqarnissamut korti assitalik Danmark*-imi tunniunneqartoq
• Naalagaaffimmi kinaassutsimik uppernarsaat assitalik nunami angerlarsimaffimmi pisortanit tunniunneqartoq aamma nunani Schengen-imi isumaqatigiissummut ilaasortaasuni angalanissamut atussallugu akuerineqartoq

Kinassutsimik uppernarsaammi assitalimmi toqqarneqartumi Inuup-normua ilinnut tunngasoq ilaanngippat, taava saniatigut kinaassutsimik uppernarsaammik Inuup-normuanik ilinnut tunngasumik imalimmik nassassaatit.

*) Najugaqarnissamut akuersissut/najugaqarnissamut korti Inuup-normuanik ilaqanngitsoq takutikkukku, taava saniatigut kinaassutsimik uppernarsaat assitaqanngitsoq Inuup-normuanik ilinnut tunngasumik imalik nassassavat. Kinaassutsimik uppernarsaatit assitaqanngitsut akuerisaasut allattuiffimmi ataani takuneqarsinnaapput.

Kinaassutsimik uppernarsaatit assitaqanngitsut ataani allattuiffimmi akuerisaapput:
Kinaassutsimik uppernarsaammik assitalimmik peqanngikkuit, kinaassutsimjk uppernarsaatit marluk ataani allassimasut atorsinnaavatit.

1. Inuttut allagartaq, kuisinnermut allagartaq imaluunniit atip allagartaa
2. Najugaqarnermut allagartaq
3. Akileraarutinut ukiumoortumik nalunaarut kingulleq imaluunniit akileraarutissanik missiliuut kingulleq
4. Pisortanit ikiorsiissutinik tigusisimanermut uppernarsaat (annerpaamik Qaammatinik pingasunik nutaanngissusilik)

Malugalugu allagartat suussusaat taakku ilaat ataaseq tassaassammat kuisinnermut allagartaq, atip allagartaa imaluunnit najugaqarnermut allagartaq.
Aamma piumasaqaataavoq taakkunannga minnerpaamik ataaseq Inuup-normuanik paasissutissamik imaqassammat.

Ilumoortuuneranut apeqqutit imaluunniit uppernarsaalluni atsiortoq:
Kinaassutsimik uppernarsaammik atuuttup saniatigut aamma uppernarsaalluni apeqqutinik akisisinnaassaatit imaluunniit uppernarsaalluni atsiortussamik ilaqarlutit.

ID-mut paasissutissat nutarterneri paasisaqarfiginerorusukkukkit una tooruk
(Paasissutissat danskisuinnaq allaqqapput)

MitID aamma NemLog-in pillugu inatsisip Kalaallit Nunaannut atuutilersinneqarnissaa pillugu Peqqussut nr. 2090 23. novembari 2021-meersoq