Najugaqarnermut uppernarsaat suli aasinnaanngilat. Aamma meeqqavit ulluunerani paaqqinnittarfimmi paaritittalernissaanut, paaritittarunnaarnissaanut utaqqisut allattorsimaffiannulluunniit allatsissinnaanngikkallarpat.  Imminut sullississutit taakku kommunit pigivaat. Taamaattumik taakku pillugit apeqqutissaqaruit, kommunerisannut saaffiginnissaatit.

MitID-mi imminut sullitarinissamut quppernermut ilitsersuut

Ilitsersuut una MitID-mik pisaaqqammersumut atugassaavoq aamma MitID-mut quppernermi paasissutissat ilinnut tunngasut appimiit imaluunniit kodemik takutitsissummiit iluarsaannissaannut ikiortariaqartunut atugassaalluni.

Assersuutigalugu MitID-mi atuisutut aqqi allanngortinniarukku imaluunniit MitID-miit nalunaarutitit tamaasa takuniarukkit

MitID.dk-mi MitID atorlugu iserniartillutit ilitsersuut una maliguk:

1.    Nittartakkamut uunga isissaatit www.MitID.dk
2.    Tassani qulaani talerpillermi tuugassaq tungujortoq LOG PÅ tuussavat (assimi ”1”-imik nalunaaqutsersimasoq)
3.    Tamatuma kingorna MitID-mi BRUGER-ID toortassavat (assimi ”2”-mik nalunaaqutsersimasoq)
4.    Tamatuma kingorna attataasaq ataaniittoq FORTSÆT tuussavat

    


5.    Tamatuma kingorna MitID appi smartphonit atorlugu ammassavat
6.    Smartphoninni MitID appimi GODKEND sanimut ikaartissavat

 


7.    MitID-mi ilinnut tunngasut nuissapput:

 

Maanna MitID-mi paasissutissat ilinnut tunngasut takusinnaallugillu iluarsisinnaavatit.

Malugiuk
Paasissutissat ilinnut tunngasut iluarsiniarukkit, rediger-ip toorneraniit allanngortinnissaata tungaanut akunneq ataaseq qaangiuppat parnaassaaq.

MitID.dk-mi MitID atorlugu iserniartillutit ilitsersuut una maliguk:

1.    Nittartakkamut uunga isissaatit www.MitID.dk
2.    Tassani qulaani talerpillermi tuugassaq tungujortoq LOG PÅ tuussavat (assimi ”1”-imik nalunaaqutsersimasoq)
3.    Tamatuma kingorna MitID-mi BRUGER-ID toortassavat (assimi ”2”-mik nalunaaqutsersimasoq)
4.    Tamatuma kingorna attataasaq ataaniittoq FORTSÆT tuussavat

    

5. Isissutissatut kode toortaruk

Immersuiffissami isissutissatut kode toortaruk. Tamatuma kingorna
’Fortsæt’ tuussavat. Allanut siammarternagu
 
6. Suna akuerinialernerlugu atuaqqaaruk
MitID atorlugu sumik akuersinialernerlutit atuaqqaartuaannassavat – aamma iliuuseriniakkannut
naapertuunnersoq.

 
7. Kodemik takutitsissummi kode ataasiartagaq takuuk

Kodemik takutitsissutit tigummiuk attataasaq saamerlinniitillugu.
Attataasaq tuussavat.



8. Kodemik takutitsissummiittoq kode ataasiartagaq toortaruk
kodemik takutitsissutip skærmiani kipparissuusaaqqani arfinilinniittut kisitsisit arfinillit toortakkit. Kingorna ‘Fortsæt’ tooruk.


9. Eqqornaveeqqutitut ilusilimmi takusinnaavat
MitID atorlugu akuersisutit

Eqqornaveeqqummi akueritittutut isikkoqarpat MitID atorlugu akuersisimasutit takusinnaavat. Tamatuma kingorna namminerisamik quppernermut ingerlateqqinneqassaatit isersimassallutillu.
 




10. MitID-mi paasissutissat ilinnut tunngasut nuissapput:

Uannga allanneqarpoq: Digitalimik Sullissinermut Aqutsisoqarfik

Danmarkimi MitID pillugu ikiorsiivik

Oqarasuaat: +45 33980010
Maili:https://support-mitid.digst.dk/

 
Ammasarfiit 

- Ataasinngornermiit tallimanngornermut nal. 04.00-16.00. (Nunatsinni nalunaaqutaq)
- Arfininngorneq, sapaat sapaassuarnilu nal. 06.00-12.00. (Nunatsinni nalunaaqutaq)

Malugiuk: Danmarkimi MitID pillugu ikiorsiiviup attaveqarfiginerani oqaatsit qallunaatut atorneqarmata.

Periarfissatut kommunerisat MitID-mik atuutilersitsinissamut piareersimappat najukkanni innuttaasunik sullissivimmut saaffiginnissinnaavutit. 

 
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.