MitID-mut sillimmatissannik pissarsinissamut ilitsersuut

Arlalinnik MitID-qarnissaq isumassatsialaavoq, ass. mobilinni tablet-ernilu. Taamaasillutit MitID-mik sillimmateqartuassaatit, oqarasuaatillu MitID App-mik imalik katakkaluarukkuluunniit – imaluuniit oqarasuaammik angallattakkamik nutaamik pisaaraluaruiluunniit MitID atorlugu akuersisinnaassallutit.

MitID-imik sillimmasuuteqarnissamut assigiinngitsumik periarfissaqarpoq.

MitID app ullumikkut pigereerpara
Ullumikkut MitID app-eqareeruit, tulliuttut sillimmatitut pigisinnaavatit:

• MitID app-it arlariit – soorlu tablet-imi mobil-ernilu nutaanngitsumi
• MitID isissutissartaa imaluunniit MitID isissutissamut atuaassutaa (isigiarsuttunut tappiitsunullu)
• MitID chip-i

Ullumikkut MitID isissutissartaa imaluunniit atuaassutaa pigereerpara
MitID-iip isissutissartaa atuaatitaaluuniit massakkut pigigukku, taava tulliuttut sillimmatitut pigisinnaavatit makkua

• MitID app (katillugit ikkussiviit pingasut)
• MitID chip-i

MitID app-i pigeriikkat assilillugu nutaamik allamik pissarseqqigit
MitID app-it QR-kode atorlugu assilillugu mobilimut allamut tablet-imulluunniit ikkussinnaavat. Taamaaliornikkut MitID app-i nutaaq atulersissinnaavat, soorlu nutaamik mobil-itaaruit tablet-itaaruilluunniit.

MitID app-i qanorilillutit assilisinnaanerlugu ugguuna atuaruk

Pas-it atorlugu MitID app-imik pitaaqqigit
MitID app alla atuutsilersissinnaavat, pas-ivit assilineratigut pilersillugu

Atuutsilersitsinissamut isissutissamik pissarsinikkut MitID app pigileqqiguk
MitID app-i alla immikkut atuutsilersisinnaavat, atuutsilersitsinissamut isissutissap atuisutut ilisarnaat atorlugu ikkunneratigut. Atuutsilersitsinissamut isissutissaq Innuttaasunut Saaffiginnittarfimmut ornigullutit pissarsiaralugu Ilisarnaammik suli atuuttumik nassarnissat eqqaamallugu.

Allamik mobil-eqanngikkaluaruit tablet-eqanngikkaluaruit – imaluunniit MitID app massakkut atorusunnagu piginngikkaluarukkuluunniit – MitID app pisaarinissaa innersuunnaqaaq. Isissutissat imaluunniit atuaatissartaa arlaatigut annaassagaluarukku sillimmatitut atorluarneqarsinnaammat. Isissutissammi arlaariit ataatsikkut atorneqarsinnaanngillat, soorlu aamma isissutissaq atuaatissarlu ataatsimoortillugit pigineqarsinnaanngitsut.

Illit nammineq assersuutigalugu nutaanngitsumik mobil-eqangikkuit, aaqqiissutigisinnaasatit tulliullugit atuarneqarsinnaasut qinersinnaavatit:

• Sulisitsisut MitID app suliffernut atatillugu mobil-ernut ikkussinnaanerlugu aperiuk.
• Najugaqativit arlaat MitID app-imik atuisuua? Taava taassuma app-ianut (imaluunniit najugaqatit aamma illit app-it atorsinnaavaa) ilanngussinnaanerlutit aperiuk. Tamassimi immikkut atuisutut isissutissaqassaasi taamatullu aamma ilisarnaateqassallusi – taamaalillusimi MitID-isi immikkut atorneqarsinnaassammata. Taamatuttaaq tablet-imi app marluullusi atorsinnaavarsi. Akuersinialerussili inussassi ipaat kiinarsiluunniit ilisarinnissut isissutissatut atorsinnaassanngilasi.

MitID-mut isissutissaq, atuaatissaq chip-iluunniit sillimmatitut pigilerusukkukku, taava MitID.dk aqqutigalugu piniarsinnaavatit.

Aammattaaq MitID-mut isissutissaq, atuaatissaq chip-iluunniit atuutsilersissinnaavatit MitID app atorlugu få Pas atorlugu MitID.

MitID-vit isissutissartaa atuaatitaaluunniit suli atuuttoq annaasimagukku (app-ia imaluunniit chip-ia) allamillu MitID-eqarnak, nutaamik Innuttaasunut Saaffiginnittarfimmut saaffiginnillutit ikiorneqarlutit pitaaqqissinnaavutit. Kinaassutsimut ilisarnaammik suli atuuttumik nassarnissat eqqaamallugu.
Aammattaarli MitID app-i atorlugu isissutissaq atuutsilersissinnaavat, tassa pas-it nunalluunniit tamalaat akornanni ilisarnaatit atorlugu. App-ili atorusunngikkukku aamma piiginnarsinnaavat, isissutissat atuutsilersereersimagukku.

MitID aamma NemLog-in pillugit inatsisip Kalaallit Nunaannut atuutilernissaanut peqqussut