Biilit – nalunaarsuineq, nalunaarsuinermik allannguineq aammalu atuiunnaarnermik nalunaaruteqarneq
Nalunaarsuineq
Biilit inatsit malillugu nalunaarsorneqarsimasussaapput.
Aammattaaq biilit innaallagiartortut inatsit malillugu nalunaarsorneqarsimasussaapput.
Biilit nalunaarsortinniarukku politiinut saaffiginnissaatit. Makku nassassavatit:
• Biilit – nalunaarsuinermi biilit ajoquteqannginnersoq politiit nalilissavaat. Annermik qulliit, unittaatit aquutaalu politiit eqqumaffigissavaat.
• Sillimmasiisimanermut uppernarsaat
• Akileraarutip akilersimaneranut uppernarsaat
• Nalunaarsuinermi immersugassaq immersorsimasoq aammalu atsiorsimasoq. Piginnittoq pillugu paasissutissat immersugassami aammalu sillimmasiisimanermut uppernarsaammi assigiissapput.
Biilit innaallagiartortoq nalunaarsortinniarukku politiinut saaffiginnissaatit. Makku nassassavatit:
• Biilit – nalunaarsuinermi biilit ajoquteqannginnersoq politiit nalilissavaat. Annermik qulliit, unittaatit aquutaalu politiit eqqumaffigissavaat.
• Sillimmasiisimanermut uppernarsaat
• Nalunaarsuinermi immersugassaq immersorsimasoq aammalu atsiorsimasoq. Piginnittoq pillugu paasissutissat immersugassami aammalu sillimmasiisimanermut uppernarsaammi assigiissapput.
• Kiisalu biilip typeata akuerineqarnera, tassani allaqqassammata biilip nammineq oqimaassusaa kiisalu katillugu tamaat oqimaassusaa.
Nalunaarsuinermi immersugassaq
Malugiuk
Malugiuk stelnummer politiinut takutinnerani salinneqarsimassammat aammalu ersarissammat.
Illoqarfimmi politeeqarfeqanngitsumi najugaqaruit politeeqarfik qaninnerpaaq attavigissavat, isumaqatigiissutigissavarsilu qanoq ilillutit biilit nalunaarsortissanerlugu aammalu nummerpladenik pissarsissanerlutit.
Atuiunnaarluni nalunaaruteqarneq
Biilinik atuiunnaarnerup nalunaarutiginissaa inatsisitigut piumasaqaataavoq.
Biilit allap pigilerpagit atuisuujunnaarlutit nalunaarutigissavat.
Biilinik piginnittup nutaap imminut nalunaarsoreersimalerpagit, biilit ilinnut nalunaarsorsimajunnaarnerannut politiit nalunaarfigissavaatsit.
Biilitit tunigukkit akileraarutip akilersimanissaanut aammalu sillimmasiinissamut akisussaasuunissat eqqumaffigissavat
• piginnittup nutaap biilimik imminut nalunaarsuinissaata tungaanut
• imaluunniit nummerpladet politiinut tunniunnerisigut atuiunnaarlutit nalunaaruteqarnissavit tungaanut
Akileraarutip imaluunniit sillimmasiisimanerup akilersimannginneri pissutigalugit politiit biilit atorunnaartut nalunaarutigippassuk, biilit nutaamik nalunaarsorneqassapput nalunaarsuinermilu piumasaqaataasut nalinginnaasut atuutissapput.
Tamatuma saniatigut biilit nalunaarsorneqaqqitsinnagit sillimmasiisimanermut aammalu akileraarummut akiitsut tamarmik akilerneqareersimassapput.
Politiit nalilerpassuk suut tamarmik pissusissamisoortut, nalunaarsuinermi uppernarsaat politiit ilinnut tunniutissavaat aammalu assinganik sillimmasiisarfiit nassissallugu.
Sillimmasiininni normut imaluunniit policenummer nalunaarsuinermi uppernarsaammi allaqqavoq.
Akileraarut
Akileraarutip akilernissaa inatsisitigut piumasaqaataavoq. Akileraarut Namminersorlutik Oqartussanut – Akileraartarnermut pisortoqarfimmut – akilerneqassaaq, Kalaallit Nunaata Politiivinuunngitsoq.
Akileraarut pillugu apeqqutissaqaruit tassanngalu utertussaqaruit, Akileraartarnermut pisortaqarfik attaveqarfigissavat.
- ATV – nalunaarsuineq, nalunaarsuinermik allannguineq aammalu atuiunnaarnermik nalunaaruteqarneq
- Assakaasut quaannaveeqqutillit
- Qamutinik kalusiuttakkanik aammalu peertakkanik nalunaarsuineq, nalunaarsuinermik allannguineq aammalu atuiunnaarnermik nalunaaruteqarneq
- Qamuteralannik nalunaarsuineq, nalunaarsuinermik allannguineq aammalu atuiunnaarnermik nalunaaruteqarneq Nalinginnaasut
- Traktorinik qamutinillu motoorilinnik nalunaarsuineq, nalunaarsuinermik allannguineq aammalu atuiunnaarnermik nalunaaruteqarneq
Hovedstation
Postboks 506
3920 Qaqortoq
Oqarasuaat: (+299) 70 11 22
Fax: (+299) 64 12 22
Oqarasuaat angallattagaq: (+299) 49 41 22
E-mail: grl-qaqortoq@politi.dk
Oqarasuaat: (+299) 70 11 24
Fax: (+299) 66 54 50
E-mail: grl-narsaq@politi.dk
Postboks 30
3921 Narsaq
Oqarasuaat: (+299) 70 11 24
Fax: (+299) 66 16 17
Oqarasuaat angallattagaq: (+299) 49 77 22
E-mail: grl-narsaq@politi.dk
Postboks 89
3922 Nanortalik
Oqarasuaat: (+299) 70 11 23
Fax: (+299) 61 33 30
Oqarasuaat angallattagaq: (+299) 49 02 50
E-mail: grl-nanortalik@politi.dk