Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Akiitsunik akilersuineq

Pisortanut akiligassaqaruit Akiliisitsiniartarnermi immikkoortortaqarfimmit allakkanik akileeqqusissutinik nassinneqassaatit. Aallaaviatigut akiitsutit piaartumik akilissavatit.

Akiitsutit imaaliallaannaq akilersinnaanngikkukkit, Akiliisitsiniartarnermi immikkoortortaqarfimmut saaffiginnissaatit. Naafferartumik akilersuinissannut isumaqatigiissusiornissamik ikiorsinnaavaatsit.

Akileraarutitigut utertooruteqarsimaguit pisortanulli akiitsoqarlutit, akiitsuit akilernissaannut akileraarutitigut utertoorutitit Akiliisitsiniartarnermi immikkoortortaqarfimmit tigunissaanut pisussaaffeqarpoq, qanorluunniit aamma akilersuinermut isumaqatigiissuteqarsimagaluaruit. Akileraarutitigut utertoorutitit akiitsunnit amerlaneruppata, soorunami sinneruttut tunniunneqassapput.
Akilersuinissamut isumaqatigiissusiornermi aningaasartuutitit allat Akiliisitsiniartarnermi Immikkoortortamit eqqumaffigineqassapput. Aningaasartuutit allat tassaasinnaapput:
  • Ineqarnermut, innaallagissamut, imermut kiassarnermullu akiligassat
  • Meeqqerivinnut akiligassat
  • Ulluinnarni inuuniutissanut atugassat

Pisortanut akiitsunik akilersuinermi periarfissat assigiinngitsut atorlugit akiliisinnaavutit:
• Akiliisitsiniartarnermi immikkoortortaqarfimmut sumiiffinnit qaninnerpaamut toqqaannartumik akiliiartorsinnaavutit
• Akiligassatit aningaaserivikkut konto normu una atorlugu: 6471-1002942. Eqqaamassavat inuttut normut imaluunniit CVR normut nalunaarutigineqassammat aammalu suut akilerneqarnersut nalunaarutigineqassallutik
• Aningaaserivikkoortumik ilanngaasseriaatsimut PBS’imut ilanngunnikkut

Malugiuk
Akiliisitsiniartarnermi immikkoortortaq aningaasanngorlugit akiliutinik toqqaannartumik tigusisinnaanngilaq, tassani akiliiniaruit akiliisarnermi korti atorlugu akiliissaatit.

 

Uanga allanneqarpoq: Akileraartarnermut Aqutsisoqarfik

Akileraartarnermut Aqutsisoqarfik,
Akiliisitsiniartarnermi immikkoortortaqarfik

Postboks 1605
3900 Nuuk

Oqarasuaat: (+299) 34 60 85
E-mail: incasso@nanoq.gl
Nittartagaq: www.aka.gl
Narsaq Akiliisitsiniartarnermi immikkoortortaqarfik
Postboks 47
3921 Narsaq
Qaqortoq Akiliisitsiniartarnermi immikkoortortaqarfik
Postboks 70
3920 Qaqortoq
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.