Maanna kommunini tamani najugaqarnermut uppernarsaatit aasinnaanngorpat. Uani paasisaqarnerugit

Danmarkimi pisortanit ikiorsiissutit

Suliffeqanngikkuit Danmark-imi pisortaniit aningaasaqarnikkut ikiorsiissutinik pissarsisinnaavutit. Taamaattoq piumasaqaataavoq piumasaqaatit arlaqartut eqquutsissagakkit.

Nammineerlutit suliffissarsiorlutit takutissinnaassavat. Aningaasanik ikiorsiissutinik pisartagaqaruit suliffissamillu neqeroorutigineqartumik imaluunniit sulilernissamut ikiorneqarnissamik neqeroorutigineqartumik itigartitsiguit kinguneqaateqarsinnaavoq.

Suliaqartinneqarnissaq pillugu neqeroorummik akuersinissamut aningaasanik ikiorsiissutinik pisartagalittut pisinnaatitaallutillu pisussaatitaavutit. Suliaqartinneqarnissaq najukkami suliffissarsiuussisarfik suleqatigalugu aalajangersarneqartarpoq.

Danmark-imi pisortanit ikiorsiissutit aningaasanik ikiorsiinertut taaneqartarput. Aningaasanik ikiorserneqarnermik pisartagaqarniaraanni piumasaqaataavoq:

  • Danmark-imi najugaqassaatit inuillu allattorsimaffianni najugaqarlutit allassimassallutit
  • Inuuninni allannguummik pisoqarsimassaaq, assersuutigalugu napparsimaneq, suliffissaaleqineq imaluunniiit illit aappallu inooqatigiikkunnaarsimasusi
  • Allannguutit peqqutaallutik illit imaluunniit ilaquttannik pisariaqartumik pilersuisinnaajunnaarnerit
  • Pisariaqartitatit ikiorsiissutit allat atorlugit matussuserneqarsinnaanngitsut
  • Annerpaamik 10.000 kr.-inik pigisaqartutit

Saniatigut aamma piumasaaqaataavoq:
  • Illit imaluunniit aapparisat ilissinnut naammattumik suliffissamik neqeroorfigineqarsimannginnissarsi
  • Nammineerlutit suliffissamik ujaasillutit takutissinnaassavat
  • Sulliffissaaleqisutut suliffissarsiussisarfimmut nalunaarsimanissat

Aningaasanik ikiorsiissutinik tunineqarsinnaanngilatit suliffissaqqissumik imaluuniit suliaqarnissamut arlaannut neqeroorutinik itigartitsisimaguit.

Pisortanit ikiorsiissutit pillugit uani paasisaqarnerugit.

 

Suliffissaaleqisut aningaasaateqarfianni ( a-kasse) ilaasortaaguit , Danmarkimilu piffissami sivisuumi najugaqarlutit. Suliffivit annaaneraniit a-kassemit ullormisiaqarsinnaatitaavutit.

Ullormusiat pillugit uani paasisaqarnerugit.

Aningaasaateqarfinni (a-kasse) ilaasortaanngikkuit Danamrkimut nuunnninni periarfissaqarputit ilaasortanngornissannut. Ukiup ataatsip iluani ilaasortaajunnaarsinneqarsinnaavutit.

A-kasseni ilaasortanngorniarneq pillugu uani paasisaqarnerugit.

Isumaginninnermut, Sulisoqarnermut Nunamullu Namminermut Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 345000
E-mail: ISN@nanoq.gl

Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.