Pisortanit ikiorsiissutit – Allannguut aamma aningaasanik utertitsineq

Inersimasut tamakkerlutik sapinngisaq tamaat atorlugu imminnut ilaquttaminnullu pilersuinissamut pisussaaffeqarput. Tamanna piffissap ilaani imaluunniit sivisunerusumik pisinnaanngippat, innuttaasutut pisortat ikiorsiissutaannik assigiinngitsunik pisartagaqalernissamik qinnuteqaateqarsinnaavutit.


Allannguut
Pisortat ikiorsiissutaannik pisartagaqaruit, aningaasaqarnikkut atukkatit allannguuteqarpata, tamanna sulianik suliarinnittartunnut nalunaarutigissallugu pisussaatitaavutit. Taamaaliortussatitaavutit, kinaluunniit arlaatigut isertitaqaatigaluni pisortat ikiorsiissutaannik pisartagaqarsinnaatitaanngimmat. Allannguutit pisortat ikiorsiissutaasa pisartagarinerisa unitsinneqarneranik kinguneqarsinnaasut assersuutigalugu makkuusinnaapput:

• Suliffeqalerneq
• Ilinniagaqalerneq
• Pensionisiaqalerneq

Aningaasanik utertitsineq
Pisuni aalajangersimaqqinnaartuni pisortat ikiorsiissutaannik utertillugit akiliissasutit kommunip piumasarisinnaavaa. Tamanna assersuutigalugu pisinnaavoq imaattoqarsimappat:

• Illit imaluunniit ilaquttavit aningaasaqarnikkut atugaasa allannguutaannik kommunimut nalunaaruteqarsimanngikkuit. Assersuutigalugu suliffeqalersimaguit imaluunniit ilinniakkamik aallartitsisimaguit
• Piffissami kingusinnerusumi assersuutigalugu taarsiiffigineqarsimaguit, pisortanit pensionisiaqaruit imaluunniit pisortat ikiorsiissutaasa siunertarisaattut akilersuutinik piffissami tassani pisarsimaguit. Assersuutigalugu sulinermi akornuserneq patsisigalugu sulisinnaassutsivit apparnikuunera pissutigalugu pisortat ikiorsiissutaannik pisartagaqarsimaguit kingusinnerusukkullu akornuserninnut aningaasanik taarsiiffigineqarlutit, pisortanit ikiorsiissutitutertinneqarnissaat kommunip piumasarisinnaavaa

Pisortat ikiorsiissutaat taamaallaat pisartagarilersinnaagitit sulianik suliarinnittartut aamma aalajangersinnaavoq, tamanna pisinnaavoq ikiorsiissutit aningaasartaat kingusinnerusukkut illit utertissagukkit. Tamanna kommunip piumasarisinnaavaa imaassimappat:

• Ikiorsiissutit tunniunneqartut illersorneqarsinnaanngitsumik aningaasanik atugassaqarnera imaluunniit illersorneqarsinnaanngitsumik sulinikkut iliorneq pissutigalugu
• Imaluunniit piffissap sivikitsup ingerlanerani ikiuutit aningaasanngorlugit utertissinnaanngussagitit

Ikiorsiissutinik pissarsisarumallutit pisortat ikiorsiissutaannik aningaasanngorlugu utertitsinissat kommunip piumasarippagu, aningaasat utertinnissaannut uppernarsaat atsiussavat.


Malugiuk
Aningaasat utertinnissaannut piffissaliussaq kinguartinneqarsinnaavoq. Pisortat ikiorsiissutaannik aningaasanngorlugu utertittarnerisa ilutigisaanik illit imminut ilaquttannullu pilersuisinnaanngikkuit tamanna pisariaqalersinnaavoq. Aningaasat utertinneqarnissaannik piumasaqaat allaat atorunnaarsinnaavoq.

Naak aningaasanik annertunngitsunik pigisaqaraluaruilluunniit pisortat ikiorsiissutaannik pisartagaqarnissamut pisinnaatitaaffeqarputit. Tamatumanili piumasaqaataavoq, sulianik suliarinnittartunnit naammaginartutut nalilerneqartumut siunertamut aalajangersimasumut aningaasat peqqumaatigineqartariaqarpata.