Pisortanit ikiorsiissutit – Tassanngaannartumik
Inersimasut tamakkerlutik sapinngisaq tamaat atorlugu imminnut ilaquttaminnullu pilersuinissamut pisussaaffeqarput. Tassanngaannartumik tamanna pisinnaajunnaarpat, tassanngaannartumik pisortanit ikiorserneqarnissamik qinnuteqarsinnaavutit.
Kinaluunniit Kalaallit Nunaanniittoq tassanngaannartumik pisariaqavissumik pissaaleqilernermi pisortanit ikiorserneqartussaatitaavoq. Tamatuma nassatarisaanik, danskisut aamma inuiattut allatut innuttaassuseqartut pisariaqalerfiani tassanngaannartumik pisortanit ikiorserneqarnissamut pisinnaatitaapput.
Pisariaqartitannut nalinginnaalluinnartunut ikiorsiissutit matussusiissapput. Assersuutigalugu nerisassanut inimullu akiliuteqarnissamut aningaasaqarnikkut ikiorsiissutaasinnaapput. Tassanngaannartumik pisortat ikiorsiissutaat, allatut oqaatigalugu inuuginnarnissamut ikiorsiissutitut taaneqarsinnaapput piffissamullu sivisunerusumut naatsorsuussaanatik. Ikiorsiissutit tassaagajupput aningaasat ataasiartumik tunniussat.
Piumasaqaatit
Tassanngaannartumik ikiorserneqarsinnaajumaguit, ilinnut namminermut ilaquttannullu pilersuiniarnikkut ajornartorsiuteqartuussaatit, tassa inuttut atukkakkut arlaatigut eqqugaasimallutit. Tamanna assersuutigalugu tassaasinnaavoq
- katissimasavit toqukkut qimagunnera
- illit napparsimanerit
- illit suliffissaarunnerit
- illit avinnerit
- imaluunniit erninermut atatillugu sulinngiffeqarnerit
Malugiuk
Tassanngaannartumik pisortanit ikiorsiissutit qinnutiginiarukkit, kommunimut najukkannut saaffiginnissaatit.
- Pisortanit ikiorsiissutit pillugit Inatsisartut peqqussutaat (Pisortanit ikiorsiissutit pillugit Inatsisartut peqqussutaat)
- Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat (Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat )
- Pisortanit ikiorsiissutit – Nalinginnaasumik paasissutissiineq
- Pisortanit ikiorsiissutit – Pilersuinissamut aamma aalajangersimasumik aningaasartuutinut
- Pisortanit ikiorsiissutit – Allannguut aamma aningaasanik utertitsineq
- Pisortanit ikiorsiissutit – Qinnuteqarneq
- Pisortanit ikiorsiissutit – Piniartunut aalisartunullu immikkut ittumik
- Pisortanit ikiorsiissutit – Naammagittaalliuuteqarneq
Isumaginninnermut, Sulisoqarnermut Nunamullu Namminermut Naalakkersuisoqarfik
Imaneq 1A, 701
Postboks 269
3900 Nuuk
Oqarasuaat: (+299) 345000
E-mail: ISN@nanoq.gl