Pisortanit ikiorsiissutit – Naammagittaalliuuteqarneq
Inersimasut tamakkerlutik sapinngisaq tamaat atorlugu imminnut ilaquttaminnullu pilersuinissamut pisussaaffeqarput. Tamanna piffissap ilaani imaluunniit sivisunerusumik pisinnaanngippat, innuttaasutut pisortat ikiorsiissutaannik pisartagaqalernissamik qinnuteqaateqarsinnaavutit. Tamanna assersuutigalugu, toqusoqarneranut, napparsimasoqarneranut, suliffissaaleqisoqarneranut, erninermut atatillugu sulinngiffeqartoqarneranut avinnermulluunniit tunngasuusinnaavoq. Pisortat ikiorsiissutaat taamaalilluni inunnut tamanut Kalaallit Nunaannittunut aningaasaqarnikkut sillimmasiissutaavoq.
Pisortat ikiorsiissutaannik pisartagaqarlernissamik qinnuteqarnikuuguit qinnuteqaatigisannullu tamakkiisumik taperserneqarnak, kommune tunngavilersuuteqarnissaminut aamma naammagittaalliuteqarsinnaanermut ilitsersuinissaminut pisussaaffeqarpoq. Aalajangiinerit naammagittaalliutigisinnaasatit assersuutigalugu makkuusinnaapput:
- Pilersuisussaanermut aamma aalajangersimasumik aningaasartuutinut pisortat ikiorsiissutaannik pissarsinissamut itigartitsineq
- Pinngitsaalisaasumik aningaasaqarnikkut aqutsivigineqarneq
- Tassanngaannartumik ikiorsiissutinik pissarsinissamut itigartitaaneq
- Pisortat ikiorsiissutaannik utertillugit akiliisussanngortitaaneq
Kommunip aalajangiinera pillugu naammagittaalliuteqarnissaq kissaatigigukku, Isumaginninnermi Naammagittaalliuteqartarfimmut naammagittaalliummik nassiussissaatit. Allaaserisat attuumassutillit ataanni Isumaginninnermi Naammagittaalliuteqartarfimmut qanoq naammagittaalliuteqassanersutit atuarsinnaavat.
- Pisortanit ikiorsiissutit pillugit Inatsisartut peqqussutaat (Pisortanit ikiorsiissutit pillugit Inatsisartut peqqussutaat)
- Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat (Pisortanit ikiorsiissutit tunniunneqartarnerat pillugu, iliuusissatut pilersaarutit, sulisinnaassuseq il.il. pillugit Namminersornerullutik Oqartussat nalunaarutaat )
- Pisortanit ikiorsiissutit – Nalinginnaasumik paasissutissiineq
- Pisortanit ikiorsiissutit – Pilersuinissamut aamma aalajangersimasumik aningaasartuutinut
- Pisortanit ikiorsiissutit – Tassanngaannartumik
- Pisortanit ikiorsiissutit – Allannguut aamma aningaasanik utertitsineq
- Pisortanit ikiorsiissutit – Qinnuteqarneq
- Pisortanit ikiorsiissutit – Piniartunut aalisartunullu immikkut ittumik
- Isumaginninnermi Naammagittaalliuteqartarfimmut naammagittaalliuteqarit
Isumaginninnermut, Sulisoqarnermut Nunamullu Namminermut Naalakkersuisoqarfik
Imaneq 1A, 701
Postboks 269
3900 Nuuk
Oqarasuaat: (+299) 345000
E-mail: ISN@nanoq.gl