Danmarkimi pisortanit ikiorsiissutit – Nalinginnaasumik paasissutissiineq

Suliffeqanngikkuit Danmark-imi pisortaniit aningaasaqarnikkut ikiorsiissutinik pissarsisinnaavutit. Taamaattoq piumasaqaataavoq piumasaqaatit arlaqartut eqquutsissagakkit.

Nammineerlutit aallussisumik suliffissarsiussaatit. Aningaasanik ikiorsiissutinik pisartagaqaruit suliffissamillu neqeroorutigineqartumik imaluunniit sulilernissamut ikiorneqarnissamik neqeroorutigineqartumik itigartitsiguit kinguneqaateqarsinnaavoq.


Aningaasanik ikiorserneqarneq
Danmark-imi pisortanit ikiorsiissutit aningaasanik ikiorsiinertut taaneqartarput. Aningaasanik ikiorserneqarnermik pisartagaqarniaraanni piumasaqaataavoq:

• Danmark-imi najugaqassaatit inuillu allattorsimaffianni najugaqarlutit allassimassallutit
• Inuuninni allannguummik pisoqarsimassaaq, assersuutigalugu napparsimaneq, suliffissaaleqineq imaluunniiit illit aappallu inooqatigiikkunnaarsimasusi
• Allannguutit pilersissimassavaat illit imaluunniit ilaquttannik pisariaqartumik pilersuisinnaajunnaarnerit
• Pisariaqartitatit ikiorsiissutit allat atorlugit matussuserneqarsinnaanngitsut
• Annerpaamik 10.000 kr.-inik pigisaqartutit

Illit katissimasat
Aningaasanik ikiorsiissutinik pisartagaqarnissamut piumasaqaatigineqartut ilagaat, illit imaluunniit katissimasat suliffissamik naammaginartumik neqeroorfigineqarsinnaannginnerit. Taamatuttaaq piumasaqaataavoq illit aallussisumik suliffissamik pissarsiorlutit periarfissanik tamanik misissuisimanissat.


Neqeroorutigineqartumik itigartitsissanngilatit
Suliffissamik suliaqartinneqarnissamik imaluunniit neqeroorummik allamik suliffissaqalernissamut ikiuutaasumik naammaginartumik neqeroorummik itigartitsiguit, aningaasanik ikiorsiissutinik pisartagaqalersinnaanngilatit. Taamatuttaaq suliffissarsiuussisarfimmi suliffeqanngitsutut nalunaarsimanissat piumasaqaataavoq.


Pisussaaffik
Suliaqartinneqarnissaq pillugu neqeroorummik akuersinissamut aningaasanik ikiorsiissutinik pisartagalittut pisinnaatitaallutillu pisussaatitaavutit. Suliaqartinneqarnissaq najukkami suliffissarsiuussisarfik suleqatigalugu aalajangersarneqartarpoq.

Aningaasanik ikiorsiissutinik pisartagaqarsinnaassaguit inuit allattorsimaffianni najugaqarlutit allassimanissat kommuninit nalinginnaasumik piumasaqaataasarpoq.

Aningaasanik ikiorserneqarneq pillugu annertunerusumik uani atuagaqarit


Aningaasat ullormusiat
Suliffissaaleqinermi aningaasaateqarfimmi ilaasortaaguit, Danmark-imi najugaqartoq piffissallu ingerlanerani taamaassimallutit, suliffigisat annaasimagukku ullormit tassanngaanniit aningaasanik ullormusianik pisartagaqarsinnaavutit. Suliffissaaleqinermi aningaasaateqarfimmi ilaasortaanngikkuit, eqqumaffigissavat Danmark-imut nuunnivit kingorna suliffissaaleqisut aningaasaateqarfiannut aatsaat allatsissinnaagavit aammalu ukioq ataaseq tikillugu sivisussuseqartumik ilanngussinnaanngiffeqartoqarsinnaammat.

A-kasse-mi ilaasortanngorsinnaaneq pillugu annertunerusumik paasissutissat pillugit nittartagaq alla

Suliffissaaleqinermi aningaasat ullormusiat pillugit annertunerusumik uani atuagaqarit