Toqukkut qimagunneq – Nunani allani

Toqukkut qimagunneq nunani allaniinnerup nalaani pippat, nunami pineqartumi oqartussaasut tassaapput toqukkut qimagunnermik nalunaarfissiamik immersuissat. Toqukkut qimaguttoq dansk-isut innuttaassuseqarpat dansk-it aallartitaqarfiat imaluunniit sinniisoqarfiat illit ilaqutaasutut attaveqarfigissavat, taanna illerfiup imaluunniit arsakut puuata angerlamut assartornissaanut atatillugu siunnersuisinnaallunilu ilitsersuisinnaavoq.


Toqusup timaata pas-ia
Toqukkut qimaguttoq angerlamut assartuinissaq sioqqullugu ikuallanneqassanngippat, nunami pineqartumi oqartussaasut toqukkut qimaguttumut toqusup timaata pas-ianik tunniussisussaapput. Toqusup timaata pas-iata qulakkiissavaa toqukkut qimaguttumik assartuinermi peqqissutsikkut aamma allaffissornikkut piumasaqaatit eqquutsinneqarnissaat.

Toqusup timaata pas-ia assartuinermi piumasaqaataanngilaq imaattoqarpat:

• Arsakut nunamut allamut imaluunniit nunamit allamit assartorneqarpata
• Toqukkut qimaguttup timaa Danmark-ip naalagaaffiata killeqarfiisa iluanni pippat

Malugiuk
Toqukkut qimaguttup timaata angallanneqarnera illerfimmi zink-iusumi pissammat. Tamanna timmisartumik assartuineq pineqarpat pingaartumik atuuppoq.

Toqunerup nalaani toqukkut qimaguttoq tunillaassuuttumik nappaateqarsimappat, pisut ilaanni toqukkut qimaguttoq asiunaveersaatinik taninneqassaaq aamma tunillaassuisinnaaneq eqqarsaatigalugu toqukkut qimaguttup assartorneqarnera illerfimmi zink-iusumi matuinneqarsimasuni pissaaq.