”Spiralilersuisimanermut naartunaveersaatinullu tunngatillugu suleriaatsit atorneqarsimasut pillugit suliamut attuumassuteqanngitsunit qulaajaanermik sulialinnut oqaluttuamik tunniussineq.

Ilisimasartoqatigiit
”Spiralilersuisimaneq” aamma 1960-imiit 1991-i ilanngullugu Kalaallit Nunaanni aamma Danmarkimi efterskoleni, kalaallinik ilinniartulinni, naartunaveersaatinut tunngatillugu suleriaatsit atorneqarsimasut pillugit suliamut attuumassuteqanngitsunit qulaajaanermik suliaqartussat ilisimatusartoqatigiit toqqarneqarput. 
Ilisimatusartoqatigiit aamma oqaluttuassartamik, suliap ingerlanneqarsimaneranik, inatsisitigut, allaffissornikkut aamma peqqinnissakkut sullissinermi tunngavigineqarsimasunik qulaajaassapput. 

Innuttaasutut misiginikuusamik oqaluttuarneq
Piffissami 1960-imiit 1991-mut Kalaallit Nunaanni imaluunniit Danmarkimi efterskolemiinnermut atatillugu spiralilerneqarsimagutit, imaluunniit naartunaveersaammik allamik atortulerneqarsimallutit, 
oqaluttuat nassiussinnaavat, innuttaasuuguit, aamma nammineq naartunaveersaammik (spirali, Depo provera, implanon p-stav il.il.) atortulerneqarlutit misigisaqarsimallutit.

Periutsit marluk atorlugit oqaluttuannik tunniussisinnaavutit:

• Digitalikkut
• Nammineq tunniussinikkut

Malugiuk:
Oqaluttuavit annertunerusumik itisilernerunissaa kissaatiginngikkukku aamma Nunatta Nakorsaaneqarfianut siusinnerusukkut nassiutereersimagukku nassiussissanngilatit. 

Akuersissut
Oqaluttuannik nassitsinikkut oqaluttuavit ima pineqarnissaanut akuersivutit:

• qulaajaanermi paasissutissanut katersorneqartunut ilaassasoq
• oqaluttuat ilisimatusartut toqqorsivianni, Nunatta Katersugaasivia Allagateqarfialu-mi inissisimasumi, toqqortaatigineqassasoq. Allagaatit toqqorneqartut ukiuni 80-ini matoqqassapput. Tamanna sioqqullugu ilisimatusarnermut atatillugu takunninnissamik piumasaqaatitalimmik taamaallaat akuersissuteqartoqarsinnaassaaq.

Una toorlugu suliassamut nassuiaat annertunerusumik  paasisaqarfigisinnaavat

Innuttaasutut misiginikuusannik oqaluttuat nassiusinnaajumallugu:

• Pisimasoq nammineq misigisimassavat 
• Attaveqarfissatut paasissutissat allassavatit, atit, cpr-normut, oqarasuaatip normua aamma e-mailit, tamaalilluta pisariaqassappat attaveqarfigisinnaaniassagatsigit.  

Innuttaasuuguit, aamma nammineq naartunaaveersaatinut tunngasumik misigisaqarsimallutit, pisimasoq pillugu allaaserinninnikkut oqaluttuat tunniussinnaavat.

Paasissutissat innuttaasutut misigisimasannut oqaluttuannut ilanngullugit tunniutereersimanngikkukkit oqaluttuat allareerukku tulliuttumi apeqqutigineqartut ilanngullugit akisinnaavatit.

• Pisimasoq qanga pisimava?
• Pinerata nalaani qassinik ukioqarpit?
• Pisimasup pinerata nalaani illoqarfimmi/nunaqarfimmi sorlermi najugaqarpit?

Oqaluttuavit tunniunneranut atatillugu akigititaqarnanilu akiliuteqartitsisoqanngilaq

Oqaluttuat onlinekkut nassiukkusukkukku quppernermi uani qullerpaamiittoq imminut sullinnissamut tuungassaq sungaartoq ”Oqaluttuat nassiuguk” aqqutigalugu nassiutissavat. Imminut sullinnississut atussagukku illit nammineq MitID-it atorlugu isissaatit.
Digitaliusumik imminut sullinnerit aallartissavat tuungassaq sungaartoq ”Oqaluttuat nassiuguk” toorlugu

Malugiuk: 
Illit MitID-it atorlugu iseruit aatsaat oqaluttuat digitali atorlugu nassiussinnaavat.

Oqaluttuat nassiukkukku suliap ingerlanneqarnerata ilisarnaataanik ID-normumik, toqqugassannik, e-mailikkut tigusaqassaatit.

Immersugassaq digitaliusumik immersorusukkukku aamma anillatsikkusukkukku
Oqaluttuat nammineq tunniukkusukkukku immersugassamik immersuissaatit.
Tuungassaq sungaartoq ”Oqaluttuat nassiuguk” aqqutigalugu ima iliorsinnaavutit:

• Immersugassaq onlinekkut immersorlugulu anillatsikkusukkukku ”Immersoruk anillatsillugulu” toqqarlugu (MitID-eqarnissaq pisariaqanngilaq)
• Immersugassaq anillatsillugu nammineq immersorlugulu tunniukkusukkukku ”Anillatsiguk” toqqarlugu (MitID-eqarnissaq pisariaqanngilaq).

Allakkat adressimut uunga nassiussinnaavat:

Ilisimatusarfik
Forskerholdet for udredningen
Postboks 1061
Manutooq 1
3905 Nuussuaq

Oqaluttuat piffissami 1960-imiit 1991-imut susoqarsimaneranik ilisimatusartoqatigiinnit paasiniarneqarneranut atatillugu taamaallaat atorneqassaaq.  
Oqaluttuavit tiguneqarneranut uppernarsaammik mailikkut tigusaqassaatit.
Tamatuma kingorna itinerusumik apeqquteqarfigineqarnissat siunertaralugu attaveqarfigineqanngikkuit ilisimatusartoqatigiinnit tusagaqaqqissanngilatit.

Peqataanerit kinaassutsinnik ersersitsiviussanngilaq, aamma atit qulaajaanermi takuneqarsinnaassanngilaq, soorluttaaq inuit ataasiakkaat qulaajaaneq pillugu inaarutaasumik nalunaarusiami, kiisalu saqqummiinerni, ilisimatuussutsikkut- aamma ingerlatitseqqilluni allaaserisani kinaassusersineqarsinnaassanngitsut. 
Paasissutissat inunnut tunngasut mianerisariallit tamarmik ilisimatusartoqatigiinnit isumannaannerpaamik aamma isertuulluinnarlugit suliarineqassapput, aamma paasissutissat ilinnut tunngasut digitaliusumik allagaatinut toqqorsivimmi isumannaatsumi toqqortaatigineqassapput.

Qulaajaanermik sulineq naammassineqarpat oqaluttuat Nunatta Katersugaasivia Allagaateqarfialu-mut tunniunneqassaaq, ilisimatusartut toqqorsiviannut ilanngunneqassalluni. Allagaatit toqqorneqartut ukiuni 80-ini matoqqassapput. Tamanna sioqqullugu ilisimatusarnermut atatillugu takunninnissamik piumasaqaatitalimmik taamaallaat akuersissuteqartoqarsinnaassaaq.

Oqaluttuat tunuartikkusukkukku, allassaatit ”Oqaluttuara tunuartikkusuppara” uungalu nassiullugu qulaajaaneq@nanoq.gl:

• Atit oqarasuaativillu normua allassavat (Oqaluttuat allakkatigut nassiussimagukku)
• Suliap ingerlateqqinneqarnerata ilisarnaataa ID-normu allassavat (Attaveqaatitigut sullissivik.gl aqqutigalugu oqaluttuat nassiussimagukku)

Qaquguluunniit oqaluttuannik tunuartitsinissannut periarfissaqarputit.

Ilisimatusartoqatigiit oqaluttuanik katersuissapput piffissami 01.10. 2023-miit 01. 10. 2024 tikillugu.

Misigisat 1992-ip kingorna pisimappat maalaaruteqarusullutillu Nunatsinni Nakorsaaneqarfimmut maalaarutit linki una aqqutigalugu nassiussinnaavat: Nakorsartinnermut naammagittaalliuut nassiuguk

Suliassap allaaserineqarnera: 1960-ikkunniit 1991-kkut ilanngullugit Kalaallit Nunaanni Danmarkimilu efterskoleni naartunaveersaartitsinissamik periuserisimasat aamma "Spiralilersuisimaneq pillugu suliaq" arlaannaanilluunniit attuumaassuteqanngitsuniit misissuisitsineq