Qimminut qimuttussanut qimmilivik – Qinnuteqarneq

Qimmilivik qimmeqarfinni tassaavoq, qimminik qimuttussanik inissiisarfik, tassa qimmit qimunnginnerini. Qimmilivissamik piniaruit, illit kommuninni qinnuteqaatigissavat, Innuttaasunik sullissivik imaluunniit kommunimi teknikkikkut immikkoortortaq aqqutigalugit.

Immersugassaq immersussavat, kommunimullu tunniullugu. Illit nammineq immersuisinnaanngikkuit, kommunimi sulisumit ikiorneqarsinnaavutit. Kommuni tassaavoq, illit qimmilivissannik tunisisussaq.

Paasissutissat
Qimmilivinnik akuersissutit tunngaviusumik illit atorfissaqartitsinerit tamaat atuuttuusarput. Marluilli tunngavigalugit arsaarneqarsinnaavutit.

Siullermik qimmiliveqarnermi malittarisassat naammassisinnaanngikkukkit, soorlu qimmiliviup saligaatsuutinneqarnissaanik, kiisalu qimmit iluamik nakkutiginngikkukkit.

Aappaattullu kommuni aalajangiisinnaavoq, nunaminertaq qimmiliviusoq, siunertamut allamut atussasoq. Taamatut pisoqartillugu kommunip piumasarisinnaavaa, qimmilivik allamut nuunneqassasoq. Taamatut pisoqassatillugu kommunip kingusinnerpaamik qaammatinik pingasunik sioqqutilluni tamanna nalunaarutigissava.

Malugiuk
Qimmilivigisanni illuaqqamik ilitsivissannilluunniit nappaaniaruit ungaluliillutilluunniit, tamanna kommuninnut qinnutigisinnaagakku.