airplanebooksbriefcase business cogs cross election entertainment fish house law lockmedicalpeopleselfservices socialtax

Najugaqarnermut uppernarsaatit aajuk

Najugaqarnermut uppernarsaat aaguk

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Najugaqarnermut uppernarsaat uppernarsaataavoq kinaassutsinnut sumilu najugaqarninnut uppernarsaatitut atugassat. Assersuutigalugu makkunani najugaqarnermut uppernarsaammik atorfissaqartitsissaatit:
  • ilinniagaqarnissamut qinnuteqaruit (najugarisimasat uppernarsaataat)
  • moms-imik utertitsissaguit
  • Danmark-imut nuukkuit pisattatit tigulerukkit

Aamma najugaqarnermut uppernarsaat imatut atorsinnaavat:
  • Nunatsinni nunanilu avannarlerni angalatillutit pas-itut
  • peqqinnissaqarfiit Danmarkimi, Savalimmiuni, Sverigemi, Norgemi, Finlandimi Islandimiluunniit attaveqarfigissagaluarukkit, najugaqarnermut uppernarsaat sygesikring-imut uppernarsaatitut atuuttarpoq

Kikkulluunniit Nunatsinni najugallit najugaqarnermut uppernarsaammik pissarsisinnaapput.

Najugarisimasat uppernarsaataat
Ilinniagaqarnissannut qinnuteqaleruit najugarisimasat uppernarsaataat pisariaqartissavat. Uppernarsaatip takutissammagu inuunerit tamaat sumi najugaqarsimanersutit.

Malugiuk
Najugaqarnermut uppernarsaat taamaallaat Nunatsinni nunanilu avannarlerni atuuppoq.

Nunani EU-miittuni nunarsuullu sinnerani pissutsit allat atuunnerat eqqumaffigiuk.
Akigititat
Sullissivik.gl aqqutigalugu najugaqarnermut uppernarsaat akeqanngitsumik pissarsiarisinnaavat.

Qulaani kommunimut tunngasut paasissutissani takusinnaavat najukkanni innuttaasunut sullissivimmut ornigullutit najugaqarnermut uppernarsaatip pissarsiariniarnerani qanoq akeqarnersoq.
Qinnuteqarneq
Najugaqarnermut uppernarsaat periarfissat marluk atorlugit pissarsiarisinnaavat. Attaveqaatitigut toqqaannartumik maana imaluunniit najukkanni innuttaasunut sullissivimmut ornigullutit.

NemID’qaruit
NemID’qaruit sullissivik.gl-imit toqqaannartumik najugaqarnermut uppernarsaammik akeqanngitsumik anisitsisinnaavutit. Pigisallu tammarsimagukku aamma nutaamik najugaqarnermut uppernarsaammik anisitseqqissinnaavutit.

Najugarisimasat uppernarsaataat
Najugarisimasanut uppernarsaammik pisariaqartitsiguit (allattorsimaffimmik takunnissinnaatitaaneq), assersuutigalugu ilinniagaqarnissannut qinnuteqassaguit Danmarkimi borger.dk-ip allattorsimaffimmik takunnissinnaatitsiffiani aasinnaavat.
Iserfigereerukku aallartinniaruit Start tuuginnassavat NemID’lu pigisat atorlugu iserlutit.

Najugaqarnermut uppernarsaammik inunnik uppernarsaammi ilaasussaanngitsunik ilaqartumik sullissivik.gl aqqutigalugu pissarsiniaruit, pisarnertut najukkanni kommunip allaffianut inummit pisinnaatitsissummik nassarlutit saaffiginnissaatit pisarnertullu pissarsiaralugu.

NemID’qanngikkuit
NemID’mik peqanngikkuit najukkanni innuttaasunut sullissivimmut imaluunniit nunaqarfiup allaffianut ornigullutit saaffiginnissaatit. Inuttut normut taamaallaat eqqaamassavat. Ingerlaannartumik najugaqarnermut uppernarsaammik imaluunniit najugarisimasanut uppernarsaammik tunineqassaatit.
Atuussinnaanera
Najugaqarnermut uppernarsaat ukioq ataasikkuutaaginnarlugu atuuttarpoq allamulluunniit nuunnissavit tungaanut. Allamut nuussaguit najugaqarnermut uppernarsaammik nutaamik pissarsinissat isumagissavat.
Uppernarsaammi kukkuneqarpat
Najugaqarnermut uppernarsaammi kukkuneqarpat najukkanni innuttaasunut sullissivimmut imaluunniit nunaqarfiup allaffianut ornigullutit saaffiginnissaatit. Inuttut normut taamaallaat eqqaamassavat.
Allaaserisat attuumassutillit