airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
INI-p inissiaataa attartortittagaq – Qinnuteqarneq
INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq, INI-p inissiamut tunngasut nalinginnaasut isumagisarpai, assersuutigalugu Namminersorlutik Oqartussat aamma kommunit sinnerlugit inissiamik qinnuteqaatinik isumaginninneq.


Piumasaqaatit
Pisortat inissiaataannik attartortittakkamik qinnuteqarniaruit 15-inik ukioqalereersimassaatit. Taamaattoq aatsaat 18-inik ukioqalereeruit inissiamik attartortittakkamik neqeroorfigineqassaatit.


Qinnuteqarneq
Inissiamik attartortittakkamik qinnuteqarniaruit immersussavat:

Inissiamik attartortittakkamik qinnuteqarneq

Immersuiffissami assersuutigalugu allassavatit:
  • Inissiaq qanoq angitigisoq piumanerlugu
  • Inissiaq sumi inissisimassanersoq
  • Imaluunniit illoqarfimmi nunaqarfimmiluunniit sorlermut qinnuteqarumanerlutit

Qinnuteqarnermi immersuiffissaq immersoreerukku, illit najukkanni INI-p allaffeqarfianut tunniutissavat. Matuma kingorna utaqqisut allattorsimaffianniinnermut akiliutissamik akiliuteqassaatit. INI-mut qinnuteqaatit tunniukkukku girokort-ikkut akiliiffissaq ilinnut tunniunneqassaaq, aningaaserivimmi allakkerivimmiluunniit taanna akilissavat. Utaqqisut allattorsimaffianniinnermut akiliutissaq akilereerukku, inissiamut attartortittakkamut utaqqisut allattorsimaffiannut isumamineersumik ikkunneqassaatit.

Namminersorlutik Oqartussat aamma kommunit sinnerlugit inissiat INI-p aquppai. Utaqqisut allattorsimaffianniinnermut akiliutissaq 100 kr.-iuvoq, inissiaatileqatigiiffik sorlerluunniit allatsiffissatut kissaatigigukku. Assersuutigalugu Ilulissat illoqarfiat tamakkerlugu allatsinniaruit, utaqqisut allattorsimaffianniinnissamut akiliutissaq 200 kr.-iuvoq, tassa maani Namminersorlutik Oqartussat aamma kommunip inissianik attartortittagaannut marluusunut atuuttussaammat. Paarlattuanik Nuup illoqarfiani allatsinnissaq kissaatigigukku, utaqqisut allattorsimaffianniinnissaq 100 kr.-iuvoq, maani Namminersorlutik Oqartussat inissiaataat taamaallat INI-p aqummagit.


Ukiumoortumik uppernarsaaqqittarneq
INI-p inissianik attartortittagaanik qinnuteqarninnut uppernarsaaqqinnermut ukiut tamaasa utaqqisut allattorsimaffianniinnermut akiliutigineqartussamik akiliisussaavutit. INI-p girokort-ikkut akiliiffissamik nassissavaatit, taanna aningaaserivimmi imaluunniit allakkerivimmi akilissavat. Utaqqisut allattorsimaffianiinnermut akiliutissaq akilinngikkukku, utaqqisut allattorsimaffianniit peerneqassaatit taamaalillutillu inissarsiornermi inissisimaffiit annaallugu. Taamaammat najukkannit nuunnerit INI-mut nalunaarutigisassagakku pingaartuuvoq.


Sulisorisanut inissiat
Sulisorisanut inissiamik pisinnaatitaaguit, sulisitsisuit najukkami INI-p allaffeqarfianut inissiamut innersuussut nassiutissavaa. Pissutsit allat eqqumaffiginiartussaagakkit maluginiassavat. Sulisorisanut inissiat pillugit annertunerusumik atuarsinnaasatit allaaserisani attuumassuteqartuni atuarsinnaavatit.
Allaaserisat attuumassutillit