airplanebooksbriefcase business cogs cross election entertainment fish house law lockmedicalpeopleselfservices socialtax

INI-p inissiaataa attartortittagaq – Neqeroorfigineqarneq

Kommunerisannuinnaq aalajangersimasunik paasissutissaqarpoq

Kommune toqqaruk
INI-p inissiaataa attartortittagaq – Neqeroorfigineqarneq
INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq, INI-p inissiamut tunngasut nalinginnaasut isumagisarpai, assersuutigalugu Namminersorlutik Oqartussat aamma kommunit sinnerlugit qinnuteqartunut inissianik attartortittakkanik tunniussisarneq.

Inissiamik attartortittakkamik tunineqarnissannut qanoq sivisutigisumik utaqqissanersutit illoqarfimmiit illoqarfimmut aamma inissiamik qinnuteqartut – Namminersorlutik Oqartussanut imaluunniit kommuninut qinnuteqarfigisannut – qanoq amerlatiginerannik aallaaveqartumik assigiinngitsorujussuusinnaavoq.

Inissiamik qinnuteqartut utaqqisut allattorsimaffianiittut inissisimanerat malillugu inissiat attartortittakkat agguaanneqartarput. Inissiamik piareertoqaraangat utaqqisut allattorsimaffianniittunut siullernut neqerooruteqarluni allakkat INI-p nassiuttarpai. Inissiat atunngitsoornissaat pinngitsoorumallugu inissarsiortunut arlaqartunut neqerooruteqarluni allakkat INI-p nassiuttarpai. Tamatuma kingunerisaanik inissiamik neqeroorfigineqaraluaruilluunniit imaassinnaavoq inissarsiortumut allamut ilinnit inissisimalluarnerusumut inissiaq tunniunneqartoq.


Neqeroorut aamma takusaatitsineq
Inissiamik neqeroorummik tigusaqareeruit, inissiaq piaarnerpaamik aamma ullut qulit qaangiutsinnagit inissiaq perusunnerlugu INI nalunaarfigissavat. Akissuteqarnissamut piffissaliussaq nikerarsinnaavoq.

Neqeroorutip akuerinissaa itigartinnissaalu sioqqullugu, inissiamik alakkarterinissannut periarfissaqarputit. Inissiaq takujumagukku, sulianik suliarinnittartoq attavigissavat alakkarterinissamillu qinnuigalugu.

Inissiap neqeroorutaasup tigunissaa kissaatiginngikkukku, iliuuseqarnissat pisariaqanngilaq. Taamaattoq eqqumaffigissavat INI pingasoriarluni inissamik neqeroorfigereerpatit ilinniillu tusagaqarnani, qinnuteqaatit isumamineersumik unitsinneqartarmat. Tamatuma kingunerisaanik inissiamut neqeroorummik tigusaqaqqissanngilatit, najukkanni INI-p allaffeqarfianut pimoorullugu inissarsiortunut ilanngunneqaqqinnissat kissaatigalugu nalunaarutiginngikkukku. Tassa utaqqisut allattorsimaffianniit peerneqarnavianngilatit.


Malugiuk
Ataasiaannartumik sulisorisanut inissiamik taamaallaat neqeroorfigineqarsinnaavutit. Tassa imaappoq sulisorisanut inissiamik neqeroorut itigartikkukku, kingusinnerusukkut nutaamik neqeroorfigineqarsinnaanngilatit aamma inissiamik allamik pissarsinissat nammineq isumagisussanngussavat.
Allaaserisat attuumassutillit