airplanebooksbriefcase business cogs cross election entertainment fish house law lockmedicalpeopleselfservices socialtax

INI-mi ineqartut oqartussaaqataanerat – Immikkoortortaqarfimmi ataatsimiinnerit

Kommunerisannuinnaq aalajangersimasunik paasissutissaqarpoq

Kommune toqqaruk
INI-mi ineqartut oqartussaaqataanerat – Immikkoortortaqarfimmi ataatsimiinnerit
INI-p inissiaataa attartortittagaq tassaavoq pisortat inissiaataat attartortittagaq, Namminersorlutik Oqartussanit imaluunniit kommuninit pigineqartoq aammalu INI-mit aqunneqartoq. Tassa imaappoq INI-p inissiamut tunngasut nalinginnaasut amerlasuut isumagisarpai. Taamaattoq INI-mi attartortutut ineqartut immikkoortortaqarfigisannut aamma nammineerlutit sunniuteqarniartussaavutit. Tamanna ineqartut oqartussaaqataanerannik taaneqartarpoq.

Ineqartut oqartussaaqataanerat immikkoortortaqarfiit siulersuisui aamma immikkoortortaqarfimmi ataatsimiinnerit aqqutigalugit qularnaarneqartarpoq. Immikkoortortaqarfiup siulersuisui ukiumut ikinnerpaamik ataasiarlutik immikkoortortaqarfimmi ataatsimiisitsisussaapput, tassani illit peqataanissannut periarfissaqarputit taamaalillutillu sunniuteqarsinnaallutit. Assersuutigalugu illit najugaqarfinni suut suliarineqassanersut iluarsartuunneqassanersullu sunniuteqarfigisinnaavat.

Immikkoortortaqarfiup ataatsimiinnissaanik pilersaarusiornissaq ineqartullu tamaasa aggersarnissaat immikkoortortaqarfiup siulersuisuisa akisussaaffigaat.

Immikkoortortaqarfiup ataatsimiinnissaanut aamma illit nammineq suliniuteqarsinnaavutit. Immikkoortortaqarfiup ataatsimiinnissaa kissaatigigukku, illit:
  • Najukkanni INI-p allaffeqarfia attaveqarfigissavat, ataatsimiinnissamut aggersaaninnik ikiorsinnaammatit
  • Kingusinnerpaamik ataatsimiinnissaq sapaatit akunnerinik sisamanik sioqqullugu ineqartut, INI aamma inissianik piginnittoq aggersarneqassapput
  • Ataatsimiinnissamut inissianik piginnittup, INI-p aamma ineqartut tamakkerlutik isersinnaanissaat isumagalugu

Malugiuk
Ineqartut oqartussaaqataanerat pitsaasumik ingerlassappat pingaartuuvoq, immikkoortortaqarfimmi siulersuisunut ilaasortat suleqatigiilluarnissaat ineqartunullu attaveqartarnerat qanilaarlunilu tatiginartuussaaq.