airplanebooksbriefcase business cogs cross election entertainment fish house law lockmedicalpeopleselfservices socialtax

NemPost aasaru atorunnaassaaq

Kommunerisannuinnaq aalajangersimasunik paasissutissaqarpoq

Kommune toqqaruk
NemPost aasaru atorunnaassaaq

Pisortanit Digitalimik Allakkat atuutilersinneqarnerannut atatillugu NemPost-imik aaqqiissut atorunnaarsinneqassaaq.

Pisortanit Digitalimik Allagarsisalernissaq Kalaallit Nunaanni innuttaasunut 15-ileereersimasunut tamanut ukioq manna pisussaaffiulissaaq. Ulloq 1. apriili 2020 atuutilersimasussaagaluarpoq, innuttaasulli digitalimik allagarsisarnissamut pisussaaffeqalernissaat COVID-19-imik tuniluunneq pissutigalugu ukioq manna kingusinnerusukkut pisussanngortinneqarpoq. Pisortanit Digitalimik Allakkat atuutilersinneqarnissaannik sulineq ingerlarsorpoq atuutilerfissaanillu ulluliisoqarpat tamanna nalunaarutigineqassaaq.

Pisortanit Digitalimik Allakkat atuutilersinneqarneratigut Kalaallit Nunaanni oqartussanik digitalimik isumannaatsumillu NemPost atorlugu attaveqarsinnaaneq taarserneqassaaq. Digitalimik Sullissinermut Aqutsisoqarfik taamaammat aalajangerpoq Pisortanit Digitalimik Allagarsisinnaaneq innuttaasunut aasamut pisussaaffiulerpat NemPost atorunnaarsinneqassasoq.

NemPost-imik atuisut 3.000-it missaanniipput. Atuisut NemPost-ip allagaataasiviani allagaatiminnik toqqorserusuppata pappialanngortitserusuppataluunniit tamanna NemPost-ip aasaru atorunnaarsinneqannginnerani pissaaq. NemPost-ip matuneqarneranut atatillugu allagaatit nunguterneqartussaanerannik tamanna pissuteqarpoq.

NemPost-ip atorunnaarsinneqarnissaa pillugu apeqqutissaqaruit Digitalimik Sullissinermut Aqutsisoqarfimmut attaveqarsinnaavutit uunga digitalisering@nanoq.gl.

 

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl