Imminut sullississutinut iserniaruit NemID suli isissutissatut atussavat.

Angallateerarsorlutik aalisartunut aningaasarsianut taarsiissutaagallartut pillugit qinnuteqarneq

Maana qinnuteqarit

Covid-19-ip tunillaassorluni siammarternera annikillisarniarlugu angallateerarsorlutik aalisartunut aningaasarsianut taarsiissutaagallartunik ikiorsiisoqarsinnaasoq Naalakkersuisut aalajangiussimavaat. Aningaasarsianut taarsiissutit angallateerarsorlutik aalisartunut, tunillatsissimanermut atatillugu pisaminnik tunisinissamut periarfissaqanngitsunut tunngatitaapput.

17. januaari 2022-p kingornatigut tunisannut aningaasarsiffigalugillu akiliutigineqartunut taarsiissutissat pillugit angallateerarsorlutit aalisartutut taamaallaat qinnuteqarsinnaavutit.

Angallateerarsorlutik aalisartut mattusimanermik eqqugaasut angerlartitaasimasutut isigineqarput. Taamaalilluni aalisarlunilu tunisisinnaanermit coronamik attuumassuteqartumik ingerlassaqarsinnaannginnermut attuumassuteqartillugu oqaaseq angerlartitaaneq atorneqarpoq. Tamatumunnga tunngavigisaq tassaavoq Naalakkersuisut tusagassiorfinnik katersortitsinermi 17. januaari 2022-mi nalunaaruteqarnerat, tamatumani tunillatsissimanermik ersiuteqarnermi innuttaasut angerlarsimanissaannik kaammattorneqarlutik.

Taarsiissutit nalinginnartut qaammammusiaqarfinnut atatillugit naatsorsorneqarput.

Ataani aningaasarsianut taarsiissutaasunut ilaanissamut malittarisassiat piumasaqaatillu pillugit annertunermik atuarsinnaavutit.

”Suliffissaqartitsinermut ikiorsiissutit”-nut tunngatillugu malittarisassiat pissarsiariniarukkit una tooruk.

 

Coronamik attuumassuteqartumik ingerlassaqarsinnaannginnermik eqqorneqartunik angallateerarsorlutik aalisartunut tunngatillugu suliffissaqartitsinermut ikiorsiissutinut malittarisassiat makku atuupput.

  • Pisinnaatitaassagaanni isertitani minnerpaamik 50 %-it aalisarnermit il.il. tunngasunit suliaqarnermit pissapput.
  • Suliffeqarnermut ikiorsiissutit angallateerarsorlutik aalisartunut qinnuteqarnissamut pisinnaatitaasunut aningaasarsianik taarsiissutissanut aaqqiissummik imaqarpoq.
    • Piffissamut 17. januaari 2022-mit 6. apriili 2022-mut aningaasarsianut taarsiissutissanik tunniussaqartoqarsinnaavoq. Aningaasarsianut taarsiissutissat qaammammut ilivitsukkaamut naatsorsorneqarlutillu akiliutigineqartarput.
  • Aningaasarsianut taarsiissutissat nalinginnaasumik nassuiaaffittut piffissanut tamakkununnga atatillugit naatsorsorneqartarput, aammalu qaammammut pineqartumut tunisanik suliaqarnernit nalunaarutigisatut tunisinerit tamakku tunngavigalugit.
  • Aningaasarsianut taarsiissutissat pillugit qinnuteqaat kingusinnerpaamik aningaasarsianik akiliuteqarfittut qaammatip kingornatigut qaammatip aappaata naanerani pisinnaavoq, tassalu 2022-mi januaarimi aningaasarsianut akiliutigisanut taarsiissutissat pillugit qinnuteqaat kingusinnerpaamik 31. marsi 2022-mi pissaaq.

Aaqqiissut 17. januaari 2022-mit ulloq 6. apriili 2022 tikillugu ilanngullugulu atuuttuuvoq.
Tamakku saniatigut piumasaqaatinik makkuninnga angallateerarsorlutik aalisartut malittarinnissapput:

  • Angallateerarsorluni aalisartoq Kalaallit Nunaanni angerlarsimaffeqartoq CVR-imi nalunaarsimassaaq, imaluunniit CPR nr.-talimmik tunisinermi aningaasanik tigusinninnermut allagartamik atugaqarluni. CVR-imut CPR-imullu normut ataasiakkaat tamarmik qinnuteqartutut ataasiinnarmut ittutut isigineqassapput, P-tut immikkoortukkuutaat ilaasut amerlassusaat apeqqutaatinnagit. P-tut immikkoortukkuutaat immikkut qinnuteqarfigineqarsinnaanngillat.
  • Ukiuni kingullerni tallimani akileraartarnermut inatsimmik unioqqutitsinermut, imaluunniit Kalaallit Nunaanni pinerluttulerinermut inatsimmi aningaasaqarnermi pinerlunnermut aalajangersakkanik unioqqutitsinermut angallateerarsorluni aalisartoq eqqartuunneqarsimassanngilaq.
  • Angerlartitaaneq covid-19-imik pisoqarneranit toqqaannartumik tunngaveqartuussaaq. Angallateerarsorluni aalisartoq ulluni angerlartitaaffimmini suliassanik allanik suliaqaqqusaanngilaq – imaluunniit allatut attaveqarfimmi nutaamik (imaluunniit pioreersumik annertusaasumik) aningaasarsiaqarfigisatut suliaqarnermik ingerlassaqalersinnaanani.

Angallateerarsorlutit aalisartutut pisortanit ikiorsiissutinik pissarsiaqartinnak aningaasarsianut taarsiissutissanik pissarsinissamut periarfissaqarputit.

 

Taarsiissutit

Angallateerarsorluni aalisartoq aningaasarsianut taarsiissutisisussatut akuerisaappat aningaasarsianut taarsiissutissat angallateerarsorluni aalisartumut akiliutaassapput. Angallateerarsorluni aalisartumut ullormi suliffiusumi 1.000 kr. tikillugit, taamaattorli qaammatikkaanut annerpaamik 20.000 kr.-nik aningaasarsianut taarsiissutinik tunniussisoqarsinnaavoq.

Taarsiissutit imatut tunniunneqartarput:

  1. Qinnuteqarfittut piffissaq sioqqullugu qaammatini kingullerni pingasuni tunisinerup nalunaarutigisap agguaqatigiissinnerani annertunerpaamik 90 %-iunissaanik aningaasarsianut taarsiissutit ilassutigisamik killiliiffigineqarput.
  2. Piffissaq tamakkerlugu sulisartumut ataatsimut ullormi suliffigisami 1.000 kr. tikillugit (ilanngullugit sulisitsisumit aqunneqartutut soraarnerussutisiassanut aaqqiissutit), taamaattorli qaammatikkaanut annerpaamik 20.000 kr.-nik tunniussisoqarsinnaavoq.
  3. Aningaasarsianut taarsiissutissat akiliutiginerini qaammammut A-mik akileraarutit matussusernissaannut 30 % aconto tunniunneqassanngillat.

 

Aningaasarsianut taarsiissutissat pillugit qinnuteqaat sullissivik.gl / borger aqqutigalugu pissaaq.

Malugiuk
Piffissami pineqartumi sulisuminut angerlartitanut tamanut aningaasarsiat aningaasartaanut tamanut angallateerarsorluni aalisartoq qinnuteqassaaq.

Uppernarsaatit attuumassutillit tamarmik nassiunneqassapput.

Angallateerarsorluni aalisartoq qinnuteqaruni qinnuteqaammi paasissutissat tullinnguuttut nalunaarneqassapput:

  • Angallateerarsorluni aalisartup CVR normu, imaluunniit tunisinermi aningaasanik tigusinninnermut allagartaq CPR normutalik atussavaa.
  • Oqarasuaatip normua, mobil aamma e-maili.
  • Kontop normua (aningaasarsianut taarsiissutinik nuussiffissaq).
  • Ullut angerlartitaaffiit amerlassusaat, kiisalu ullut suuneri.
  • Aalisarnermit isertitanut uppernarsaatit (aningaasarsianut taarsiissutissanik piffissamut qinnuteqarfiusumut uppernarsaatit nassiunneqassapput).
  • Ilumoorluinnarnermik nalunaarut.

Aningaasarsianut taarsiissutit pissarsiarinissaannut najoqqutassat eqqortuunerisa qularnaarnissaat siunertaralugu Naalakkersuisut ilassutitut paasissutissanik noqqaasinnaapput. Ilassutitut paasissutissat tunniunnissaannut naammaginartumik killiliisoqassaaq. Killiliissutip iluani paasissutissat tunniunneqanngippata qinnuteqaat itigartinneqassaaq.

 

Aningaasarsianut taarsiissutissat pillugit qinnuteqaammik Akileraartarnermut Aqutsisoqarfik allaffissornermik suliarinninnermillu isumaginnittuuvoq.

Qinnuteqaat suliarineqareerpat angallateerarsorluni aalisartoq aalajangiussaasumik pissarsissaaq.

Sapinngisamik piaarnerpaamik aningaasarsianut taarsiissutissat akiliutigineqassapput.

Akileraartarnermut Aqutsisoqarfik qinnuteqaammik tigusiguni qinnuteqartoq imatut nalunaarummik imalimmik mailimik pissarsissaaq.

Aningaasarsianut taarsiissutissat pillugit qinnuteqaatit Akileraartarnerut Aqutsisoqarfiup tiguaa. Ullut suliffiusut qulit iluini qinnuteqaatit suliarineqassaaq, tamatuma kingornatigut qinnuteqaativit akuerineqarnera imaluunniit itigartitaanera pillugu akissutitut mailimik pissarsisissallutit.

Malugiuk
Aningaasarsianut taarsiissutissat akiliutiginerini qaammammut A-mik akileraarutit matussusernissaannut 30 % aconto tunniunneqassanngillat.

 

  • Taarsiissutit utertillugit akiliutigeqqusaasinnaapput imatut pisoqartillugu:
    • Aningaasarsianut taarsiissutissat pillugit qinnuteqaammut qinnuteqartoq paasissutissanik eqqunngitsunik tunniussaqarpat.
    • Qinnuteqartoq aningaasarsianut taarsiissutissanik pisinnaatitaanani, siulianilu piumasaqaatinut akerliusunik pissarsisimappat.
  • Kingornatigut nakkutilliinissamik siunertaqartumik aningaasarsianut taarsiissutissat akiliutiginissaannut piumasaqaatitut suliffeqarfik/inuk piumaffigineqarnermigut paasissutissanik Naalakkersuisunut tunniussaqassaaq.
  • Tapiissutit inatsisinut naapertuuttumik tunngaveqarluni tiguneqarsimanerat pillugu kukkunersiuisartumit nalunaarut pillugu Naalakkersuisut piumasaqaateqarsinnaapput.
    • Kukkunersiuisartup akuerisap atorneratigut aningaasat aningaasaliissutigisat Naalakkersuisut nakkutigisinnaavaat.
  • Aningaasat akiliutigineqartut tamakkiisumik imaluunniit ilaannakortumik utertillugit Naalakkersuisut akileqqusinnaavaat imatut pisoqartillugu:
    • akiliuteqarnermut tunngavigisat annertuumik allanngorsimanerat
    • suliffik paasissutissanut tunniunneqartunut taakkununnga ilumoorluartuunera apeqqutaatinnagu suliap aalajangiiffiginissaanut suliffiup paasissutissanik eqqunngitsunik tunniussaqarsimanera, imaluunniit paasissutissanik nipangiussaqarsimanera
    • Akileraartarnermut Aqutsisoqarfimmit killiliussatut aalajangiussat arlaasa iluani uppernarsaatit piumasarisat nassiunneqarsimannginnerat, imaluunniit uppernarsaatit nassiunneqartut naammattuunnginnerat.
  • Suliffeqarfik paasissutissanik eqqunngitsunik tunniussaqarsimappat, imaluunniit suliamik isumaginninnermik allatut ittumik salloqittaaniarsarisimappat Kalaallit Nunaanni Pinerluttulerinermut Inatsit, inatsit nr. 306, 30. apriili 2008-meersoq malillugu pineqaatissiissutit aallartisarnissaat siunertaralugu Naalakkersuisut Politiinut nalunaarummik tunniussaqassapput.
  • Aningaasarsianut taarsiissutit akiliutaasut Akileraartarnermut Aqutsisoqarfimmut nalunaarutigineqassapput.

 

Ilassutinik allannguuteqartoqarpat

Aningaasarsianut taarsiissutit pillugit qinnuteqaatip suliarineranik sunniisinnaasunik allannguutinik illit angallateerarsorlutit aalisartutut sianiginnilissaguit Sullissivik.gl aqqutigalugu qinnuteqaat nutaaq nassiutissavat.

 

Aaqqiissut 17. januaari 2022-mit ulloq 6. apriili 2022 tikillugu ilanngullugulu atuuttuuvoq.

 

Uannga allanneqarpoq: Isumaginninnermut, Sulisoqarnermut Nunamullu Namminermut Naalakkersuisoqarfik

Inuussutissarsiornemut Suliffeqarnermullu Naalakkersuisoqarfik
Imaneq 1A - 201
Postboks 390
3900 Nuuk

Oqarasuaat: (+299) 34 50 00
E-mail: ISIIN@nanoq.gl
Nittartagaq: www.naalakkersuisut.gl
Isumaginninnermut, Sulisoqarnermut Nunamullu Namminermut Naalakkersuisoqarfik
Imaneq 1A
Postboks 970
3900 Nuuk
E-mail: ISNNN@nanoq.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.