Imminut sullississutinut iserniaruit NemID suli isissutissatut atussavat.

Ansøg om midlertidig lønkompensation for lønmodtagere i din virksomhed

Maana qinnuteqarit

Covid-19-ip tunillaassorluni siammarternera annikillisarniarlugu suliffeqarfinnut aningaasarsianut taarsiissutaagallartunik ikiorsiisoqarsinnaasoq Naalakkersuisut aalajangiussimavaat. Aningaasarsianut taarsiissutit namminersortutut suliffinnut, soraarsitsineq pinnagu sulisuminnik angerlartitsisunut tunngatinneqarput.

17. januaari 2022-p kingornatigut sulisut aningaasarsiaannut taarsiissutissat pillugit suliffiusutut taamaallaat qinnuteqarsinnaavutit.

Qinnuteqartut aningaasaqarnermut tunngaveqarlutik sulisunik soraarsitsisimasut sulisut sinnerisa angerlartitaanerinut aningaasarsianut taarsiissutissat pillugit kingusinnerusukkut qinnuteqarnissamut periarfissaajarneqanngillat. Taamaattorli soraarsitsinermut kingullermut ullup kingornatigut ullormi siullertut pisumi aningaasarsianut taarsiissutissat siusinnerpaamik atulersinnaassapput.
Sulisunut soraarsitaareersimasunut aningaasarsianut taarsiissutissanik pissarsisinnaanngilatit, taakku soraarnerup nalaani suliffimmi suligaluarpataluunniit.

Suliffiutit imigassamik nioqquteqarneq pillugu inerteqqusiinermik eqqorneqarsimappat qulequttami ”Suliffinnut imigassamik nioqquteqartunut piumasaqaatit”-ni aningaasarsianut taarsiissutit pissarsiarinissaat pillugit periarfissavit suuneri pillugit annertunermik atuarsinnaavutit.

Taarsiissutit nalinginnartut qaammammusiaqarfinnut atatillugit naatsorsorneqarput. Aningaasarsianut taarsiissutit pissarsiarinissaannut sulisorisat qanoq amerlatigisut angerlartitaanissaannut annikinnerpaaffittut piumasaqaateqanngilaq.

Ataani aningaasarsianut taarsiissutaasunut ilaanissamut malittarisassiat piumasaqaatillu pillugit annertunermik atuarsinnaavutit.

”Suliffissaqartitsinermut ikiorsiissutit”-nut tunngatillugu malittarisassiat pissarsiariniarukkit una tooruk.

 

Aningaasarsianut taarsiissutinut aaqqiissut
Suliffeqarnermut ikiorsiissutit suliffinnut namminersortunut, suliffimmik piginnittup saniatigut aningaasarsiaqarlutik atorfeqartunut tunngasuupput. Suliffimmik piginnittoq aamma piginnittooqataasoq, ilanngullugit pingaarnertut aktiaateqartut suleqataasutut isigineqanngillat, taamaattumillu taakkununnga aningaasarsianut taarsiissutinik pissarsiaqartoqarsinnaanngilaq.

Piumasaqaatit
Ilitsersuummi matumani illit suliffeqarfiutilittut aningaasarsiaqartitanut aningaasarsianut taarsiissutaagallartut pillugit qanoq qinnuteqarsinnaanerit nassuiarneqarpoq.

Aningaasarsianut taarsiissutinut aaqqiissummiippoq suliffinnut qinnuteqarsinnaatitaasunut taakkununnga aningaasarsianut taarsiissutinut aaqqiissutaasoq.

  1. Piffissamut 17. januaari 2022-mit 6. apriili 2022-mut aningaasarsianut taarsiissutissanik tunniussaqartoqarsinnaavoq. Aningaasarsianut taarsiissutissat qaammammut ilivitsukkaamut naatsorsorneqarlutillu akiliutigineqartarput.
  2. Qinnuteqartut aningaasaqarnermut tunngaveqarlutik sulisunik soraarsitsisimasut sulisut sinnerisa angerlartitaanerinut aningaasarsianut taarsiissutissat pillugit kingusinnerusukkut qinnuteqarnissamut periarfissaajarneqanngillat. Taamaattorli soraarsitsinermut kingullermut ullup kingornatigut ullormi siullertut pisumi aningaasarsianut taarsiissutissat siusinnerpaamik atulersinnaassapput.
  3. Sulisunut soraarsitaareersimasunut aningaasarsianut taarsiissutissanik pissarsisoqarsinnaanngilaq, taakku soraarnerup nalaani suliffimmi suligaluarpataluunniit.
  4. Pisortat suliffeqarfiutaat, ilanngullugit namminersorlutik oqartussat imaluunniit kommunit pigisaattut aktianik piginneqatigiiffittut ingerlatseqatigiiffiit aaqqiissummik atugaqarsinnaanngillat. Pisortat suliffeqarfiutaanni paasineqassapput suliffiit tamarmik pisortat toqqaannartumik imaluunniit toqqaannartuunngitsumik, imaluunniit allatut ittumik suliffeqarfiup 49 %-iata sinneranik aqutsisuuffigisaat. Aaqqiissut peqatigiiffinnut, aningaasaateqarfinnut aamma suliffeqarfinnut imminnut ingerlatittunut aamma atuuppoq, tassalu taakku sulliviit tamakkiisutut nalinginnaasumik ingerlatsinermut aningaasartuutaasa 50 %-iisa sinnerinik pisortanit tapiissutinik pissarsisassappata.
  5. Suliffimmi sulisut amerlanersaat Kalaallit Nunaanni najugaqartuussapput.
  6. Suliffimmi pisortat, kiisalu piginnittuiit ukiuni kingullerni tallimani akileraartarnermut inatsimmik unioqqutitsinermut, imaluunniit Kalaallit Nunaanni pinerluttulerinermut inatsimmi aningaasaqarnermi pinerlunnermut aalajangersakkanik unioqqutitsinermut eqqartuunneqarsimassanngillat.
  7. Sulisut amerlassusaannik nalunaarsuinermi suliffiup inuit aalajangersimasutut atorfeqartitatut amerlassusaat atussavai. Aaqqiissut tiguinnakkatut sulisunut atuutinngilaq, taakkulu malittarisassiat nalinginnaat tamakku malillugit suliffissaqartitsinermut ikiorsiissutinik imaluunniit pisortat ikiorsiissutaannik qinnuteqarnissamut innersuunneqassapput.
  8. Angerlartitaaneq tamakkiisumik aningaasarsiaqartitaalluni pissaaq.
  9. Angerlartitaaneq covid-19-imik pisoqarneranit toqqaannartumik tunngaveqartuussaaq. Sulisoq ulluni angerlartitaaffimmini sulisitsisumi allami suliassanik allanik suliaqaqqusaanngilaq – imaluunniit allatut attaveqarfimmi nutaamik (imaluunniit pioreersumik annertusaasumik) aningaasarsiaqarfigisatut suliaqarnermik ingerlassaqalersinnaanani.
     

Qaammammut pineqartumut nassuiaatinik nassiussisoqarnermut naleqqiullugu nalinginnaasumik qaammammut aningaasarsiaqarfinnut tamakkununnga atatillugit aningaasarsianut taarsiissutissat naatsorsorneqartarput.

Aningaasarsianut taarsiissutissat pillugit qinnuteqaat kingusinnerpaamik aningaasarsianik akiliuteqarfittut qaammatip kingornatigut qaammatip aappaata naanerani pisinnaavoq, tassalu 2022-mi januaarimi aningaasarsianut akiliutigisanut taarsiissutissat pillugit qinnuteqaat kingusinnerpaamik 31. marsi 2022-mi pissaaq.

Aaqqiissut 17. januaari 2022-mit ulloq 6. apriili 2022 tikillugu ilanngullugulu atuuttuuvoq.

 

Imigassamik nioqquteqarnermut inerteqquteqarallarneq pillugu piumasaqaatit

Imigassamut inerteqqummut aamma covid-19-imut eqqorneqartunut suliffinnut namminersortunut aningaasarsianut taarsiissuteqarnermut immikkut ittunik piumasaqaatit imigassanut inerteqqusiinermut naleqqiullugu Kommune Qeqertalimi, Kommune Kujallermi, Kommuneqarfik Sermersuumi aamma Qeqqata Kommuniani atuutsinneqalerput.

Piumasaqaatit immikkut ittut suliffinnut imigassanik nioqquteqarlutillu imigassanik nioqqutigisatut sassaalliisartunut tunngasuupput.

Imigassamut tuniniaanermut maleruagassat atorunnaarsinneqarput 10. februar 2022. Suliffeqarfiilli qinnuteqarsinnaapput akissarsianut ikiorsiissutinik ullup killilersuilerallarnermut atuutilernerata aallartiffianiit.

 

Suliffeqarfimmut taarsiissutit

Suliffeqarfik aningaasarsianut taarsiissutisisussatut akuerineqassappat aningaasarsianut taarsiissutit suliffeqarfimmut akiliutigineqassapput. Suliffeqarfik sulisumut ataatsimut ullormut suliffimmut 1.000 kr. tikillugit aningaasarsianut taarsiissutisinissamut pisinnaatitaaffeqarpoq, ilanngullugit sulisitsisup aqutarisaanik soraarnerussutisinissamut aaqqiissutinut, taamaattorli piffissaq tamakkerlugu sulisunut ataasiakkaanut tamanut qaammatikkaanut annerpaamik 20.000 kr.-nik aningaasarsianut taarsiissutinik tunniussisoqarsinnaavoq.

Taarsiissutit imatut tunniunneqartarput:

  1. Piffissaq tamakkerlugu sulisartumut ataatsimut ullunut suliffikkaanut 1.000 kr. tikillugit (ilanngullugit sulisitsisumit aqunneqartutut soraarnerussutisiassanut aaqqiissutit), taamaattorli qaammatikkaanut annerpaamik 20.000 kr.-nik tunniussisoqarsinnaavoq.
  2. Sulisoq aningaasarsianut aningaasartuutinut taakkununnga tunngasunik pisortat ikiorsiissutaannit allanik tapiissutinik pissarsiaqarsimappat taakku ilanngaatigineqassapput.
  3. Aningaasarsianut taarsiissutissat akiliutiginerini qaammammut A-mik akileraarutit matussusernissaannut 30 % aconto tunniunneqassanngillat.

 

 

Suliffeqarfik aningaasarsianut taarsiissutissat pillugit qinnuteqarniarpat tamanna sullissivik.gl / borger.gl aqqutigalugu pissaaq.

Malugiuk
Piffissami pineqartumi sulisuminut angerlartitanut tamanut aningaasarsiat aningaasartaanut tamanut suliffeqarfik qinnuteqassaaq.

Uppernarsaatit attuumassutillit tamaasa suliffeqarfiup nassiutissavai.

Suliffik qinnuteqaruni qinnuteqaammi paasissutissat tullinnguuttut nalunaarsussavai:

  • Suliffiup taaguutaa aamma CVR-normua.
  • Oqarasuaatip normua, mobil aamma e-maili.
  • Kontop normua (aningaasarsianut taarsiissutinik nuussiffissaq).
  • Sulisup CPR-normua, ullut angerlartitaaffiit amerlassusaat, kiisalu ullut suuneri.
  • Ullut angerlartitaaffiit amerlassusaat.
  • Aningaasarsiat allagartaat (aningaasarsianut taarsiissutissanik piffissamut qinnuteqarfiusumut aningaasarsiat allagartaat nassiunneqassapput).
  • Excel arki, sulisut tallimat sinnerlugit taarsiissutissanik qinnuteqartoqassappat.
  • Ilumoorluinnarnermik nalunaarut.

Aningaasarsianut taarsiissutit pissarsiarinissaannut najoqqutassat eqqortuunerisa qularnaarnissaat siunertaralugu Naalakkersuisut ilassutitut paasissutissanik noqqaasinnaapput. Ilassutitut paasissutissat tunniunnissaannut naammaginartumik killiliisoqassaaq. Killiliissutip iluani paasissutissat tunniunneqanngippata qinnuteqaat itigartinneqassaaq.

 

Aningaasarsianut taarsiissutissat pillugit qinnuteqaammik Akileraartarnermut Aqutsisoqarfik allaffissornermik suliarinninnermillu isumaginnittuuvoq.

Qinnuteqaat suliarineqareerpat angallateerarsorluni aalisartoq aalajangiussaasumik pissarsissaaq.

Sapinngisamik piaarnerpaamik aningaasarsianut taarsiissutissat akiliutigineqassapput.

Akileraartarnermut Aqutsisoqarfik qinnuteqaammik tigusiguni qinnuteqartoq imatut nalunaarummik imalimmik mailimik pissarsissaaq.

Aningaasarsianut taarsiissutissat pillugit qinnuteqaatit Akileraartarnerut Aqutsisoqarfiup tiguaa. Ullut suliffiusut qulit iluini qinnuteqaatit suliarineqassaaq, tamatuma kingornatigut qinnuteqaativit akuerineqarnera imaluunniit itigartitaanera pillugu akissutitut mailimik pissarsisissallutit.

Malugiuk
Aningaasarsianut taarsiissutissat akiliutiginerini qaammammut A-mik akileraarutit matussusernissaannut 30 % aconto tunniunneqassanngillat.

Taarsiissutit utertillugit akiliutigeqqusaasinnaapput imatut pisoqartillugu:

  • Taarsiissutit utertillugit akiliutigeqqusaasinnaapput imatut pisoqartillugu:
    • Aningaasarsianut taarsiissutissat pillugit qinnuteqaammut qinnuteqartoq paasissutissanik eqqunngitsunik tunniussaqarpat.
    • Qinnuteqartoq aningaasarsianut taarsiissutissanik pisinnaatitaanani, siulianilu piumasaqaatinut akerliusunik pissarsisimappat.
  • Kingornatigut nakkutilliinissamik siunertaqartumik aningaasarsianut taarsiissutissat akiliutiginissaannut piumasaqaatitut suliffeqarfik/inuk piumaffigineqarnermigut paasissutissanik Naalakkersuisunut tunniussaqassaaq.
  • Tapiissutit inatsisinut naapertuuttumik tunngaveqarluni tiguneqarsimanerat pillugu kukkunersiuisartumit nalunaarut pillugu Naalakkersuisut piumasaqaateqarsinnaapput.
    • Kukkunersiuisartup akuerisap atorneratigut aningaasat aningaasaliissutigisat Naalakkersuisut nakkutigisinnaavaat.
  • Aningaasat akiliutigineqartut tamakkiisumik imaluunniit ilaannakortumik utertillugit Naalakkersuisut akileqqusinnaavaat imatut pisoqartillugu:
    • akiliuteqarnermut tunngavigisat annertuumik allanngorsimanerat
    • suliffik paasissutissanut tunniunneqartunut taakkununnga ilumoorluartuunera apeqqutaatinnagu suliap aalajangiiffiginissaanut suliffiup paasissutissanik eqqunngitsunik tunniussaqarsimanera, imaluunniit paasissutissanik nipangiussaqarsimanera
    • Akileraartarnermut Aqutsisoqarfimmit killiliussatut aalajangiussat arlaasa iluani uppernarsaatit piumasarisat nassiunneqarsimannginnerat, imaluunniit uppernarsaatit nassiunneqartut naammattuunnginnerat.
  • Suliffeqarfik paasissutissanik eqqunngitsunik tunniussaqarsimappat, imaluunniit suliamik isumaginninnermik allatut ittumik salloqittaaniarsarisimappat Kalaallit Nunaanni Pinerluttulerinermut Inatsit, inatsit nr. 306, 30. apriili 2008-meersoq malillugu pineqaatissiissutit aallartisarnissaat siunertaralugu Naalakkersuisut Politiinut nalunaarummik tunniussaqassapput.
  • Aningaasarsianut taarsiissutit akiliutaasut Akileraartarnermut Aqutsisoqarfimmut nalunaarutigineqassapput.

 

 

 

Ilassutinik allannguuteqartoqarpat aamma angerlartitsisoqarpat

Aningaasarsianut taarsiissutit pillugit suliffeqarfiit qinnuteqareersimappat, taamaattorli pissutsit ajortinneri atugarilissallugit, atorfeqartitallu amerlanerit angerlartinnissaanik suliffeqarfik kissaateqarluni, atorfeqartitanut taakkununnga suliffeqarfik aningaasarsianut taarsiissutissanik qinnuteqarsinnaavoq.

Sullissivik.gl-imi sulisut angerlartinniarlugit ilassutitut kissaatigisat pillugit suliffeqarfiup qinnuteqarfissap assinga immersussavaa.

 

Aaqqiissut 17. januaari 2022-mit ulloq 6. apriili 2022 tikillugu ilanngullugulu atuuttuuvoq.

 

Akileraartarnermut Aqutsisoqarfiup aningaasarsianut taarsiissutissat pillugit aalajangiussai Isumaginninnermut, Sulisoqarnermut Nunamullu Namminermut Naalakkersuisoqarfimmut maalaarutigineqarsinnaapput.

Maalaarut uunga nassiutissaaq: Suli_maalaarut@nanoq.gl

Maalaarutinni:

  • Tunngavissiissut allassavat.
  • Uppernarsaatit attuumassutillit kakkiullugit ilanngutissavatit.

Maalaarutit maalaaruteqarnermut allattoqarfimmit suliarineqarlunilu aalajangiussinermit sapaatip akunneri sisamat iluini suliarineqassaaq.

Maalaarutit suliarineqareerpat Isumaginninnermut, Sulisoqarnermut Nunamullu Namminermut Naalakkersuisoqarfimmit mailikkut attavigineqassaatit.

 

Uannga allanneqarpoq: Isumaginninnermut, Sulisoqarnermut Nunamullu Namminermut Naalakkersuisoqarfik

Inuussutissarsiornemut Suliffeqarnermullu Naalakkersuisoqarfik
Imaneq 1A - 201
Postboks 390
3900 Nuuk

Oqarasuaat: (+299) 34 50 00
E-mail: ISIIN@nanoq.gl
Nittartagaq: www.naalakkersuisut.gl
Isumaginninnermut, Sulisoqarnermut Nunamullu Namminermut Naalakkersuisoqarfik
Imaneq 1A
Postboks 970
3900 Nuuk
E-mail: ISNNN@nanoq.gl
Suliffeqarfiutilimmut

sullissivik.gl-imut tikilluarit

Sullissivik Suliffeqarfiutilimmut isilerputit. Innuttaasumut nuunniaruit, qulaani ‘Innuttaasumut’ toqqassavat.