Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Inatsisit naapertorlugit ingerlatsivinnut Digitalimik Allakkerineq

Inatsisit naapertorlugit ingerlatsiviit 2021-miit e-Boksimi allakkat digitaliusut misissortalernissaannut pisussaaffeqalissapput. Allakkat digitaliusut www.e-Boks.dk-mut iseriarluni alakkarterneqarsinnaapput.

Inatsisit naapertorlugit ingerlatsiviup e-Boksi aqqutigalugu pisortatigut oqartussanit allakkat digitaliusut pingaarutillit pissarsiarisassavai. Allakkat digitaliusut isumannaatsumik piffimmi ataatsimi e-Boksimiitinneqassapput, aamma qarasaasiaq, mobili imaluunniit tableti atorlugu iserfiginissaanut ajornaatsuararsuulluni.

Inatsisit naapertorlugit ingerlatsiviit tamarmik CVR-imi normoqassapput. Tassa imaappoq, suliffeqarfiit, oqartussat kiisalu namminersortut inuussutissarsiuteqartut CVR-illit.

 

Pisortani Digitalimik Allakkerineq pillugu inatsit 2017-imi Inatsisartunit akuerineqarpoq, kingunerisaanillu innuttaasut suliffeqarfiillu pisortani oqartussanit allakkanik digitaliusunik nassinneqartarnissaminnut pisussaaffeqalerput.

e-Boksimik peqalerniaruit:

  • sulisutut NemID-mik peqassaatit
  • Qitiusumik Suliffeqarfinnik Nalunaarsuiffimmi (CVR-mi nalunaarsuiffik) nalunaarsorsimassaatit

 

Ulloq 1. marsi 2021-miit pisortani oqartussaniit allakkanik digitaliusunik nassitsittalernissaq pinngitsoorani atuutilissaaq.

 

Pisuni immikkut ittuni suliffeqarfiit/inatsisit naapertorlugit ingerlatsiviit Allakkanik Digitaliusunut pisussaajunnaarsinneqarnissamut qinnuteqarsinnaavutit.

Inatsisit naapertorlugit ingerlatsivik pisussaajunnaarsinneqarsinnaavoq:

  • Kalaallit Nunaanni niuerniarfimmik peqarunnaarnermi imaluunniit Kalaallit Nunaannut attuumassuteqarunnaarsimagaanni
  • Qinnuteqaat tunngavilersugaq nassiussimagaanni

Inatsisit naapertorlugit ingerlatsivik pisussaajunnaarsitsinissamut kissaateqaruni, sullissivik.gl-imi qinnuteqaat immersorneqassaaq imaluunniit allakkamik Digitalimik Sullissinermut Aqutsisoqarfimmut nassiussisoqassaaq. Qinnuteqartup atugai sukumiisumik naliliiffigineri tunngavigalugit qinnuteqaat naliliiffigineqassaaq, matumani qinnuteqartoq internetimut attaveqarnissaminut periarfissaqannginnera ilanngullugu.

 

Uanga allanneqarpoq: Digitalimik Sullissinermut Aqutsisoqarfik

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl
Nittartagaq: digitalimik.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.