Avammut nioqquteqarnissamut akuersissut pillugu qinnuteqarit

Inuussutissarsiutigalugu ingerlatatut suliffeqarfittut imaluunniit inuussutissarsiutigalugu ingerlatsisutut inuttut kalaallit tunisassiaannik avammut nioqquteqarniaruit, Nunanut Allanut, Inuussutissarsiornermut, Niuernermut Silallu Allanngoriartorneranut Naalakkersuisoqarfimmiit avammut nioqquteqarsinnaanermut akuersissummik pisariaqarputit.

Qinnuteqaammik immersugassamik immersuinikkut avammut nioqquteqarsinnaanissamut akuersissut pillugu qinnuteqassaatit.

Qinnuteqarnissamut immersugassamik immersuissaatit, ugguunalu isiin@nanoq.gl, Inuussutissarsiornermut Naalakkersuisoqarfimmut nassiullugulu.

Avammut nioqquteqarnissamut akuersissut pillugu qinnuteqaammik nassiussiniaraanni, makkua naammassineqarsimassapput:

• Kalaallit Nunaanni najugaqassaatit imaluunniit
• Ingerlatseqatigiiffik illit pigisat Kalaallit Nunaanni nalunaarsorneqarsimassaaq

Malugiuk
Assersuutigalugu aalisakkanik imaluunniit allanik nerineqarsinnaasunik, inuussutissanik avammut nioqquteqarniaruit, illit suliffeqarfiutigisat aammalu sumiiffik nioqqutissanik tunisassiorfigisat nerisassiornermut suliffeqarfittut akuerisaanissaq pillugu Kalaallit Nunaanni Inuussutissalerinermik Oqartussaasuniit (VFMG-miit) akuersissummik peqassaaq.

Qinnuteqaammik nassiussinissaq kiisalu avammut nioqquteqarsinnaanermut akuersissummik tunineqarnissaq, akeqanngillat.

Avammut nioqquteqarnissamut akuersissummik qinnuteqarniaruit, qinnuteqarnissamut immersugassaq immersussavat.

Qinnuteqarnissamut immersugassaq immersussavat, qinnuteqarnissamullu immersugassaq immersugaq uunga isiin@nanoq.gl-imut nassiullugu.

Qinnuteqaatinni, ilanngussaq tulliuttoq ilaatissavat:

• VFMG-miit (Kalaallit Nunaanni Inuussutissalerinermik Oqartussaasuniit) akuersissut

”Avammut nioqquteqarnissamut akuersissut pillugu qinnuteqaammut immersugassaq” aaniarlugu una tooruk

Nunanut Allanut, Inuussutissarsiornermut, Niuernermut Silallu Allanngoriartorneranut Naalakkersuisoqarfiup qinnuteqaatit isiin@nanoq.gl-ikkut tiguguniuk, Inuussutissarsiornermut immikkoortortaqarfimmi sullissisunut attuumassutilimmut ingerlatinneqarumaarpoq.

Illit qinnuteqaatinnik tigusaqarsimanerminnut atatillugu mail-ikkut uppernarsaammik tigusaqassaatit.

Qinnuteqaatinnik sullissineq, suliffiusut ullut qulit missaannik sivisussuseqassaaq.

Qinnuteqaativit akuerineqarsimanera imaluunniit itigartinneqarsimanera pillugu illit mail-imik qinnuteqarfigisimasakkut akissutisiumaarputit.

Assersuut, qinnuteqaatigisimasavit saniatigut avammut nioqqutigerusutannik tunisassiamik nutaamik saqqummersoqarneratigut qinnuteqaatinni allannguuteqartoqassagaluarpat Naalakkersuisoqarfik nalunaarfigissavat.

Qinnuteqaatinni allannguuteqartoqassagaluarpat, qinnuteqaammut immersugassaq nutartigaq Naalakkersuisoqarfiup mail-ianut isiin@nanoq.gl-imut nassiuteqqullugu qinnuigineqarputit.

Ukioq naallugu qinnuteqarsinnaavutit.

Avammut nioqquteqarsinnaanissamut akuersissut pillugu qinnuteqaammut illit nassiussannut atatillugu Inuussutissarsiornermut immikkoortortaqarfiup aalajangigaa pillugu maalaaruteqarnissamut pisinnaatitaavutit.

Maalaaruteqarusukkuit isiin@nanoq.gl-imut maalaarutit nassiutissavat.

• Maalaarutinni Aalajangiinermut sooq naammagittaalliornerlutit tunngavilersuutigisat allassavat
• Allakkiat attuumassutillit ilanngussatut kakkiullugit:
  • Qinnuteqarnermut immersugassaq
  • Illit aamma Inuussutissarsiornermut immikkoortortaqarfiup akornassinni attaveqaqatigiittarsimanernut allakkiat

Inuussutissarsiornermut immikkoortortaqarfimmit maalaarut nassiussat suliarineqarumaarpoq.

Maalaarutigisavit suliarineqarnera ullut sulliviusut 15-it tikillugit sivisussuseqarsinnaavoq.

Maalaarutigisat suliarineqareerpat Inuussutissarsiornermut immikkoortortaqarfimmit mail-ikkut attavigineqarumaarputit.