Inuussutissarsiornermi attartornernut aamma tapiissuteqartarnernut aaqqissuussinernut qinnuteqarit

Nunami inuussutissarsiornerup iluani ingerlataqartuuit imaluunniit aallartisaaleruttoruit, Naalakkersuisut inuussutissarsiornermut attartornernut aamma tapiissuteqartarnernut aaqqissuussineranut qinnuteqarnissarnut periarfissaqarputit. Immikkoortut ataaniittut qinnuteqarfisinnaavatit:

  • Inuussutissarsiutinik siuarsaanermik sulianut tunisassianik ineriartortitsinermut tapiissutit
  • Inuussutissarsiutigalugu siunnersuisartunit ikiorneqarnissamut kittaartagaq
  • Annikitsunik taarsigassarsinermik aaqqissuussineq pingaartumik suliffeqarfinnut avinngarusimasumiittunut
  • Suliassaqarfinni aalajangersimasuni aaqqissuussat


Inuussutissarsiornermi attartornernut aamma tapiissuteqartarnermut aaqqissuussinermut qinnuteqarsinnaavutit innovation.gl-imi imminut sullinneq atorlugu.

Qinnuteqarsinnaalissaguit, suliffeqarfiutit nunami inuussutissarsiutitut nalunaarsorneqarsimassaaq. Nunami inuussutissarsiutit ilaatigut suliffeqarfiit ingerlatallu makku iluanniissaaq:

  • Kiffartuussineq
  • Takornariartitsineq
  • Suliffissuaqarneq
  • Niuerneq
  • Akunnittarfeqarneq
  • IT-lerineq
  • Misigisassarsiortitsilluni inuussutissarsiorneq
  • Eqqumiitsuliorneq


Suliffeqarfiutit namminersorluni inuussutissarsiutitut nalunaarsorneqarsimassaaq. Tassa imaappoq suliffeqarfiutit 49% sinnerlugu kommunemiit imaluunniit namminersorlutik oqartussaniit piginneqataaffigineqassanngilaq.
Greenland Venture aamma kattullutik piginneqatigiit assigusut pisortat pigisaatut paasineqassanngillat.

Suliffeqarfiutit CVR-imi nalunaarsorneqarsimassaaq.

Kalaallit Nunaanni tamakkiisumik akileraartussaatitaassaatit.

Qinnuteqaatit suliarineqareerpat, annertunerpaamik immikkoortuni ataaniittuni piginneqataalersinnaassaatit:

  • Inuussutissarsiutinik siuarsaanermik sulianut tunisassianik ineriartortitsinermut tapiissutit:
    • Annerpaamik 300.000 kr.-nik, aamma pilersaarut pillugu nassuiaammi annerpaamik aningaasartuutit uppernarsarneqartut 50 %-ii pissarsiarisinnaavatit.

  • Inuussutissarsiutigalugu siunnersuisartunit ikiorneqarnissamut kittaartagaq
    • Annerpaamik 25.000 kr.-nik, aamma siunnersuisartunik ikiorneqarnermut annerpaamik aningaasartuutit uppernarsarneqartut 80 %-ii pissarsiarisinnaavatit.

  • Annikitsunik taarsigassarsinermi aaqqissuussineq pingaartumik suliffeqarfinnut avinngarusimasumiittunut
    • Annerpaamik 20.000 kr. og 100.000 kr.-illu akornanni taarsigassarsisinnaavutit
    • Ineriartortitsinermiut aningaasartuutit 75 %-it angullugit, imaluunniit tunisassianik ineriartortitsinermut tapersiissutit ingerlatsinermut aningaasartuutit 50 %-ii angullugit matussuserneqarnerannut ataqatigiissillugu, 25 %-it angullugit matussuserneqassapput

  • Suliassaqarfinni aalajangersimasuni aaqqissuussat
    • Suliassaqarfinni aalajangersimasuni aaqqissuussat immikkuullarissut atuupput
    • Annerpaamik 300.000 kr.-nik pissarsisinnaavutit

Inussutissarsiornermut attartornernut aamma tapiissuteqartarnernut aaqqissuussinermut qinnuteqarniaruit, taava Innovation Greenlandip nittartagaatigut ”Qinnuteqarfik” / ”Mine ansøgninger”-mi suliffeqarfiutit pilersissavat.

Una toorlugu nittartagaq qinnuteqarfissaq iserfigiuk

Qinnuteqaatit Innovation Greenlandimit tiguneqassaaq, taannaavoq qinnuteqaatip suliarinissaanut akisussaasoq.

Suliniutinut annerusunut qinnuteqaatit qaammatip ataatsip missaanik suliarineqartarneri naatsorsuutigissavat. Aammattaarlu sullinneqarnerup sivisussusaanut piffissaq atorneqartoq naatsorsorneqassaaq Innovation Greenlandip paasissutissanik uppernarsaatinillu tapertaasussanik ilinnut piniarsinnaanera. Innovation Greenland uppernarsaatinik paasissutissanillu naammattunik pisimanngippat attavigineqassaatit.

Qinnuteqaaternut aalajangiineq allaganngorlugu tigussavat. Innovation Greenlandip qinnuteqaaternut aalajangiineq pillugu allakkatigut attavigiumaarpaatit. Qinnuteqaaternut tunngatillugu aalajangiinermi takuneqarsinnaassaaq, immikkoortumut qinnuteqaaternut tunngatillugu sumik tunineqassanersutit.

Avinngarusimasumi najugaqaruit qinnuteqarfissaq nittartakkakkuunngitsoq pappiaranngorlugu ilinnut nassiunneqarsinnaavoq. Taama pisoqarpat Innovation Greenlandip atuisutut pilersissinnissannut ikiorsinnaavaatit, qinnuteqaatillu atortorissaarutikkut nalunaarsorlugu.

Qinnuteqaatit pillugu allannguuteqartoqassappat nittartakkakkut maluginiassavat.

Immikkoortut uku piffissamik killilerneqanngillat:

  • Inuussutissarsiutinik siuarsaanermik sulianut tunisassianik ineriartortitsinermut tapiissutit
  • Inuussutissarsiutigalugu siunnersuisartunit ikiorneqarnissamut kittaartagaq
  • Annikitsunik taarsigassarsinermik aaqqissuussineq pingaartumik suliffeqarfinnut isorliunerusumiittunut

Qulaani immikkoortunut aningaasanut inatsimmi aningaasaliissutit ukiumi tassani nunguppata ukiup tullissaanut aningaasaliineq matoqqassaaq.

Immikkoortut uku qinnuteqarnissamik piffissamik killiussaqassapput, aaqqissuussat immikkut ittut atuutileraangata tamanut saqqummiunneqartassapput:
  • Suliassaqarfinni aalajangersimasuni aaqqissuussat

Qinnuteqaatinnut aalajangiineq pillugu maalaaruteqarsinnaavutit.

Maalaarutit itigartitsissummik tunngavilersuutinillu imaqassaaq. Uungalu nassiutissavatit:

  • allakkatigut:
    Inuussutissarsiornermut, Niuernermut, Nunanut Allanut, Silallu pissusaata Allanngoriartorneranut Naalakkersuisoqarfik
    Postboks 1340
    3900 Nuuk

  • e-mailikkulluunniit:
    isiin@nanoq.gl

Uannga allanneqarpoq: Nunanut Allanut, Inuussutissarsiornermut, Niuernermut Silallu Allanngoriartorneranut Naalakkersuisoqarfik

Nunanut Allanut, Inuussutissarsiornermut, Niuernermut Silallu Allanngoriartorneranut Naalakkersuisoqarfik
Postbox 1340
3900 Nuuk

Telefon: 34 50 00
Email: isiin@nanoq.gl
Nittartagaq: www.businessingreenland.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.