Inuttaqarniarnikkut nakkutilliineq

Tassani inuttat katitigaanerannut maleruagassat atuarsinnaavatit kiisalu immersugassat pisariaqartut aasinnaallugit

Angallatit kalaallit pigippassuk aamma angallatip uuttornerata allagartaa malillugu 24 miiterinit tamaat naallugu takineruppat (L.O.A), aalisariarnerup aallartinnissaa sioqqullugu inuttat allattorsimaffiat KANUAANA-mut nassiutissavat. Allattuiffimmi ateq, atorfiup taaguutaa, Inuup-normua, kommuni najugarisaq aamma ilinniagaqarsimanermut uppernarsaat ilisimatitsissutigissavatit.  

Immersugassat aasinnaavatit uani

Kalaallit aalisariutaanni inuttalersuisarneq pillugu Namminersorlutik Oqartussat nalunaarutaat nr. 13, 17. november 2011-imeersoq malillugu angallatinni officerit minnerpaamik 60 %-ii inuttallu sinneruttut tamarmik Kalaallit Nunaanni najugaqartutut inuit nalunaarsorsimaffianni nalunaarsorsimassapput, inuillu aqqisa nalunaarsorsimaffianni qaammatisiutit ukiuni kingullerni marlunni nalunaarsorsimassallutik. Inuk Kalaallit Nunaannut tamakkiisumik akileraartussaatitaassaaq, qaammatisiutillu ukiuini kingullerni marlunni Kalaallit Nunaanni tamakkiisumik akileraartartussaatitaasimassalluni.

Inuttat ukiuni kingullerni marlunni Kalaallit Nunaanni inuit allattorsimaffiani nalunaarsorneqarlutik najugaqarsimanersut, kiisalu ukiuni kingullerni marlunni Kalaallit Nunaanni tamakkiisumik akileraartarsimanersut KANUAANA-mit misissorneqassaaq.

Ilinniarneq pissutigalugu inuttaq ukiuni kingullerni marlunni Kalaallit Nunaaniissimanngippat qinnuteqareernikkut malittarisassanit immikkut akuersissuteqartoqarsinnaavoq.