Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Saniatigut pisat

Kalaallit aalisarneranni saniatigut pisat tassaapput imaani uumassusilinnik pisat tamarmik, angallatip imaluunniit aalisartup aalisarnissamut akuersissutaanut ilaanngitsut, artinullu ataasiakkaanut atatillugu minnerpaaffissatut uuttuutinik naammassinnissimanngitsut. Uuttuutit minnerpaaffissatut aalajangersakkat danskisut uani aamma kalaallisut uani nassaarisinnaavatit. 

Uumassusillit ilai tassaasut koralit aamma immami pupiit (havsvampe) aalisarsinnaanermut akuersissuteqarfiusinnaanngillat, taamaammallu saniatigut pisatut taaneqarsinnaapput

Koralinik uumasunik 60 kg.-t sinnerlugit aamma/imaluunniit immami pupinnik uumasunik 300 kg.-nik kalinnermi ataatsimi pisaqaruit, tamanna pillugu pisanik allattaaviit atorlugit imaluunniit maili atorlugu KANUAANA-mut NALUNAARUTEQASSAATIT. Aalisarnerit unitsissavat, kaliffippillu naammassinerani inissisimaffigisannit minnerpaamik 2 sømilinik ungasitsigisumut nuussaatit, koralinik aamma immami pupinnik pisaqarnissamut ilimaginnginnerpaasannut. 

Koralinik suussusersinissamut ilitsersuut danskisooq aasinnaavat uani, tuluttooq uani, kalaallisooq uani

Immami pupinnik suussusersinissamut ilitsersuut tuluttuuinnarli nassaarisinnaavat uani

Eqqaamassavat aalisaatinnik pisatit tamaasa pisanik allataavimmut nalunaarsussagakkit, tunisinermiluunniit paasissutissiissutigalugit. Immami miluumasunik timmissanilluunniit pisaqaruit, taakku pillugit pisanik allattaavimmi aamma nalunaarsuissaatit. Immami miluumasunik timmissanillu taaguutit pillugit allattukkat uani nassaarisinnaavatit.

 

Uanga allanneqarpoq: Kalaallit Nunaanni Aalisarsinnaanermut Akuersissutinik Nakkutilliisoqarfik

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: apnn@nanoq.gl
Nittartagaq: www.apnn.gl
Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.GFLK.gl imaluunniit www.KANUAANA.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.