Angallatinik nakkutiginninneq

Qaammataasanut atortulersuutit atorlugit aalisariutit KANUAANA-mit nakkutigineqarput.  Angallatit aalajangersimasut inuussutissarsiutigalugu aalisarnermik ingerlatsiniarunik nakkutilliinermut atortulersuutinik ikkussuinissamut pisussaaffeqarput.

Piumasaqaatit uku arlaat minnerpaamik naammassigukku nakkutilliinermi atortulersuutinik ikkussuissaatit:

• angallatit imartussutsimut uuttuutaa malillugu 50 BRT/90 BT-inik  angissuseqarpat angineruppalluunniit (angallatip uuttornerata allagartaa malillugu),
• angallatit qanorluunniit angitigigaluarpat angallammi tunisassiornissamut akuersissutaateqaruit,
• Kalaallit Nunaata aalisarnermut oqartussaaffiani aalisakkanik aalisakkanilluunniit tunisassianik aalisariutinnit usilersoruit aalisariutivit angissusia naalagaaffimmullu suminngaanneernera apeqqutaatinnagu,
• nunat tamalaat imartaanni aamma nunat allat oqartussaaffigisaanni aalisaruit,
• angallatit kalaallinit pigineqanngippat aamma kalaallit nunaata aalisarnermut oqartussaaffiani aalisaruit.

Angallatinik nakkutilliinermut atortulersuutinik inatsisikkut pisussaaffiusunik (FOE) illit piginnittuusutut atortulersuutinut, ikkussuinermut atuinermullu akiliissaatit. Atortulersuutit ikkussornissaannut najoqqutassat pillugit paasisaqarnerugit  uani. 

FOE-nik ikkussuiguit imaluunniit piiaaguit tamanna KANUAANA-mut nalunaarutigissavat. Taamaaliussaatit uppernarsaammik immersuinikkut. Uppernarsaat aasinnaavat uani.

Sinerissamut qanittumi aalisarnermik nakkutilliinermut atortulersuutit

Sinerissamut qanittumi aalisarnermut atortulersuutit ARGOS, LEO, SiriusOne imaluunniit Watchdog atussavatit. O.S.  Electronic A/S atortulersuutinik ukuninnga tuniniaasuuvoq: ARGOS, LEO, WatchDog imaluunniit Sirius One (www.os.gl).

Sinerissamut qanittumi aalisarnermut atortulersuutit akuerineqarsimasut allattorsimaffiat

• CLS-Argos: ARGOS MAR GE-R
• CLS-LEO
• Faria: Faria: Faria Watch Dog 750 VMS Iridium/GSM (GPRS)
• Sirius One: SIR 10-4

Avataasiorluni aalisarnermut nakkutilliinermut atortuutit

Avataasiorluni aalisarnermi Inmarsat C atussavat.

Inmarsat-C-mut atortuutinut DNID-p downloadernissaanut akuersissummik qinnuteqassaatit. Immersugassaq aaguk uani 

Avataani aalisarnermut atortulersuutit akuerisaasut allattorsimaffiat:

• Inmarsat-C:  TT-3022D, TT-3026L, TT-3026S aamma assingusut TT-typer, Furuno: Felcom imaluunniit Trimble;
• Sirius One: SIR 10-4
• CLS-LEO

Kalaallit Nunaata killeqarfiata avataani aalisaruit nakkutilliinermi atortulersuutinit illit sumiinnerit oqartussatut attuumassuteqartunut ingerlaannartumik nassiunneqassapput.

Teknikimik ajutoornermi sumiinnerit illit nammineerlutit e-mail atorlugu KANUAANA-mut nassiutissavat.

Nunani ataasiakkaani nunallu tamalaat oqartussaaffigisaanni maleruagassat atuuttut erseqqinnerusumik ilisimasaqarfiginissaannut pisussaaffeqarputit. Linksit ataatsimoortut takukkit uani