Avataasiorluni aalisarnissamut akuersissummik qinnuteqarneq

Inuussutissarsiutigalugu aalisartutut Aalisarnermut Piniarnermullu Naalakkersuisoqarfimmit aalisarnermik ingerlatannut akuersissummik atuuttumik peqassaatit.
Aalisarnermut akuersissut aalisakkamut ataatsimut atuuppoq:

• Sumiiffimmi killilikkami ataatsimi
• Ukiumi ataatsimi 1. januar-imiit december 31-nut, imaluunniit
• Piffissami aalisarfiusumi ataatsimi Aalisarnermut Piniarnermullu Naalakkersuisoqarfimmit nalunaarutigineqartumi

Avataasiorluni aalisarnermi aalisakkat uku aalisarneqarnerusarput:

• Raajat
• Qalerallit
• Saarulliit
• Suluppaakkat
• kiisalu ikerinnarsiortut soorlu ammassat, ammassassuit avaleraasartuullu.

Avataasiorluni aalisarneq uani pisarpoq:

• Kalaallit nunaata avataani aalisarneq killeqarfimmit 3 sømilimit killeqarfimmut 200 sømilit tikillugit ingerlanneqartarpoq.
• Nunat tamalaat imartaanni pisassiissutinik ataatsimoorussanik aalisartoqartarpoq.
• Imartani Kalaallit Nunaata nunallu allat isumaqatigiiffeqarfiisa nunap oqartussaaffigisaaniittuni.

Kalaallit Nunaat ukiut tamaasa nunat tamalaat assigiinngitsut isumaqatigiissuteqarfiginiartarpai. Isumaqatigiissutit nunat isumaqatigiiffeqarfiusup nunap imartaasa oqartussaaffigisaani aalisarsinnaanermut isumaqatigiissutit aamma pisassiissutit pineqartarput.
Kalaallit angallataat savalimmiut, norskit islandillu imartaanni aalisarsinnaatitaapput.
Kalaallit angallataat Kalaallit Nunaat nunat tamalaat imartaanni marluusuni Kalaallit Nunaata kujammut kitaaniittumi (NAFO-p imartaani) kiisalu Kalaallit Nunaata kangianiittumi (NEAFC-p imartaani) aalisarsinnaatitaavoq.

Annertunerusumik Kalaallit Nunaata aalisarnera pillugu, pisassiissutit pillugit, aqutsinissamut pilersaarutit pillugit il.il. Aalisarnermut Piniarnermullu Naalakkersuisoqarfiup nittartagaani atuagaqarsinnaavutit uani, www.apn.gl.

Illit / suliffeqarfivit avataatigut aalisarsinnaanermut akuersissummik piniarnermut piumasaqaatit uku naammassereersimasariaqarpatit:

• Ingerlatseqatigiiffik aktiaateqarluni ingerlatseqatigiiffiussaaq, piginneqataassuteqarfiulluni ingerlatseqatigiiffiussaaq, piginneqatigiiffiussaaq imaluunniit piginneqatigiilluni umiarsuaatileqatigiiffiussalluni
• Ingerlatseqatigiiffiup aningaasaataasa minnerpaamik 2/3-lii inunnit ataasiakkaanit toqqaannartumik imaluunniit toqqaannanngitsumik pigineqassapput, taakkulu:
  • kalaallinut inuiaqatigiinnut aalajangersimasumik attuumassuteqassaaq,
  • Kalaallit Nunaanni najugaqartuuvutit, ukiunilu kingullerni 2-ni najugaqartuusimallutit aamma
  • Kalaallit Nunaanni akileraarutinik akiliisarputit, ukiunilu kingullerni 2-ni akiliisarsimallutit
• Angallat/angallatit Kalaallit Nunaanni erfalasoqarfeqassaaq/-sapput, Søfartsstyrelsen-illu angallatinik nalunaarsuiffianni nalunaarsorneqarsimassalluni/-tik

Imarpimmi aalisarsinnaanermut akuersissummut qinnuteqarusukkuit (kalallit nunaanni, nunai taalaani, norskit, islandskit imaluunniit savalimmiut imartaanni) qarasaasiakkut toortagaq sungaartoq toorlugu nammineq sullinnermi "Maana qinnuteqarit" uani quppernerup qaavani allaqqasoq toorlugu qinnuteqassaatit. Immersuiffissaq qarasaasiakkut immersorniarukku nassiunniarukkulu "Immersoruk nassiullugulu" toqqaruk.

Qinnuteqaatinnut makku ilanngunneqassapput:

• Angallatip naalagaaffimmut attuumassuteqarneranik uppernarsaatip assilinera
• Angallatip uuttuutai pillugit allagartap assilinera
• Ingerlatseqatigiiffimmik piginnittut pillugit allagartaq atuuttoq

Aalisarsinnaanermut akuersissut aalisakkamut ataatsimut atuuttarpoq, taamaammallu aalisakkanut piniarusutannut immikkut qinnuteqassaatit.

Toortakkap sungaartup "Ugguuna qinnuteqarit" toorneratigut qarasaasiakkut nammineerlutit immersuiffissamik immersuillutit aallartissaatit.

Imarpimmi aalisarsinnaanermut akuersissummut qinnuteqarusukkuit (kalallit nunaanni, nunai taalaani, norskit, islandskit imaluunniit savalimmiut imartaanni) qinnuteqarnermut immersugassaq immersoqqaassavat.

Toortagaq sungaartoq "Maanna qinnuteqarit" toorneratigut:

• "Immersoruk anisillugulu" toorsinnaavat, immersugassaq qarasaasiatigut immersornissaa aammalu anisinnissaa kissaatigigukku.

Qinnuteqaatinnut ukua ilanngutissavatit:

• Angallatip naalagaaffimmut attuumassuteqarneranik uppernarsaatip assilinera
• Angallatip uuttuutai pillugit allagartap assilinera
• Ingerlatseqatigiiffimmik piginnittut pillugit allagartaq atuuttoq

Immersugaq Aalisarnermut Piniarnermullu Naalakkersuisoqarfimmut tunniutissavat.

Qinnuteqaatit nassiukkukku, qinnuteqaatit Aalisarnermut Piniarnermullu Naalakkersuisoqarfimmut nassiunneqassaaq, tassuugulu qinnuteqaativit tiguneqarsimaneranik uppernarsaammik nassinneqassaatit.
Taamaattoqareerpat aalisarsinnaanermut akuersissummik suliaqarneq aallartissaaq.

• Qinnuteqarnissamut ulloq killerititaasoq qaangiunneranit qinnuteqaatit Aalisarnermut Piniarnermullu Naalakkersuisoqarfimmit suliarineqalissapput. Avataasiorluni
• aalisarnissamut qinnuteqarnissamut killiliussaq tassaavoq 30. november.
• Sulianik sullissineq naammassippat Naalakkersuisullu pisassiissutissat inissereerpagit taava
  
  • qinnuteqarsimasuni pisassiissutisisimasut pisassiisutissaannik tunineqarumaarput.
  • pisassiissutissanik tunineqarsimanngitsut tunngavilersukkamik itigartitsissummik nassinneqassapput.
• Qinnuteqarninnut akissuteqaat decembarip naalernerani januarilluunniit aallartinnerani tigujumaarpat.
• Pisassiissutit Naalakkersuisut.gl-ikkut imaluunniit tusagassiutitigut nalunaarnikkut saqqummiunneqarumaarput.

Aalisarsinnaanermut akuersissummi massakkut pigisanni paasissutissanik allanngortoqarsimappat, tamatuma Aalisarnermut Piniarnermullu Naalakkersuisoqarfimmut paasissutissiissutiginissaanik pisussaaffeqarputit. Assersuutaasinnaapput ingerlatseqatigiiffiutit angallataatilluunniit pillugit allannguinerit.

Allannguutit tiguneqariarpata nutaamik akuersissusiunneqassaatit, tassanilu paasissutissat nutaat ilaatinneqassapput.

Inuussutissarsiutigalugu aalisartutut paasissutissat eqqortut tunngavigalugit aalisarnermik ingerlatannut akuersissummik atuuttumik peqarnissat akisussaaffigivat.

Avataasiorluni aalisarsinnaanermut ukiup tullianut qinnuteqarnissamut piffissaliussaq tassaavoq ulloq 30. november.

Oqartussat naliliinerat aallaaviatigut naammagittaalliutigisinnaanngilat.

Qinnuteqaatinnut itigartitsissummik tunineqaruit tamatumunnga tunngavilersuummittaaq tunineqassaatit.
Isumaqaruit aalajangiineq kukkusumik tunngaveqartoq imaluunniit paatsoortoqarsimasoq, taava naammagittaalliutit Aalisarnermut, Piniarnermullu Naalakkersuisoqarfimmut nassiutissavat, tassanilu suliaq ilinnut tunngasoq nalilersoqqissinnaavaat. Naammagittaalliutit itigartitsissummik tigusaqareernerpit kingorna sukkanerpaamik Naalakkersuisoqarfimmut nassiutissavat.

Allakkatigut naammagittaalliussaatit, allallugulu sooq sunalu pillugu naammagittaalliornerlutit. Eqqaamajuk naammagittaalliuutigerusutat pillugu aalajangiinerup assilinera ilanngutissagakku, taannami suliap ingerlanneqarneranut iluaqutaassammat.
Ilinnut suliaq suliarineqareerpat attavigineqarumaarputit.