Aalisarnermi inuussutissarsiutitut aningaasarsianut paasissutissat nalunaarsukkit

Aalisarneq Kalaallit Nunaanni inuussutissarsiut pingaaruteqarnerpaavoq Taamaammat suliffeqarfiit aalisakkanik tunisassiorlutillu pisiortortartunut paasissutissanik nalunaarusiortoqarnissaanik aalajangiunneqarpoq. Paasissutissat taakku naatsorsueqqissaartarnermut ilaatigut atorneqassapput.

Aalisariummik 6 meterinit takinerusumit suliffeqarfiutinnit assersuutigalugu aalisakkerivimmut imaluunniit tunitsivimmut tunisisimaguit, imaluunniit suliffeqarfiutinniit aalisakkanik nioqqutissanik pisisoqarsimappat aningaasanut paasissutissat nalunaarsussavatit. Paasissutissat kukkunersiuisumit piginnaatitaasumit akuerineqassapput, nammineerlutilli illit nalunaarusiussaatit. Aalisarnermut akuersissutit suliffeqarfinnut tunniunneqarsimappat, MitID Erhverv atorlugu quppernermut uunga isissaatit. Aalisarnermut akuersissummi illit atit atorneqarpat MitID atorlugu isissaatit.

Kalaallit Nunaanni Aalisarsinnaanermut Akuersissutinik Nakkutilliisoqarfiup (KANUAANA) digitalikkut nalunaarsorneqarnissaanut atuutilersitaa atorneqarnissaa piumasaqaataavoq. Paasissutissat e-mailikkut allakkatsigulluunniit tunniunneqarsinnaanngillat.

Toortakkap sungaartup "Ugguuna nalunaaruteqarit" toorneratigut qarasaasiakkut immersuillutit aallartissaatit. Taamaalioreeruit "immersugassaq immersoruk" toqqassavat "tullia"-lu toorlugu. Taamaalioreeruit angalaat sorleq imaluunniit tunitsivik/aalisakkerivik sorleq nalunaarusiorfiuniarnersoq toqqassavat "tullia"-lu toorlugu. Taamaalioreeruit paasissutissaatitit nalunaarutigisinnaavatit. Kukkunersiuisut nalunaarusiornissaanut aamma piumaffigisinnaavat. Eqqaamajuaannassavat qulakkiissallugu kukkunersiuisorlu isumaqatigiissimanissaq taassuma nalunaarusiaq suliarissagaa. Illimmi nalunaarusiortoqarnissaa nammineq akisussaaffigaat kukkunersiuisuiunngitsoq.

Kukkunersiuisoq nalunaarsuiniaruni KANUAANA-p systemiani kukkunersiuisunngortinneqaqqaassaaq.
Tamanna naatsorsuuserisup "Iserit" toorneratigut pisarpoq. Tamatuma kingorna fejlside (qupperneq kukkusoq) nuissaaq
naqqani nalunaarluni "kukkunersiuisutut nalunaarsorneqarusukkuit tullia tooruk". Taamaalioreeruni kukkunersiuisup paasissutissani immiutissavai KANUAANA-mullu pilersinneqaruni nalunaarfigineqassaaq.

Kukkunersiuisoq pilersinneqareerpat, kukkunersiuisoq noqqaassuteqarsinnaalissaaq kingornalu nalunaarusiornissamut piginnaatitsissummik
qinnuigalutit. Tamanna pisarpoq kukkunersiuisup "piginnaatitsissummik qinnuiginnigit" toortaaneratigut, illit paasissutissaatitit immersorneratigut
"piginnaatitsissummik qinnuiginnigit"-llu toorneratigut. Taamaalioreerpat illit qupperninnut isissaatit piginnaatitsissullu akueralugu. Taava kukkunersiuisoq nalunaarusiorsinnaanngussaaq.

Nalunaarusiornissaq pingasunut agguataagaavoq:

• Angallatit avataasiortut sinerissammilu qanittumi raajarniartunut angallatit pillugit paasissutissat
• Sinerissap qanittuani angallatinut 6 meterit sinnilinnut paasissutissat (sinerissap qanittuani raajarniat pinnagit)
• Aalisakkeriviit tunitsiviillu

Paasissutissat angallatinit nalunaarutigineqartussat:

• Angallat pillugu paasissutissat
• Orsussaq suliffissaqartitsinerlu
• Artinut agguataarlugu pisat amerlassusii tonsinngorlugit
• Tunisat amerlassusii artinut agguataarlugu tonsinngorlugit
• Avammut niuerneq artinut agguataarlugu tonsinngorlugit
• Avammut niuernermi kaaviiaartitsineq
• Tunisinermi kaaviiaartitat nalingi
• Inuttat allat
• Aningaasartuutit

Paasissutissat aalisakkerivinnut tunitsivinnullu nalunaarutigineqartussat:

• Aalisakkerivik pillugu paasissutissat
• Suliffeqarneq
• Tunisat amerlassusii artinut agguataarlugu tonsinngorlugit
• Tunisassiorneq avammut niuerneq
• Tunisassiorneq, Nunatsinni tunisassat
• Avammut niuernermi kaaviiaartitsineq
• Kaaviiaartitat, nunatsinni niuerfinnut tuniniarneqartut
• Inuttat allat
• Aningaasartuutit

Kukkusoqartillugu:
Angallatit, aalisakkeriviit imaluunniit tunitsiviit takusinnaanngikkukku piginnittuunermut uppernarsaammik peqarlutit KANUAANA attavigissavat. Taamaattorli angallat pigiunnaariikkat takusinnaagukku ukioq eqqortoq nalunaarusiorfigisimanerlugu qulakkiissavat. Ukioq eqqortuuppat, angallatip tunisimaneranut, kivisimaneranut allatigulluunniit pigiunnaarsimaneranut imaluunniit aalisakkerivik/tunitsivik matusimaneranut uppernarsaammik nassiussissaatit. Angallammik, aalisakkerivimmik imaluunniit tunitsivimmik piginikuunngisannik takusinnaasaqaruit KANUAANA aamma allaffigissavat. Saaffiginnissutit tamaasa uunga pisarput gflk@nanoq.gl

Kukkunersiuisartumut:
KANUAANA kukkunersiuisartutut atuuttumik tigusaqarunik suliaq aallartinneqartarpoq naammassippallu kukkunersiuisoq attavigineqarumaarpoq. Kukkunersiuisoq ullut pingasut iluanni tusagaqanngikkuni kukkunersiuisoq KANUAANA-mut saaffiginnissaaq, uunga gflk@nanoq.gl.

Nalunaaruteqarnermi:
Nalunaaruteqarneq naammassigukku uppernarsaammik tigusaqassaatit. Nalunaaruteqarsimanermut uppernarsaatip toqqornissaa pingaaruteqarpoq. Aamma pingaaruteqarpoq uppernarsaammi kisitsisit eqqortuunersut misissussallugu. Uppernarsaammi kukkuneqarpat KANUAANA ingerlaannaq uunga saaffigissavat gflk@nanoq.gl

Tunisinermiit ukiup kingorna nalunaaruteqarnermut piffissamut killiliussaq kingusinnerpaaq tassaavoq novemberip aallaqqaataa. Piffissaanerani nalunaarutiginninngikkuit KANUAANA-mit eqqaasitsissummik tigusaqassaatit. Qaammatip naatinnagu suli nalunaaruteqarsimanngikkuit akiligassiissummik akiliisussanngortinneqassaatit.

Imminut sullississummi aaqqiissuteqarnermi kukkuneq nalunaaruteqarnissaq illit kukkunersiuisuilluunniit kissaatigigussiuk kukkunermik allaatiginninneq mailikkut Skærmimi assiliartumik imaluunniit uppernarsaat ilanngullugu KANUAANA-mut gflk@nanoq.gl.-mut nassiutissavat.

KANUAANA-p aalajangiineranut naammagittaalliuuteqarusukkuit, soorlu assersuutigalugu kingusippallaartumik nalunaarutiginninneq, naammagittaalliuutit uunga nassiutissavat aalisa@nanoq.gl.