Sinerissap qanittuani aalisariummik aalisarsinnaanissamut akuersissummik qinnuteqaat

Qinnuteqarfissami aalisakkat assigiinngitsut sisamat qinnuteqarfigisinnaavatit:

• Saarulliit
• Qalerallit
• Qalerallit, aalisariutaatillit pigisaat niueruteqarsinnaasut
• Assagiarsuit
• Nipisat

Qinnuteqartutut nutaatut inuttut ingerlatseqatigiiffittulluunniit qinnuteqarsinnaavutit imaluunniit aalisarnermut akuersissutaatitit nutartertinniarlugit qinnuteqarsinnaavutit.

Malugiuk una qupperneq inuussutissarsiutigalugu angallammik aalisarnissamut akuersissummik qinnuteqartunut taamaallaat attuumassuteqarmat. Aammaattaaq qinnuteqarfissat atorneqartussat assigiinngitsuupput, apeqqutaalluni nutaatut qinnuteqartuunersutit akuersissutaatitilluunniit nutarterniarneritit.

Qupperneq una inuussutissarsiutigalugu aalisartut angallammik aalisarnissamut akuersissutinik qinnuteqartunut taamaallaat atugassaammat. Umiatsiaararsorlutik aalisarnermut akuersissummik qinnuteqartussat kommuniminni  inuussutissarsiutigalugu siunnersortimut saaffiginnissapput.

Qinnuteqarfissat uku atussagukkit angallataateqassaatit.  
Quppernermi uani qinnuteqarfissat assigiinngitsut marluk immikkoortinneqarput:

• Pappiaraq atorlugu qinnuteqarfissaq
• Nittartakkakkut NemID atorlugu qinnuteqarfissaq

Qinnuteqartoq nutaajuguit aalisarnermut akuersissummik qinnuteqarsinnaavutit

• Digital-iusumik NemID atorlugu qinnuteqarfissakkut
• Pappiararluunniit atorlugu qinnuteqarfissakkut (NemID pisariaqanngilaq)

Aalisarsinnaanermut akuersissutaatitit nutartertinniarukkit

• Pappiaraq atorlugu qinnuteqassaatit

Nutaatut qinnuteqartunut piumasaqaatit:

• Aalisarnermut siorna assinganik  akuersissutaateqarsimanngikkuit 18-29-villu akornanni ukioqaruit qinnuteqarninni immikkut ittumik  akuerineqarsinnaavutit imaluunniit
• 18-29-nillu ukioqarnissamut piumasaqaammut qinnuteqartutut immikkut akuerineqarsinnaavutit Qaanaami, Tunumi Kujataanilu (Kommune Kujallermi) najugaqaruit. 

Qinnuteqarfissamut ilitsersuutip immikkoortuata aappaani piumasaqaatit suunersut  uani LINK-IMI atuarsinnaavatit:

Aalisakkat

Saarulliit

Qalerallit

Qalerallit, aalisariutillit namminneq pisassiissutinit pigisallit

Saattussat (assagiarsuit)

Nipisat

Aalisarsinnaanermut akuersissutinik nutarterineq:
Angallammik aalisarsinnaanermut akuersissutaatitit nutarterniarukkit qinnuteqarfissaq una atorlugu qinnuteqassaatit.
Qinnuteqaat aalisa@nanoq.gl -mut nassiunneqassaaq.
Qinnuteqaativit nassiutinnginnerani kommunerisavit qinnuteqarfissaq atsioqqaarsimassavaa (tamanna qinnuteqarfissami takuneqarsinnaavoq)

Qinnuteqartutut nutaatut aalisarsinnaanermut akuersissummik qinnuteqarneq:
Qinnuteqartutut nutaatut angallammut aalisarnissamut akuersissummik qinnuteqarniaruit marlunnik periarfissaqarputit:

• Nittartakkakkut NemID atorlugu qinnuteqarfissaq uani
• Pappiaraq atorlugu qinnuteqarfissaq uani aajuk

Qinnuteqaativit nassiutinnginnerani kommunerisavit qinnuteqarfissaq atsioqqaarsimassavaa (tamanna qinnuteqarfissami takuneqarsinnaavoq).
Qinnuteqarfissamut immersuinissamut ilitsersuut uumap immikkoortup  ataatungaaniippoq.

Qinnuteqarfissap immersornissaanut nassiunnissaanullu kommunimi sulisumit ikiorneqarsinnaavutit.

Qinnuteqarfissap immersulinnginnerani:
Innersuussutigissavarput tjeklisti piareersimatissagit takusinnaaniassagakkit qinnuteqarninni uppernarsaatit suut piareersimatissanerlugit. Uani LINK-imi aajuk

Innersuussutigissavarputtaaq immersornissaanut ilitsersuut atuassagit. Uani LINK-imi aajuk

Angallammut aalisarnermut akuersissutit nutartertittarnerinut suliamut ingerlatseriaaseq:
Qinnuteqarfissaq immersoreerukku kommunerisat atsiortissavat. Qinnuteqaat Kommunip tiguguniuk Aalisamut ingerlateqqissavaa.
Qinnuteqaatit nassiukkukku Aalisarnermut Piniarnermullu Naalakkersuisoqarfiup ingerlaannaq tigussavaa. Qinnuteqaativit tiguneqarsimanera pillugu aalisa@nanoq.gl -minngaaniit ilisimatitsissummik kommune pissarsissaaq. Qinnuteqaatit pillugu ullut 14-it qaangiutinnagit tunngavilersukkamik akineqassaaq.

Qinnuteqartunut nutaanut, angallammik aalisarsinnaanermut akuersissutinut qinnuteqartunut sulianik ingerlatsineq:
Qinnuteqarfissaq Sullissivik.gl-imiittoq digital-ikkut immersorukku sukkanerusumik pisariinnerusumillu qinnuteqarsinnaavutit. Immersuiffissami allattuiffigeqquneqartut kisiisa immersussavatit. Immersuitillutit amigartumik immersuiguit, allattuiffigineqartussat immersorneqarsimanngitsut pillugit erngertumik ilisimatinneqassaatit.
Pappiaraq atorlugu qinnuteqarfissaq immersoreerukku kommunerisat atsiortissavat. Qinnuteqaat Kommunip tiguguniuk Aalisamut ingerlateqqissavaa.

Qinnuteqaatit nassiukkukku Aalisarnermut Piniarnermullu Naalakkersuisoqarfiup ingerlaannaq tigussavaa. Qinnuteqaativit tiguneqarsimanera pillugu aalisa@nanoq.gl -minngaaniit ilisimatitsissummik pissaatit. Qinnuteqaatit pillugu ullut 14-it qaangiutsinnagit tunngavilersukkamik akineqassaatit.

Qinnuteqaativit aalajangerneqarneranut isumaqataanngikkuit naammagittaalliutit uunga nassiutissavat: APN@nanoq.gl