Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Kapisilinniarnissamut qinnuteqarit

Inuussutissarsiutigalugu aalisartuuguit imaluunniit aalisartunngorusukkuit kapisilinnillu aalisarniaruit akuersissutaateqassaatit.
Kapisilinnik nunanut allanut nioqquteqarnissaq tunisinissarluunniit inerteqqutaavoq. Taamaammat inuussutissarsiutigalugu aalisartutut taamaallaat kalaalimineerniarfinni suliffeqarfiniluunniit tunisisinnaavutit.

Kapisilinniarnermut piffissarititaasoq KNAPK isumasioqatigalugit Naalakkersuisut aalajangertarpaat.

 

Inuussutissarsiutigalugu aalisartuuguit aalisartunngorusukkuilluunniitt sinerissap qanittuani kapisilinniarniaruit akuersissummik pigisaqassaatit. Kapisilinniarnermut akuersissummik pissarsinissamut piffissarititaasoq malillugu ukiup siulianit pisanik nalunaarsuutinik nassiussisimanissat piumasaqaataavoq.

Aalisarnermi akuersissut tassaavoq aalisakkanik pisassiissutigineqartunut malittarisassaqartinneqartunullu inuussutissarsiutigalugu aalisarsinnaanermut akuersissut.

Aalisakkanik artinik malittarisassaqartinneqartunik pisassiissutigineqartartunillu aalisarusukkuit, akuersissummik qinnuteqassaatit tamanna atuuppoq imaattuuniaraanni:

  • Inuussutissarsiutigalugu umiatsiaararsorluni aalisartuugaanni imaluunniit
  • Angallammik aalisartuugaanni

Tamatuma sanitigut inuussutissarsiutigalugu aalisartuullutit qinnuteqarnermi naatsorsuutigineqarsinnaanermut piumasaqaatit tunngavissallu arlallit naammassisimassagitit akuersissuteqarniaruit

Akuersissummik qinnuteqarsinnaavutit:

  • Nammineq inuttut
  • Piginneqataalluni umiarsuaatilittut
  • Ingerlatseqatigiiffittut

Aalisarnermut akuersissut ima aalisarnermut atuuppoq:

  • Aalisakkamik aalajangersimasumik aalisarnermut
  • Sumiiffimmi aalajangersimasumi aalisarnermut

Sinerissap qanittuani aalisarnermi aalisariutinut piumasaqaatit

  • Angallatit 6 meterit sinnerlugit takissuseqarpat annerpaamik 42 fodsiusinnaavoq, aamma inuussutissarsiutigalugu angallatitut akuerineqarsimassaaq, Søfartsstyrelsenimillu nalunaarsorneqarsimassalluni. Angallativit nalunaarsorneqarnissaa nammineq akisussaaffigivat. Aalisarsinnaanermut akuersissummik qinnuteqaruit angallatip nalunaarsorsimaneranut uppernarsaat qinnuteqaammi upernarsaatinut ilanngussanut ilaavoq.
  • Aalisariutaatit 6 meterinit takinerusimassappat naalagaaffimmut attuumaffigisamut uppernarsaat aamma angallatip uuttuutaanut allagartaq aalisarsinnaanermik akuersissummik qinnuteqaammut ilanngullugit nassiunneqassapput.

Sinerissap qanittuani kapisilinniarnissamut akuersissummik qinnuteqarniaruit kommunerisanni inuussutissarsiornermut siunnersortimut saaffiginnissaatit.

Umiatsiaararsorluni aalisarneq

  • Umiatsiaararsornermut akuersissutivit nutarternera
    Umiatsiaararsornermut akuersissutit nutartissagukku kommunip akuersissummik tunisinnaavaatit. Piumasaqaataavoq piffissaq eqqorlugu pisavit nalunaarutigisimanissai, aamma pisaqarsimanngikkaluaruilluunniit.
  • Umiatsiaararsornermut akuersissut  siullermeerlutit qinnutigilerukku
    Siullermeertumik umiatsiaararsorluni aalisarnermut akuersissummik qinnuteqaruit, taava qinnuteqaatit kommunip Aalisarnermut, Piniarnermut Nunalerinermullu Naalakkersuisoqarfimmut suliassanngorlugu ingerlateqqissavaa.
  • Umiatsiaararsornermut akuersissut siullermeerlutit qinnutigilerukku, ataani allaqqasut qinnuteqaatinnut ilanngussavatit
    • Imarsiornermik ilinniarsimanermik allagartaq ilanngunneqassaaq
    • Aalisarnermut piniarnermullu peqatigiiffimmiit oqaaseqaat
    • Aalisarnermik sulisitsisumiit oqaaseqaat
    • Inuussutissarsiutigalugu siunnersortimiit oqaaseqaat

Angallatinik aalisarneq

  • Angallatinut akuersissut nutarterniarukku
    Angallatinut akuersissut nutartersiarukku, qinnuteqaatit kommunimit Aalisarnermut, Piniarnermut
    Nunalerinermullu Naalakkersuisoqarfimmut nassiunneqassaaq, tassanilu suliarineqassalluni.
  • Angallatinut akuersissummut siullermeerlutit qinnutigilerukku
    Angallatinut akuersissummut siullermeerlutit qinnuteqarniaruit, qinnuteqaatit kommunimit Aalisarnermut, Piniarnermut Nunalerinermullu Naalakkersuisoqarfimmut nassiunneqassaaq, angallatip annerpaaffissaa 42 fod-iuvoq, angallatit 42 fod-iminngaaniit angineruppat qinnuteqaat itigartitaassaaq.

Aalisarnissamut akuersissutit sinerissamut qanittumi aalisarnissamut  tunniunneqartarput. Akuersissut ukiumut pisassiiffiusumut ataatsimut atuuppoq, taamaattumillu ukiut tamaasa akuersissummik nutaamik qinnuteqartassaatit.

Kapisilinniarsinnaanermut akuersissummik tunineqassaguit ukiup siuliani pisatit  piffissaq eqqorlugu nalunaarutigisimassavatit, aamma pisaqarsimanngikkaluaruilluunniit, tamannalu inuussutissarsiutigalugu sunngiffimmilu aalisartunut atuuppoq.

Una toorlugu sinerissap qanittuani kapisilinniarnissamut akuersissummik qinnuteqarit

 

Aalisarsinnaanermut akuersissummik qinnuteqaatit kommunerisanni suliarineqartarput.

Inuussutissarsiutigalugu aalisartunut piumasaqaatit eqquutsikkukkit, akuersissummik tunineqarsinnaavutit.

Qinnuteqaatinnut ileqquusutut ullut 14-t ingerlaneranni akissutisissaatit  Qinnuteqaativit suliarineqarnissaanut paasissutissat amigarpata, attavigineqarumaarputit.

Qinnuteqariaatsimut apeqqutissaqaruit Aalisarnermut, Piniarnermut Nunalerinermullu Naalakkersuisoqarfimmut attaveqarsinnaavutit.

 

Inuussutissarsiutigalugu aalisarninni, aalisarnermi atortut uku atussavatit:

  • Qarsorsat aamma
  • Qassutit 2000-nik nigartallit, putuilu annerpaamik 140 mm-iussapput,

Malugiuk
Qassutit tissukartittakkat atorneqaqqusaanngillat.

 

Kapisilinnik pisatit tamaasa Aalisarnermut Nakkutilliisoqarfimmut (KANUAANA) nalunaarutigisassavatit, napittaajaareernermi imaluunniit qarsorsanik qissataammilluunniit pisaqarsimanerit TAMAASA.

Nalunaaruteqartassaatit pisaqarsimanngikkaluaruilluunniit.

Piffissaq aalisarfissaq naareereranit, kingusinnerpaamik ullut 30-t kingorna KANUAANA-mut nalunaaruteqarsimanngikkuit, ukiup tulliani akuersissummik tunineqarsinnaanngilatit.

Una tooruk kapisilittatillu uani nalunaarutigalugit

 

Oqartussat aalajangeeriaasiat aallaaviatigut maalaarutigisinnaanngilat. Qinnuteqaatit akuerineqarsimanngippat, tunngavilersuummik tunineqassaatit. Aalajangiineq kukkusumik tunngavilerneqarsimasorigukku imaluunniit paatsoortoqarsimasorigukku, Naalakkersuisoqarfimmut maalaaruteqarsinnaavutit, taakku ilinnut suliaq nalileqqitassatut suliarisinnaavaat. Qinnuteqaativit akuerineqannginnera tigugukku piaarnerpaamik maalaarutit nassiutissavat.

Allakkatigut maalaaruteqassaatit, allallugulu sooq sunalu pillugu maalaaruteqarnerlutit. Eqqaamajuk maalaarutigerusutannut atatillugu aalajangiinerup assilinera ilanngutissagakku, taanna suliap ingerlanneqarneranut iluaqutaassammat.

Maalaaruteqareeruit Aalisarnermut, Piniarnermut Nunalerinermullu Naalakkersuisoqarfiup nalilersussavaa, suliarlu ilinnut tunngasoq ingerlatereerunikku attavigiumaarpaatsit.

 

Uanga allanneqarpoq: Aalisarnermut immikkoortortaqarfik

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: aalisa@nanoq.gl
Nittartagaq: www.apnn.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.