Studielån sananeqarsinnaanngikkallarput, attaveqaatikkut ajutooqqaneq peqqutaalluni, Ilinniagaqarnersiuteqartitsivimmit suliaq aaqqinnissaa sulissutigineqarpoq.

Nunami tunisassiorfilliornissamut qinnuteqaat

Nunami tunitsivinnut aalisartut piniartullu pisarisartakkaminnik aalisagaanerusunik tunisisarput, soorlu ukiup qanoq ilinera apeqqutaatillugu nipisat suaanik, kiisalu puisinik, arfernik, tuttunik, umimmannik paarnanillu tunisineq.

Nunami sullivimmik sananissamut, nutarterinissamut, alliliinissamut matoqqasumilluunniit ammaaqqinnissamut Naalakkersuisunit akuersissummik pigisaqassaatit.

 

Nunami tunisassiorfimmik sananiaruit piumasaqaatit uku naammassisimassavatit:

  • Nunami aalisakkanik suliffissuarmik Nukissiorfinnit pilersorneqartussatut naatsorsuutigineqartumik pilersitsiniaruit alliliiniaruilluunniit Nukissiorfimmut saaffiginnissaatit. Siunissami imermik innaallagissamillu atuinissamut pilersaarutitit saqqummiutissavatit. Nukissiorfinnit pilersorneqarnissamik qinnuteqarsinnaanerit nunami tunisassiorfimmik sananissaq sioqqullugu uppernarsaammik tigusaqassaatit 
  • Kommunimit nunaminertamik tunineqarnissaq pillugu nunami tunisassiornermut sanannginnerani qinnuteqassaatit 

 

Nunami sullivimmik pilersitsinissamut, nutarterinissamut, alliliinissamut matoqqasumilluunniit ammaaqqinnissamut Naalakkersuisunit akuersissummik pigisaqassaatit. Piumasaqaatit siuliani taasat tamaasa naammassisimagukkit Aalisarnermut, Piniarnermut Nunalerinermullu Naalakkersuisoqarfimmut allakkatigut e-mail-ikkulluunniit qinnuteqaammik  nassiussissaatit apnn@nanoq.gl

Qinnuteqaativit Aalisarnermut, Piniarnermut Nunalerinermullu Naalakkersuisoqarfimmi suliarineqarsinnaaneranut ilanngussaat uppernarsaatillu uku tapiliunneqassapput:

  • Tunisassiornermi pineqartumi pisariaqartitsineq naammassisinnaajumallugu innaallagissamik imermillu naammattunik pilersorneqassanersoq pillugu Nukissiorfinnit uppernarsaat  
  • Nunami sullivimmik pilersitsinissamut ammaaqqinnissamulluunniit sanaartornermik pilersaarut titartagartai ilanngullugit  
  • Kommunimit nunaminertamik tunineqarnissamut uppernarsaat

 

  • Qinnuteqaat Aalisarnermut, Piniarnermut Nunalerinermullu Naalakkersuisoqarfimmut nassiunneqassaaq, taassumalu qinnuteqaatip tiguneqarneranik uppernarsaat nassiutissavaa. Qinnuteqaativit suliarineqarnissaanut paasissutissat amigarpata attavigineqarumaarputit. 
  • Qinnuteqaatit piumasaqaatinut naapertuunnersoq aamma ilanngussat uppernarsaatillu pisariaqartut tapiliunneqarsimanersut Naalakkersuisoqarfiup misissussavaa 
  • Qinnuteqaat Aalisarneq pillugu Siunnersuisartoqatigiinnut tusarniaassutigalugu nassiussuunneqassaaq  
  • Naalakkersuisunut isummernissamut tunngavissiamut siunnersuummik Naalakkersuisoqarfik suliaqassaaq 
  • Nunami sullivimmik pilersitsinissamut ammaaqqinnissamulluunniit Naalakkersuisut akuersissummik itigartitsinermilluunniit nalunaaruteqassapput 
  • Suliamik ingerlatsineq sapaatip akunnerinik pingasuniit sisamat tungaanut sivisussuseqartarpoq. Allakkatigut imaluunniit e-mail-ikkut akissutisiumaarputit. 

Qinnuteqariaatsimut apeqqutissaqaruit Aalisarnermut, Piniarnermut Nunalerinermullu Naalakkersuisoqarfimmut attaveqarsinnaavutit.

 

Nunami sullivimmik sananiarlutit ukioq naallugu qinnuteqarsinnaavutit.

 

Oqartussat aalajangeeriaasiat aallaaviatigut naammagittaalliutigineqarsinnaanngilatit. Qinnuteqaatilli akuerineqassanngikkaluarpat tunngavilersuummik tunineqarumaarputit. Aalajangiineq kukkusumik tunngavilerneqarsimasorigukku imaluunniit paatsoortoqarsimasoq Aalisarnermut, Piniarnermut Nunalerinermullu Naalakkersuisoqarfimmut naammagittaalliorsinnaavutit, taassumalu ilinnut suliaq nalileqqitassatut ingerlassinnaavaa. Qinnuteqaativit akuerineqannginneranut allakkiaq tigugukku sukkanerpaamik naammagittaalliuutit Naalakkersuisoqarfimmut nassiutissavat.

Naammagittaalliuutit allakkatiguussaaq aamma sooq sunalu pillugu naammagittaalliuuteqarnerlutit allassavat. Eqqaamajuk naammagittaalliuutigerusutat pillugu aalajangiinerup assilinera ilanngutissagakku, taannami suliap ingerlanneqarneranut iluaqutaassammat.

Naalakkersuisoqarfiup naammagittaalliuutit nalilersussavaa suliarlu ilinnut tunngasoq ingerlanneqareerpat attavigineqarumaarputit.

 

Uanga allanneqarpoq: Aalisarnermut immikkoortortaqarfik

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: apnn@nanoq.gl
Nittartagaq: www.apnn.gl
Suliffeqarfiutilimmut

sullissivik.gl-imut tikilluarit

Sullissivik Suliffeqarfiutilimmut isilerputit. Innuttaasumut nuunniaruit, qulaani ‘Innuttaasumut’ toqqassavat.