Angallammut nutaamut atornikumulluunniit tapiissutit imaluunniit angallatip isatertinnissaanut tapiiffigineqarnissamut qinnuteqarfissaq

Aalisarnermut Piniarnermullu Naalakkersuisoqarfiup suliassaasa ilagaat, Aalisarnermut Piniarnermullu inussutissarsiutit ingerlaavaartumik ineriartortuarnissaannut aamma unammillersinnaassuseqarnissaanut suleqataanissaq. Taakkunanilu suleqataasinnaanissamut Inuussutissarsiutitigut tapersiisarnermut immikkoortortaqarfimmi aaqqissuussaasarpoq - Aalisarnermut Piniarnermullu Naalakkersuisoqarfimmi Inuussutissarsiutitigut tapersiisarfiup immikkoortortaqarfianni.

Inuussutissarsiutitigut tapersiinerit tassaapput Aalisartunut Piniartunullu ataani allaqqasunik qinnuteqarfiusinnaasut:

• Umiatsiaaqqanut tapiissut.
• Aallarteqqinnissamut tapiiffigineqarnissamut qinnuteqaat.
• Angallammut qinnuteqaat.
• Angallat isatertinnissaanut kiisalu angallammut pisoqalisimasumut isaterititsineq.
• Silap pissusaata allanngornerani ajunaarnersuartut ittumik tassanngaannartumik pisoqartillugu inuussutissarsiorsinnaanngikkallarnermi ikiorsiissutinik qinnuteqarneq.
  
  
  

Inuussutissarsiutigalugu umiatsiaararsortunut immikkut ittumik tapiissutinik qinnuteqalernermi piumasaqaatit ukuupput:

• Piniartuunissat, aalisartuunissat imaluunniit Kalaallit Nunaannilu najungarisami aalisartuunissat.
• 18-it 65-llu akornanni ukioqarnissat.
• Inuussutissarsiutigalugu aalisartuusimanissat imaluunniit piniartuusimanissat sivikinnerpaamik ukiuni marlunni.
• Umiatsiaaraq 16 aamma 19 fodi akornanni angitigissasoq.

Qaanaap eqqaamiuuguit Tunumiuuguit Kujataarmiuuguit, umiatsiaaqqap akiata 84%-ia tikillugu tapiissutigineqartarpoq. Kalaallit Nunaata sinnerani umiatsiaaqqap akiata 75%-ia tikillugu tapiissuteqartarluni.

Umiatsiaaqqamut tapiiffigineqarnissarnut Kommunerisarni inuussutissarsiutigut siunnersuisarfimmi kiisalu KONFIFA-mi aalisartunut piniartunullu siunnersuisoq aqqutigalugu qinnuteqariartorsinnaavutit. (KONFIFA www.konfifa.gl )

Qinnuteqarnerni ilanngutassat:

• Angallatitaarniarnermut pilersaarusiaq
• Pisiffissamiik neqeroorut
• Ukiuni tulliuttuni pingasuni isertitassat, aamma ukiuni kingulliit pingasuni isertitat.
• Allanut aningaasartuutissat
• Angallatip akiata 10%-ia akilersinnaaneranut uppernarsaat.

Angallammut aamma angallammut pisoqaavallaartumut aserortertinnissaanut qinnuteqarnermi ilanngutassaq:

• Nassuiaasersuut
• Aserortertinnissaanut neqeroorusiaq
• Angallat qanoq naleqarnersoq misissortillugu
• Skibfartsstyrelse-minngaanniit uppernarsaat
• Angallat qularnaveequsiigaasimappat peerneqarsimanissaanut uppernarsaat, qulaarnaveequserneqarsimappat.
• Angallat Kalaallit Nunaanni aalisariutaasimappat aserortertinneqarsinnaavoq.

Tapiissutit
Inuussutissarsiutitigut tapiissutinik qinnuteqarniaruit, qinnuteqaatit Aalisarnermut Piniarnermullu Naalakkersuisoqarfimmut nassiutissavat. esu@nanoq.gl

Aallarteqqinnissamut tapiiffigineqarnissamik suliamut ingerlatseriaaseq.

1. Sumiiffimmi kommunerisanni innuttaasunik sullissivimmi qinnuteqaatit Aalisarnermut Piniarnermullu Naalakkersuisoqarfimmut nassiunneqarpat,
2. Aalisarnermut Piniarnermut Inussutissarsiutitigut Tapersiisarsarnermut immikkoortortaqarfimmi sulisut qinnuteqaatit suliarissavaat.
3. Ukioq kaajallallugu qinnuteqarfiusinnaavoq.
4. Qinnuteqaatit nalilersorneqassaaq, nalilersorneqareerpallu
5. Sumiiffigisanni sullissivimmi sullissisoq kiisalu illit qinnuteqartuusutit Tapiissutinik tunineqarsimanersutit itingartitaasimanerlutilluunniit allakkamik nassiussisoqassaaq.

 

Umiatsiaaqqanut tapiissutinik, aallarteqqinnissamut tapiiffingineqarnissamut, angallatinut, aserorterititsinissamut kiisalu Silaannaap allanngorarnerata peqqutaanik qinnuteqarnermut suleriaaseq.

Qinnuteqarfissanut piffissaliussat:

1. Umiatsiaaqqamut tapiiffigineqarnissamut piffissaliussaavoq Marts naanerata tungaanut qinnuteqarsinnaaneq.
2. Aallarteqqinnissamut tapiiffigineqarnissamik qinnuteqarneq Ukioq kaajallallugu piffissaliussaavoq.
3. Angallatitaarnissamut qinnuteqarniarnermi Ukioq kaajallallugu periarfissaavoq.
4. Angallatinut aserortitinissamut qinnuteqarniaraanni periarfissaavoq 31. Marts Ukioq atuuffiusumi qinnutigineqarnissaa, ataatsimiititalianinngaanniit suliarineqartaramik.
5. Silaannaap allanngornera peqqutigalugu piffissap sivikitsup iluani aningaasanik isaatitsinnginnermi periarfissaavoq qinnuteqassalluni.

Inuussutissarsiutitigut taarsigassarsinissamik qinnuteqaatit itigartinneqarsimappat, naammagittaalliorsinnaavutit imaattoqarsimappat:

• Isumaqaruit itigartitsineq tunngaviit eqqunngitsut aallaavigalugit pisimasoq.
• Isumaqaruit qinnuteqaatinnut tunngatillugu paasossutissanik nutaanik saqqummersoqarsimasoq.

Itigartinneqarnermik nalunaarutisiffivit kingorna kingusinnerpaamik ullut 14-it qaangiutsinnagit allaganngukkamik naammagittaalliuteqassaatit. Aalisarnermut, Piniarnermut Nunalerinermullu Naalakkersuisoqarfimmut naammagittaalliut nassiunneqassaaq.

Eqqaamallugu naammagittaalliutit tunngavilersussagakku.

Naammagittaalliutit suliarineqareerpat akissutisissaatit.

Naalakkersuisoqarfimmit aalajangiunneqartoq naammaginngikkukku, Ombudsmandeqarfimmut suliassanngortissinnaavat.

Naammangittaalliuteqarniaruit Aalisarnermut Piniarnermullu Naalakkersuisoqarfimmut esu@nanoq.gl -mut nassiutissavat