Peqatigiiffiit – Pilersitsineq
Kommunerisannuinnaq aalajangersimasunik paasissutissaqarpoq.
- Kommuneqarfik Sermersooq
Kikkulluunniit kommunimut nalunaaqqaaratik timersoqatigiiffimmik peqatigiiffimmilluunniit pilersitsinnaapput, peqatigiiffilli aningaasatigut
tapiiffigineqassaguni kommunimi peqatigiiffittut nalunaarsorsimasuusariaqarpoq piumasaqaatinillu tunniussisimasariaqarluni. Kommunilu periarfissanik assigiinngitsunik aqqutissiuussisinnaavoq, aningaasatigut tapiissutinut, sungiusarfissat ataatsimiittarfiit imaluunniit peqatigiiffinnut tunngassutillit pikkorissaanerit, workshoppit assigiinngitsullu aaqqissuussinernut tunngassutilinnut attuumassuteqarsinnaasut.
Timersoqatigiiffinnut tapiissutit
Peqatigiiffik tapiissutinik pissarsiaqarsinnaatitaassappat taamaallaat tapiissuteqartoqarsinnaavoq tapersiisoqarsinnaallunilu ukiut tamaasa kingusinnerpaamik 1. maj uku kommunimut nassiunneqarsimappata:
- Malittarisassat
- Ukiumoortumik naatsorsuutit kukkunersiukkat (Peqatigiiffiit ingerlareersut)
- Ataatsimeersuarnerni oqaluuserineqartut
- Ataatsimeersuarnermi imeqarniliaq
- Ilaasortat allattorsimaffia nutartigaq
- Siulersuisut katitigaanerat (Nalunaarsuinermi immersugassaq)
Peqatigiiffiit sorliit Kommuneqarfik Sermersuumi nalunaarsorneqarsimanersut tusarusukkussiuk, Inerisaanermut ingerlatsiviup kultureqarnermut aamma sunngiffimmut immikkoortortaqarfia attavigisinnaavarsi, tassani peqatigiiffinnut siunnersorti atorfeqarmat. Ingerlatsiviup peqatigiiffiit nalunaarsorneqarsimasut tamakkerlugit allattugaatigai.
- Nuummi eqqaaniluunniit najugaqarussi, peqatigiiffinnut siunnersorti attaveqarfigisinnaavarsi oqarasuaammi uani 34 70 00
- Paamiuni eqqaaniluunniit najugaqarussi, kultureqarnermut siunnersorti attaveqarfigisinnaavarsi oqarasuaammi uani 68 19 96
- Tasiilami eqqaaniluunniit najugaqarussi, sunngiffimmi pisortaq attaveqarfigisinnaavarsi oqarasuaammi uani 98 15 77
- Ittoqortoormiini najugaqarussi, sunngiffimmi aqutsisoq attaveqarfigisinnaavarsi oqarasuaammi uani 99 16 18
Imaluunniit mail-imut nassiussinnaavat: peqatigiiffiit@sermersooq.gl.
Kommuneqarfik Sermersuumi peqatigiiffiit pillugit annertunerusumik paasisaqarsinnaavutit uani www.sunngiffik.gl.
Peqatigiiffik tassaavoq inuit ataatsimoorfiat, ataatsimoorullugu assersuutigalugu timersornikkut, nipilersornikkut kulturikkulluunniit soqutigisartik pillugu naapittarfiat. Peqatigiiffiit nalinginnaasumik ilisarnaatigisarpaat aaqqissuussaasarnertik.
Tamatuma nassatarisaanik ulluni aamma piffissani aalajangersimasuni ataatsimoortarput, siulittaasoqartarput peqatigiiffimmilu ilaasortaaniaraanni akiliuteqartoqartarpoq.
Peqatigiiffittut pilersinneqarsimagaanni arlalissuarnik iluaquteqarsinnaavoq. Ilaatigut assersuutigalugu aaqqissuussinerit ingerlanneqarnissaannut kommuninit aamma Namminersorlutik Oqartussanit tapiiffigineqarnissamik qinnuteqartoqarsinnaavoq.
Tunngaviusumik kikkulluunniit peqatigiiffimmik pilersitsisinnaapput isumartillu malillugu aaqqissuussamik pilersitsillutik. Peqatigiiffimmik aallartitsiniarussi malittarisassanik sanassaasi, minnerpaamik tulliuttunik nassuiaasuusunik:
1. Peqatigiiffiup aqqa najugaalu
2. Peqatigiiffiup siunertaa
3. Ilaasortat
4. Ilaasortanngorneq aamma ilaasortaajunnaarneq
5. Ilaasortaanermut akiliut
6. Siulersuisut inuttarineqassallutillu, siulittaasoq, siulittaasup tullia, aningaaserisoq, allatsi, siulersuisunut ilaasortat aamma sinniisussat
7. Siulittaasup aamma aningaaserisup akisussaaffii
8. Nalinginnaasumik ataatsimeersuarneq
9. Ataatsimeersuarnerup immikkut ittumik ataatsimeersuarnertut ingerlanneqarnera
10. Peqatigiiffiup atorunnaarsinneqarnera
11. Peqatigiiffiup pilersinneqarnerata ullua
Malittarisassat suliarereerussigit, ilaasortanit akuersissutigineqassapput. Tamanna ataatsimeersuarnermi pigajuppoq.
Malugiuk
Naalakkersuisut kommunalbestyrelsilu naalakkersuinikkut, upperisarsiornikkut sulisartoqarnermilluunniit peqatigiiffeqarnikkut siunertarineqartunut tapiissuteqarsinnaanngillat.
Imaneq 4
Postboks 1029
3900 Nuuk
Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl